Fréttablaðið - 07.01.2021, Qupperneq 16

7 . J A N Ú A R 2 0 2 1 F I M M T U D A G U R16 S P O R T ∙ F R É T T A B L A Ð I Ð
SPORT
FÓTBOLTI Landsliðsmarkvörðurinn
Guðbjörg Gunnarsdóttir skrifaði í
gær undir tveggja ára samning við
norska félagið Arna-Bjørnar. Guð-
björg var án félags eftir að hafa yfir-
gefið sænska félagið Djurgården á
dögunum. Guðbjörg þekkir vel til
í Noregi enda áður leikið með LSK
og Avaldsnes.
Guðbjörg sneri aftur inn á völlinn
í lokaumferðum sænsku deildar-
keppninnar og lék síðustu þrjá leik-
ina fyrir Djurgården eftir að hafa
gengið með tvíbura. Guðbjörg sem
hefur verið atvinnumaður frá árinu
2009 stóð vaktina í marki Íslands í
lokakeppni EM árið 2013 og 2017 og
lék einn leik á EM 2009. – kpt
Guðbjörg samdi
til tveggja ára
Guðbjörg á æfingu landsliðsins.
FÓTBOLTI Landsliðskonan Karólína
Lea Vilhjálmsdóttir er búin að ná
samkomulagi við þýska stórveldið
Bayern München og fer í læknis-
skoðun hjá Þjóðverjunum á næstu
dögum. Vísir greindi frá þessu í gær
og að Karólína myndi skrifa undir
samning til ársins 2024.
Karólína sem er uppalin í FH en
hefur leikið með Breiðabliki und-
anfarin ár verður með því annar
Íslendingurinn sem leikur fyrir
kvennalið Bayern á eftir Dagnýju
Brynjarsdóttur. Hin tvítuga Karól-
ína er þrátt fyrir ungan aldur búin
að stimpla sig inn í mikilvægt hlut-
verk hjá íslenska landsliðinu og
vakti athygli stórliða með frammi-
stöðu sinni í undankeppni EM.
Karólína er annar Íslendingur-
inn sem semur við eitt af topplið-
um þýska boltans á stuttum tíma,
en á dögunum samdi Sveindís Jane
Jónsdóttir við Wolfsburg. – kpt
Karólína semur
við Bayern
KÖRFUBOLTI Körfuboltasamband
Íslands, KKÍ, birti í gær drög að
leikjaáætlun fyrir efstu tvær deildir
karla og kvenna, í von um að leyfi
verði veitt fyrir íþróttaleikjum
í næstu aðgerðum stjórnvalda.
Aðeins tókst að leika eina umferð
í Domino’s-deild karla og þrjár
umferðir í Domino’s-deild kvenna
áður en keppnishald var stöðvað í
haust vegna aðgerða stjórnvalda til
að hefta frekari útbreiðslu kóróna-
veirunnar.
Hannes S. Jónsson, framkvæmda-
stjóri KKÍ, tekur undir að það sé
erfitt að skipuleggja mótshald þegar
óvíst er hvort heimild fáist fyrir
keppnisíþróttum á ný og hvort enn
ein bylgjan muni stöðva allt á nýjan
leik.
„Auðvitað hefur verið höfuðverk-
ur að smíða þetta saman en KKÍ gaf
út reglugerð í fyrra þar sem kom
fram að við gætum þurft að spila
fram í júní, svo að við höfum lengri
tíma fyrir vikið. Ég held að engan
hafi órað fyrir því sem hefur geng-
ið á, að mótinu yrði strax frestað í
þrjá mánuði. Þetta fyrirkomulag er
teiknað miðað við þær forsendur að
við fáum að hefja leik í næstu viku
sem er alls ekki víst ennþá. Ef það
fæst ekki leyfi þurfum við að setjast
aftur við teikniborðið. Það má ekki
gleymast að þarna erum við bara
að horfa á tvær efstu deildirnar. Við
eigum eftir að horfa á næstu deildir
fyrir neðan og yngri f lokka starf
sem er mun meiri fjöldi.“
Aðspurður hvað gert yrði ef ekki
fengist leyfi fyrir keppnis íþróttum
segir Hannes að þá þyrfti að fara
aftur á teikniborðið. Einföld umferð
hefur komið til umræðu en stefnt
er að því að klára tvöfalda umferð
karlamegin. Kvennamegin er áætl-
að að spila þrefalda umferð í stað
fjórfaldrar.
