Skessuhorn - 20.05.2020, Qupperneq 10

MIÐVIKUDAGUR 20. MAí 202010
Akraneskaupstaður bættist á
fimmtudaginn í ört stækkandi hóp
sveitarfélaga hér á landi sem hefja
nú vinnu við að innleiða Barnasátt-
mála Sameinuðu þjóðanna í stjórn-
sýslu sína. Það er gert með stuðn-
ingi félagsmálaráðuneytisins og
UNICEF á íslandi. Það voru Ás-
mundur Einar Daðason, félags- og
barnamálaráðherra, Birna Þórarins-
dóttir, framkvæmdastjóri UNICEF
á íslandi, og Sævar Freyr Þráins-
son, bæjarstjóri Akraneskaupstaðar,
sem undirrituðu samning um Barn-
vænt sveitarfélag. Þátttaka Akranes-
kaupstaðar í verkefninu er liður í að
byggja upp breiðfylkingu sveitar-
félaga á íslandi sem láta sér mann-
réttindi barna varða, með Barna-
sáttmálann að leiðarljósi og auknu
samstarfi milli ríkis og sveitarfélaga.
Áður höfðu fjögur sveitarfélög fyllt
þennan hóp, þeirra á meðal Borgar-
byggð fyrir nokkrum vikum.
Barnvæn sveitarfélög vinna
markvisst að því að uppfylla rétt-
indi barna. Hugmyndafræðin bygg-
ir á alþjóðlegu verkefni UNICEF,
Child Friendly Cities, en það hef-
ur verið innleitt í hundruðum sveit-
arfélaga um allan heim. Barnvæn
sveitarfélög vinna markvisst að því
að uppfylla réttindi barna og UNI-
CEF á íslandi styður sveitarfélögin
í innleiðingu sinni á Barnasáttmál-
anum.
Ásmundur Einar Daðason, fé-
lags- og barnamálaráðherra sagði
við þetta tilefni gleðilegt að sjá
Akraneskaupstað setja málefni
barna og fjölskyldna í svo skýran
forgang. „Það er ómetanlegt að
upplifa hversu mikill áhugi er með-
al sveitarfélaga á íslandi að ganga
til samstarfs við að innleiða þetta
mikilvæga verkefni. Eftirspurn eft-
ir stuðningi við innleiðingu Barna-
sáttmálans hefur verið mikil og vil
ég gera allt sem í mínu valdi stend-
ur til að svara þeirri eftirspurn.“
Sævar Freyr Þráinsson, bæjar-
stjóri Akraness, sagði að bæjarstjórn
hafi tekið áskorun frá bæjarstjórn-
arfundi unga fólksins í nóvember
um að taka þátt í verkefninu Barn-
væn sveitarfélög. „Það er því mjög
ánægjulegt að bæjarstjórn Akraness
hafi nú samþykkt að taka þátt í verk-
efnin UNICEF og félagsmálaráðu-
neytisins. Verkefnið kemur á rétt-
um tímapunkti því unnið er að gerð
menntastefnu hjá Akraneskaupstað
og því tilvalið að vinna þessi verk-
efni samhliða, með réttindi barna
og Barnasáttmála Sameinuðu þjóð-
anna að leiðarljósi.“
Nánari upplýsingar um Barnvæn
sveitarfélög eru aðgengilegar á vef-
síðunni www.barnvaensveitarfelog.
is og geta áhugasamir einstaklingar,
kjörnir fulltrúar og starfsfólk sveit-
arfélaga nálgast þar allar nauðsyn-
legar upplýsingar um innleiðingu
Barnasáttmálans.
mm
Síðastliðinn fimmtudag skrif-
uðu Ásmundur Einar Daðason fé-
lags- og barnamálaráðherra, Birna
Þórarinsdóttir, framkvæmdastjóri
UNICEF á íslandi og Sævar Freyr
Þráinsson bæjarstjóri Akraness
undir starfssamning um verkefnið
Barnvænt sveitarfélag. Eins og
fram kemur í fréttinni hér að ofan
er Akraneskaupstaður þá komin
í hóp sveitarfélaga sem vinna að
innleiðingu Barnasáttmála Sam-
einuðu þjóðanna í stjórnsýslunni.
Undirritunina má rekja til áskor-
un sem bæjarstjórn barst frá bæj-
arstjórn unga fólksins síðasta haust
en ungmenni á Akranesi hafa hvatt
bæjarfélagið til að innleiða Barna-
sáttmálann frá árinu 2014.
Kom frá unga fólkinu
Jón Hjörvar Valgarðsson er ung-
ur Skagamaður sem hefur frá því í
10. bekk í grunnskóla tekið virkan
þátt í stjórnmálum á Akranesi en
í ár er fyrsta árið síðan hann lauk
grunnskóla sem hann situr ekki
í bæjarstjórn unga fólksins. „Ég
mætti með sáttmálann og nokk-
ur fylgiskjöl frá UNICEF á bæjar-
skrifstofurnar og afhenti þáverandi
bæjarstjóra og forseta bæjarstjórn-
ar. Árið 2016 var aðeins farið af
stað með tilraun til að gera Akra-
nes að barnvænu samfélagi og við
unga fólkið héldum áfram að ýta
sáttmálanum að bæjarstjórninni.
