Skessuhorn - 30.08.2020, Page 4

MIÐVIKUDAGUR 30. SEptEMBER 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.590 krónur með vsk. á mánuði. Elli- og örorkulífeyrisþegar greiða
kr. 3.100. Rafræn áskrift kostar 2.815 kr. Rafræn áskrift til elli- og örorkulífeyrisþega er 2.595 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Friðartíminn úti?
Á morgun kemur Alþingi saman til vetrarstarfa og hefst um leið síðasta
þinghaldið fyrir kosningar. Að öllu óbreyttu verður kosið eftir tæpt ár, um
svipað leiti og sláturtíð stendur sem hæst. Nú þegar líða fer að lokum kjör-
tímabils er hins vegar hægt að slá því föstu að átök munu harðna. Flokk-
ar þurfa að skerpa á áherslumálum sínum og láta vita hvort enn sé lífs-
mark með þeim. Rifjuð verða upp þriggja ára kosningaloforð og jafnvel du-
stað rykið af stjórnarsáttmálanum. Stjórnarflokkarnir þrír eru nú í þröngri
stöðu þar sem samstarf frá vinstri og til hægri hefur krafist fórna í formi
málamiðlunar. Ef hins vegar málamiðlun er meiri en svo að stuðningmenn
flokkanna geti sætt sig við hana, munu kjósendur annað hvort leita á önnur
mið, eða að flokksfélögin sjálf fara að sínu forystu sinni klærnar.
Þá er sömuleiðis í aðdraganda kosningavetrar nokkuð víst að nýir flokkar
koma fram. Nær öruggt er að sósíalistar munu bjóða fram í fyrsta skipti.
Hvort þessi nýi flokkur á eftir að skapa sér eitthvað meiri sérstöðu en til
dæmis pínulitli flokkurinn hennar Ingu Sæland, á algjörlega eftir að koma í
ljós. Alltaf þarf trúverðuga flokka á vinstri vængnum sem raunverulega vilja
berjast fyrir þá sem höllum fæti standa í þjóðfélaginu. Þá er líka eins gott
að þessir flokkar velji til framboðs fólk sem ekki er hrokkið úr lestinni við
minnsta tilefni, eins og dæmin hafa vissulega sannað.
Um liðna helgi héldu nokkrir flokkar rafræn flokksþing á kóvidtímum.
Vegna veirunnar hittist fólk ekki lengur að gamni sínu og heldur því stutta
og gagnmerka fundi á netinu. Á einum slíkum fundi var Þorgerður Katrín
endurkjörin formaður Viðreisnar rússneskri kosningu og henni til halds og
trausts Daði Már Kristófersson sveitastrákur úr Reykholti og nú prófessor
í hagfræði. Miðflokkurinn hélt sömuleiðis flokksráðsfund þar sem helstu
stefnumál fyrir komandi vetur voru kynnt og blásið í lúðra. Loks létu tveir
þinmenn úr röðum pírata, þeir Helgi Hrafn og Smári, þau boð út ganga
að þeirra síðasta kjörtímabil myndi senn ljúka. Nokkuð hollir sannfæringu
sinni og boðun um að engum sé hollt að sitja of lengi á þingi. Vissulega er
mikið til í því enda ljóst að yfirleitt slokknar á neista stjórnmálamanna eftir
tvö kjörtímabil í valdastóli.
Alveg er því kristaltært að stjórnmálin í vetur verða róstursöm. Ekki ein-
vörðungu vegna kosninganna sem í hönd fara, heldur ekki síður vegna þess
að nú er komið að því að ákveða hvernig bjarga á efnahag þjóðar í ljósi
kóvid. Auðvitað snýst þetta allt um útdeilingu úr sameiginlegum sjóðum.
Hvaða fyrirtækjum á að bjarga, hvernig á að rétta af kjör þeirra sem verst
hafa farið út úr ástandinu, hvaða opinberu framkvæmdum á að flýta og
svo framvegis. Allt eru þetta siðferðislegar spurningar þar sem reyna mun
verulega á innviði þeirra flokka sem ráða ríkjum. Síðast í gær kristallaðist
þjónkun ráðamanna vegna fýlukasts Samtaka atvinnulífsins sem hótuðu að
segja upp lífskjarasamningunum vegna meints forsendubrests. Þessi svo-
kölluðu heildarsamtök fyrirtækja vildu frekar stefna stöðugleika á vinnu-
markaði í voða, í miðjum kóvidfaraldri, út af örfáum krónum sem búið er
að eyrnamerkja launþegum um næstu áramót. Stjórnin boðaði í gær kyn-
roðalaust 25 milljarða króna aðgerðir í þágu fyrirtækja. Við skulum þó hafa
það í huga að þeirri upphæð verður ekki eytt tvisvar.
Sennilegt verður því að telja að aldrei meira en nú muni reyna á hversu
ólíkt bakland flokkanna sem skipa ríkissjórn raunverulega er. Þótt þeir
gætu svikalaust komist framúr hlutunum með málamiðlunum, af því hér
ríkti um tíma efnhagsleg velsæld, verður að teljast líklegt að svo verði ekki
nú við aðrar og erfiðari aðstæður. Eftir að tekjur þjóðarbúsins fóru að drag-
ast saman og útgjöld að aukast, verður ekki lengur jafn gaman að stýra skút-
unni. Nú mun því raunverulega reyna á hversu traust samstarfið er, í fyrsta
skipti frá því stjórnin var mynduð fyrir þremur árum. Í ljósi þessa ætla ég að
spá því að brestir komi í samstarf þriggja gjörólíkra flokka. Það mun leiða
til stjórnarslita áður en kjörtímabilinu lýkur. Ég ætla því að spá því að hér
verði kosningar fyrir sauðburð í vor fremur en í sláturtíðinni næsta haust.