„Við höfum verið í reglubundn-
um samskiptum við félögin um
fyrirkomulagið á þessu. Það eru
auðvitað skiptar skoðanir á milli
félaganna en í heildina eru held ég
að flestir séu sammála um þessa leið
ef leyfi fæst til að hefja leik í næstu
viku. Miðað við tölur síðustu daga
erum við bjartsýn á að fá að hefja
leik en við erum háð ákvörðunum
stjórnvalda. Mótanefnd er búin
að skoða alls konar möguleika og
félögin sömuleiðis, meðal annars
að hafa einfalda umferð. Margar
hugmyndir eru uppi á borði en á
einhverjum tímapunkti þarf að
taka ákvörðun,“ segir Hannes.
Hann staðfestir að það séu nokkrir
gluggar til að færa leiki í ef fresta
þyrfti vegna sóttkvíar eða veðurs
eins og tíðkast hefur undanfarin ár.
„Það eru göt á milli leikja sem
hægt er að færa leiki ef fresta þarf
vegna sóttkvíar eða ef lið eru veður-
teppt yfir vetrartímann. Munum
koma þeim fyrir þótt það verði auð-
vitað strembið.“ – kpt
Flest félög sammála um nýtt leikjafyrirkomulag ef leyfi fæst
Meistaratitillinn karlamegin hefur dvalið í Vesturbænum frá árinu 2014. KR
getur jafnað Íslandsmet með sjöunda titlinum í röð í ár. FRÉTTABLAÐIÐ/ANTON
FÓTBOLTI „Þetta er erfið spurning
og þunn lína þarna á milli enda
huglægt mat hvar ábyrgðin liggur.
Hvenær teljast svona upplýsingar
sem þú deilir með þínum nánustu
sem fréttir og hvenær er þetta nýtt
sem innherjaupplýsingar, sem þetta
virðist hafa verið hjá Kieran Tripp-
ier,“ segir Þorvaldur Ingimundar-
son, heilindafulltrúi KSÍ, aðspurður
hvort ábyrgðin liggi eingöngu á
herðum Kierans Trippier sem var
dæmdur fyrir að láta af hendi inn-
herjaupplýsingar um væntanleg
félagaskipti til Atletico Madrid til
vinar árið 2019.
Ekkert slíkt mál hefur ratað inn
á borð KSÍ sem hefur þó rætt áhrif
innherjaupplýsinga á íslenska
knattspyrnu. Þorvaldur hefur í
starfi sínu meðal annars fjallað um
skort á regluverki á Íslandi utan um
innherjaupplýsingar sem tengjast
veðmálastarfsemi á íslenskum
knattspyrnuleikjum.
„Við eruð auðvitað ekki komin
þangað hér á Íslandi að hér sé veðjað
á félagaskipti en hér um árið var
frægt þegar skyndilega streymdu
áhorfendur á leik hjá öðrum flokki
þegar það fréttist að það yrðu lykil-
leikmenn fjarverandi í öðru liðinu.
