Fréttablaðið - 07.01.2021, Qupperneq 8

ORKURANNSóKNASJóÐUR
Ert þú að grúska fyrir
grænan heim?
Eitt stærsta verkefni okkar er að skila jörðinni til komandi
kynslóða í jafn góðu eða betra ástandi en við tókum við henni.
Nútíminn kallar á grænar lausnir til að ná þessu takmarki,
og ein stærsta græna lausnin er orkuvinnsla úr auðlindum sem
endurnýja sig og valda lítilli losun á gróðurhúsalofttegundum.
Rannsóknaverkefni sem tengjast orku- og umhverfismálum
geta skipt sköpum í leitinni að þessum grænu lausnum og
Orkurannsóknasjóður styður við slík verkefni á vegum háskóla,
stofnana, fyrirtækja og einstaklinga.
Við auglýsum nú eftir umsóknum um styrki frá sjóðnum.
Nánari upplýsingar, auk umsóknareyðublaðs,
er að finna á vef Landsvirkjunar
landsvirkjun.is
Umsóknum er skilað á netfangið
orkurannsoknasjodur@landsvirkjun.is
Umsóknarfrestur er til og með
11. janúar 2021
Lánaáætlun ríkissjóðs fyrir árið 2021 leggst almennt vel í markaðs­aðila, en skuldabréfaút­gáfa ríkissjóðs á inn­lendum verður nokkru
minni en væntingar stóðu til. Er
það einkum vegna fyrirhugaðrar
lántöku í erlendri mynt og sölu
ríkissjóðs á hlut í Íslandsbanka.
Verði f jórðungshlutur seldur í
fyrsta kasti, svo dæmi sé tekið, með
skráningu bankans á markað gæti
það skilað ríkissjóði mögulega 30
til 40 milljörðum. Allir formenn
stjórnarf lokkanna þriggja hafa
lýst sig hlynnta sölu ríkissjóðs á
Íslandsbanka og kveðið er á um
söluna í stjórnarsáttmála ríkis­
stjórnarinnar.
Lánamál ríkisins birtu útgáfu­
áætlun ársins 2021 eftir lokun
markaða á síðasta viðskiptadegi
nýliðins árs. Ávöxtunarkrafa óverð­
tryggðra skuldabréfa flokka ríkisins
hefur verið nokkuð stöðug það sem
af er vikunni, en nettó lánsfjárþörf
ríkissjóðs á þessu ári er áætluð um
352 milljarðar króna. Athygli vekur
að magnbundin íhlutun Seðla­
banka Íslands á fjármagnsmörkuð­
um er ekki hluti af áætlun Lánamála
ríkisins. Allf lestir markaðsaðilar
gera ráð fyrir því að einhver hluti
skuldabréfaútgáfu ríkissjóðs endi
á bókum Seðlabankans, sem mun
að óbreyttu verka til lækkunar á
ávöxtunarkröfu ríkisbréfa og þar
með lækka fjármagnskostnað hins
opinbera.
Nettó útgáfa minni en 2020
„Útgáfuáætlunin í ríkisbréfum er
lægri en við gerðum ráð fyrir þegar
nýtt fjárlagafrumvarp var kynnt
síðastliðið haust. Ef við tökum tillit
til gjalddaga ríkisbréfa þá er nettó
útgáfan rúmlega 70 milljarðar
króna í ríkisbréfum í ár samanborið
við um 120 milljarða í fyrra,“ segir
Ingólfur Snorri Kristjánsson, for­
stöðumaður skuldabréfastýringar
Íslandssjóða.
Halli á rekstri ríkissjóðs á árinu
2020 er áætlaður um 270 milljarðar
króna. Samkvæmt fjárlögum árs­
ins 2021 verður halli ársins 2021
svo 320 milljarðar króna. Margir
höfðu áhyggjur af því að ríkissjóði
gæti reynst dýrt að fjármagna halla
áranna 2020 og 2021 á innlendum
f jármagnsmörkuðum, þar sem
stóraukið framboð ríkisskulda­
bréfa myndi hækka fjármagns­
kostnað hins opinbera með hækk­
andi ávöxtunarkröfu.
Minni lántaka á innlendum fjár­
magnsmörkuðum en vænst var
breytir hins vegar þeirri mynd
sem margir aðilar á markaði höfðu
teiknað upp síðasta haust. „Þetta
gerir það að verkum að framboðs­
þrýstingurinn í ríkisbréfum verður
minni en við töldum áður, en auð­
vitað helst þetta í hendur við að vel
takist að fjármagna það sem upp á
vantar. Þar vegur líklegast þyngst
erlend lántaka og eignasala,“ segir
Ingólfur Snorri.
Lántaka ríkissjóðs á erlendum
mörkuðum er fyrirhuguð á næsta
ári, en væntingar markaðsaðila
um stærðargráðu slíkrar útgáfu
eru um einn milljarður evra, eða
sem nemur liðlega 156 milljörðum
króna miðað við gengi krónunnar
um þessar mundir. Sjóðstaða ríkis­
sjóðs í erlendri mynt er rífleg, að því
er kemur fram í umfjöllun Lána­
mála ríkisins, eða um 218 milljarðar
króna.
„Miðað hve fjármagnsþörf ríkis­
sjóðs er mikil nú á fyrri hluta árs þá
held ég að erlend lántaka ætti að
eiga sér stað fyrr en seinna, sem og
kaup Seðlabankans á ríkisbréfum,“
segir Stefán Broddi Guðjónsson,
sérfræðingur í skuldabréfum hjá
Arion banka. „Heilt yfir líst mér vel
á þetta plan. Ég hef samt áhyggjur af
því hvernig muni ganga með útgáfu
víxla, sérstaklega til skemmri tíma.
Í janúar og febrúar eru samtals 80
milljarðar af víxlum á gjalddaga,“
bætir hann við.
Framþung víxlaútgáfa
Stefán Broddi nefnir einnig að lán­
taka ríkissjóðs hjá Íbúðalánasjóði
(ÍLS) myndi hluta af fjármögnun
ríkisrekstrarins á næsta ári, en
laust fé ÍLS er það fjármagn sem
safnast upp hjá sjóðnum vegna
uppgreiðslna heimila á íbúða­
lánum. „Snemma árs í fyrra þrýsti
Seðlabankinn ÍLS út úr beinum inn­
lánum hjá sér með það að markmiði
að stuðla að auknu lausu fé í umferð.
Aukið laust fé í umferð styður aukin
útlán banka og stuðlar að kaupum
banka, og annarra lánafyrirtækja
eins og ÍLS, á ríkisvíxlum.“ Taki
ríkissjóður lán frá ÍLS, dragi þann­
ig úr getu síðarnefnda aðilans til að
taka þátt í víxlaútboðum ríkissjóðs.
Lánaáætlun leggst vel í markaðinn
Dágóður hluti hallarekstrar áranna 2020 og 2021 verður fjármagnaður með eignasölu, erlendum lántökum og lánum Íbúðalána-
sjóðs til ríkissjóðs. Magnbundin íhlutun Seðlabanka Íslands ekki hluti af lánaáætlun ríkissjóðs, þó að flestir vænti slíkra aðgerða.
Bjarni Benediktsson fjármálaráðherra mun taka endanlega ákvörðun um
sölu á hluta eignar ríkissjóðs í Íslandsbanka síðar í mánuðinum. MYND/GVA
Þórður
Gunnarsson
thg@frettabladid.is
MARKAÐURINN
7 . J A N Ú A R 2 0 2 1 F I M M T U D A G U R8 F R É T T I R ∙ F R É T T A B L A Ð I Ð