Magnús Magnússon.
Í byrjun árs voru áætlaðar 187 skipa-
komur farþegaskipa til Faxaflóa-
hafna með samtals 203.214 farþega
innanborðs. Miðað við þær töl-
ur stefndi í 8% fjölgun farþega frá
fyrra ári en 2% færri skipakomur en
í fyrra, þegar skipakomur voru 190
og heildarfjöldi farþega 188.630. En
vegna Covid-19 faraldursins urðu
skipakomur sumarsins hins vegar
aðeins sjö talsins með samtals 1.346
farþega.
Það var nálægt mánaðamótum
apríl og maí sem fór að bera á því
að skipafélög afboðuðu komur sínar
til Íslands fyrir sumarið, sökum far-
aldursins. Flest skipafélög tóku jafn-
framt þá ákvörðun að stöðva heims-
siglingar þar sem faraldurinn var í
mikilli uppsveiflu víða í heiminum á
þeim tíma. „Ljóst var á þeim tíma-
punkti að flestar skipakomur sem
búið var að bóka hjá Faxaflóahöfn-
um þetta sumarið myndu afbókast,“
segir í frétt á vef Faxaflóahafna.
tekjur Faxaflóahafna af farþega-
skipum voru 597 milljónir króna
í fyrra og stóðu undir um 14% af
heildartekjum félagsins á síðasta
ári. Hins vegar voru tekjurnar af
farþegaskipum á þessu ári aðeins
11,2 milljónir. „Er því um heilmik-
ið tekjutap að ræða milli ára þegar
kemur að ferþegaskipum,“ segir á
vef Faxaflóahafna, en samdrátturinn
nemur því nálægt 586 milljónum
króna milli ára. kgk
Dæluskipið Sóley er mætt aftur
til Grundarfjarðar þar sem unn-
ið er að dýpkun hafnarinnar við
nýja kantinn. Skipið sogar upp úr
botninum við nýju bryggjuna og
dælir svo efninu ofan í nýju land-
fyllinguna við Framnes. Áætl-
að er að skipið verði í Grundar-
firði eitthvað fram í vikuna en
framkvæmdin hefur gengið vel til
þessa.
tfk
Það sem af er septembermánuði
hefur 2.371 hraðakstursmál kom-
ið inn á borð Lögreglunnar á Vest-
urlandi í gegnum hraðamynda-
vélar landsins, en umdæmið hefur
sem kunnugt er umsjón með öllum
hraðamyndavélum á landinu. Eru
það umtalsvert færri mál en und-
anfarna mánuði, en vel að merkja á
eftir að færa inn síðustu þrjá daga,
auk þess sem gærdagurinn og dag-
urinn í dag voru enn eftir af septem-
bermánuð þegar þessi orð eru rituð
í hádeginu næstsíðasta dag mánað-
arins. Jafnan koma fleiri hraðakst-
ursmál inn á borð lögreglu í gegn-
um myndavélarnar yfir sumarmán-
uðina. til að mynda voru málin um
3.600 talsins í ágústmánuði en mán-
uðina á undan voru þær að jafnaði í
kringum 4.000 talsins.
Lögregla segir hraðakstur enn
mjög áberandi í umdæminu. Sem
dæmi hafa 248 myndir verið tekn-
ar af ökumönnum sem aka of hratt
um Hvalfjarðargöng að sem af er
september. Þá hafa myndavélabílar
landsins smellt af 920 sinnum í mán-
uðinum. Einn myndavélabílanna er
einmitt gerður út hér í umdæminu.
Hann var sem dæmi við Akranes-
höllina síðastliðinn fimmtudag, eins
og svo oft áður. Milli kl. 14:00 og
15:00 voru 56 bílar hraðamældir og
tólf ökumenn kærðir fyrir of hraðan
akstur, eða rúmlega 21% allra öku-
manna sem óku um kaflann þann
klukkutímann.
Inni í fyrrnefndum tölum um
hraðamál eru ótalin þau mál sem
koma upp við almennt umferðar-
eftirlit lögreglumanna umdæmis-
ins. til að mynda var lögregla við
umferðareftirlit á Snæfellsnesvegi
á laugardag og sunnudag. Þar voru
menn stöðvaðir á hraða í kringum
130 km á klst. og nokkrir urðu upp-
vísir að því að aka of hratt auk þess
að nota símann undir stýri. Enn
fremur ók einn ökumaður of hratt
og án réttinda.
kgk
Efninu dælt inn til fyllingar.
Dæluskipið Sóley komið
aftur í Grundarfjörð
Sóley dælir efni í nýju landfyllinguna.
Mörg hraðakstursmál á borði
Lögreglunnar á Vesturlandi
Hraðamyndavél í Hvalfjarðarsveit.
Aðeins sjö skipakomur af 187