Ef það hefði komið frétt um þetta
um morguninn telst þetta ekki sem
innherjaupplýsingar lengur heldur
bara fréttir. Þegar ég hef verið að
flytja fyrirlestra um þetta mál spyr
ég oft fólkið í salnum: Hvað er rétt
í þessu? Hvenær er rétt að láta eftir
upplýsingar?“
Trippier var árið 2019 nýbúinn að
taka þátt í úrslitaleik Meistaradeild-
ar Evrópu með Tottenham, en hann
varð fyrsti Englendingurinn í sögu
Atletico Madrid þegar gengið var
frá félagaskiptunum. Bakvörðurinn
hefur sjálfur verið samstarfsfús á
meðan rannsókn stóð yfir og gefið
Enska knattspyrnusambandinu
allar þær upplýsingar sem óskað
hefur verið eftir.
Í fjölmiðlum í gær komu í ljós
samskipti Trippier við vin sinn þar
sem Trippier gaf til kynna að félaga-
skiptin væru líklegast að ganga í
gegn. Þegar vinurinn spurðist fyrir
um hvort hann ætti að leggja pen-
inga undir, sagði Trippier að það
ætti að vera óhætt þó að hlutirnir
væru f ljótir að breytast og þetta
gæti skyndilega farið úrskeiðis.
Vinurinn sem um ræðir veðjaði
tíu sinnum á að Trippier myndi
ganga til liðs við Atletico og voru
upphæðirnar á bilinu 3-12 þúsund
íslenskar krónur. Enski landsliðs-
bakvörðurinn var dæmdur í tíu
vikna bann og dæmdur til að greiða
sjötíu þúsund punda sekt en hann
hefur áfrýjað dóminum á grund-
velli þess að hann hafi sjálfur hvorki
veðjað né grætt á veðmálunum.
„Þetta er mjög fín lína og vekur
mann til hugsunar um hvað maður
lætur frá sér í upplýsingagjöf,“ segir
Þorvaldur. Innan fjármálageirans
geta menn átt von á fangelsisvist
fyrir brot á reglum um innherjaupp-
lýsingar.
Breskir fjölmiðlar fullyrtu í fyrra
að ósætti væri innan Enska knatt-
spy r nusambandsins um dóm
yfir Daniel Sturridge, fyrrverandi
framherja Liverpool, Chelsea, Man-
chester City og enska landsliðsins,
í sambærilegu máli. Sturridge var
gefið að sök að hafa beðið einstak-
ling nákominn sér að setja peninga
á næsta áfangastað sinn.
Sturridge var sýknaður í níu
liðum af ellefu en var dæmdur fyrir
að standa í ólöglegum veðmálum í
tveimur liðum. Fyrir það fékk Stur-
ridge í fyrstu sex leikja bann og 75
þúsund punda sekt en því var síðar
breytt í fjögurra mánaða bann eftir
áfrýjun Enska knattspyrnusam-
bandsins.
Það má álykta að Enska knatt-
spyrnusambandið sé að reyna að
setja fordæmi í dæmi Trippiers
um hertar refsingar fyrir slík brot
til frambúðar. Undanfarin ár hafa
sífellt f leiri leikmenn stigið röngum
megin við línuna eins og sást greini-
lega í bikarleik árið 2017 þegar
markvörður utandeildarliðsins
Sutton gæddi sér á böku á meðan á
leik stóð. Fyrir leik var búið að aug-
lýsa að hægt væri að veðja á hvort
umræddur leikmaður myndi gæða
sér á böku meðan á leiknum stæði.
kristinnpall@frettabladid.is
Á gráu svæði hvor aðilinn ber
siðferðislega ábyrgð í málinu
Kieran Trippier var dæmdur í bann fyrir að leka innherjaupplýsingum um félagaskipti til vinar og
banna honum ekki að leggja peninga undir næsta áfangastað bakvarðarins. Erfitt er að segja til um
hver ber siðferðislega ábyrgð í slíkum málum, hvenær það telst fréttir og hvenær innherjaupplýsingar.
Orðrómur um heimkomu Trippiers til Englands dó út þegar hann var dæmdur í bannið. FRÉTTABLAÐIÐ/GETTY
Trippier var dæmdur
sekur í fjórum af sjö liðum
ákæru Enska knattspyrnu-
sambandsins.