Við sendum meðal annars skóla-
og frístundaráði sáttmálann og
hvöttum til þess að gera Akranes
að tilraunasamfélagi með að inn-
leiða Barnasáttmálann,“ segir Jón
Hjörvar. Það var svo eftir áskor-
un bæjarstjórnar unga fólksins í
nóvember á síðasta ári sem form-
lega var ákveðið að innleiða sátt-
málann á Akranesi.
Meira hlustað en áður
Að sögn Jóns Hjörvars hefur mik-
il þróun átt sér stað á Akranesi er
varðar samráð bæjarstjórnar við
ungt fólk í bænum um þau mál-
efni sem tengjast unga fólkinu með
beinum hætti. „Árið 2018 fékk
ungmennaráð Akraness fulltrúa í
skóla- og frístundaráð. Fulltrúinn
fær að sitja þá fundi þegar rædd
eru mál sem tengjast börnum eða
ungmennum,“ segir Jón Hjörv-
ar. Aðspurður segir hann finna að
í dag sé meira hlustað á börn og
ungmenni en áður. „Bara frá því
ég byrjaði í þessu 2014 finn ég
mun. Og núna, þegar þetta skref
hefur formlega verið tekið, þurf-
um við að hugsa um hvað kem-
ur næst. Ætlum við að vera barn-
vænt samfélag og státa okkur af
einum eða tveimur fundum á ári
hjá unga fólkinu, eða ætlum við að
gefa þeim enn meiri rödd og taka
þau meira með í ákvarðanatök-
ur sem varða þau sjálf,“ spyr Jón
Hjörvar og bætir við að í Barna-
sáttmálanum komi fram að ungt
fólk eigi að fá að koma að ákvarð-
anatöku í málum sem varða þau
sjálf. „Mér þætti til dæmis eðlileg-
ast að unga fólkið myndi fá full-
trúa í skipulagsráð Akraness. Þar
er verið að skipuleggja til dæm-
is hvar eigi að setja hjólastíga og
hverjir nota þessa hjólastíga? Börn
og ungmenni. Það sama á við um
áætlun strætó, leiktæki á leikvöll-
um og svo margt fleira. Börn og
ungmenni ættu að fá að hafa meira
að segja með það sem snertir þau,“
segir Jón Hjörvar.
Má ekki fara í lægð
Aðspurður segir Jón Hjörvar að
nú sé mikilvægast að bæjarstjórn
Akraness haldi sér við efnið og
gæti þess að málefnið fari ekki í
lægð næstu árin. „Barnasáttmálinn
er ekki pólitískur og málefni unga
fólksins eru ekki pólitísk. Unga
fólkið er ekki að fara að sækja eft-
ir endurkjöri, þau segja bara það
sem skiptir þau máli hverju sinni.
En þau eru heldur ekki að fara að
kjósa og þá getur verið auðvelt að
horfa framhjá þeirra skoðunum.
Þetta þarf að hafa í huga núna,
að þetta á ekki að vera pólitískt.
Það er búið að skrifa undir þenn-
an sáttmála, það er líka pólitískt
að gera það, rosalega flott og allt
það en það má ekki stoppa þar. Það
þarf að fylgja þessu eftir og skóla-
og frístundaráð þarf væntanlega að
gera það. Það má ekki gleyma að
þau sitja pólitískt í ráðinu og hafa
því kannski ekki neina sérþekkingu
á þessum málum. Þá er tækifæri að
hafa unga fólkið meira með, þau
vita hvað skiptir þau mestu máli,
tölum við þau,“ segir Jón Hjörvar.
Hvernig samfélag
viljum við vera?
En af hverju er mikilvægt að inn-
leiða Barnasáttmálann? „Ég heyrði
góða dæmisögu sem útskýrir þetta
vel. Fyrir gullaldartímabil Skaga-
manna átti að byggja á Merkurtúni.
Þá komu félagarnir saman sem
voru að alast upp hér á þeim tíma
og fóru upp á skrifstofu og sögðu
að það væri ekki hægt að taka fót-
boltavöllinn þeirra, hvar ættu þeir
þá að spila. Það var ákveðið að
byggja ekki og svo nokkru síðar
voru þessir strákar að vinna hvern
titilinn á eftir öðrum. Unga fólk-
ið hefur svo mikið um það að segja
hvernig samfélagið okkar verður
eftir tíu ár. Viljum við vera sam-
félagið sem byggði á Merkurtúni
og hélt áfram að berjast í annarri
deild í tíu ár, eða viljum við vera
samfélagið sem vinnur titla ár eftir
ár,“ svarar Jón Hjörvar. „Við eig-
um að hlusta á unga fólkið. Það er
svo gott fyrir þau að hafa rödd og
finna að þau geta skipt máli í sam-
félaginu sínu,“ bætir hann við.
arg
Eftir undirritun samningsins var skellt í hópmynd. Fremst eru Birna Þórarinsdóttir, framkvæmdastjóri UNICEF á Íslandi, Sævar
Freyr Þráinsson bæjarstjóri og Ásmundur Einar Daðason, félags- og barnamálaráðherra.
Akraneskaupstaður ætlar að verða Barnvænt sveitarfélag
„Það er svo gott fyrir þau að hafa rödd og finna að
þau geta skipt máli í samfélaginu“
Jón Hjörvar Valgarðsson.