Mosfellingur - 08.10.2020, Blaðsíða 6
- Reykjalundur 75 ára6
Reykjalundur, einn stærsti vinnustaður
Mosfellsbæjar, fagnar 75 ára afmæli á þessu
ári.
Hugmyndin var að vera með afmælisviku
5.-9. október með daglegum viðburðum en
vegna ástandsins nú hefur því að mestu
verið aflýst.
Hápunktur afmælisársins átti að vera
afmælisráðstefna Reykjalundar á hótel
Natura undir yfirskrifinni „Mikilvæg end-
urhæfingar í íslensku samfélagi“ með þátt-
töku, meðal annars, heilbrigðisráðherra
og landlæknis. „Ráðstefnunni hefur verið
aflýst og höldum við bara enn glæsilegri
viðburð á 80 ára afmælinu,“ segir Pétur
Magnússon forstjóri Reykjalundar.
Einungis berklasjúklingar fyrstu árin
Reykjalundur er heilbrigðisstofnun í eigu
SÍBS og hófst starfsemin árið 1945. Fyrstu
15 árin dvöldu aðeins berklasjúklingar á
Reykjalundi en um 1960, þegar berklaveikin
fór að láta undan síga, varð ljóst að ekki væri
lengur þörf á endurhæfingu fyrir þennan
sjúklingahóp í sama mæli og áður.
Á næstu árum breyttist starfsgrundvöllur
Reykjalundar og áhersla í endurhæfingu
varð fjölbreyttari. Reykjalundur breyttist
í alhliða endurhæfingarmiðstöð. Nýbygg-
ingar og stærra viðhald á húsnæði Reykja-
lundar er að meginhluta fjármagnað með
hagnaði frá Happdrætti SÍBS.
Stærsta endurhæfingarstofnun landsins
Reykjalundur er stærsta endurhæfingar-
stofnun landsins og þjónar öllu landinu. Á
Reykjalundi fer fram alhliða endurhæfing
sem miðar að því að bæta lífsgæði, færni
og sjálfsbjargargetu þeirra sem þangað
leita. Endurhæfing Reykjalundar einkenn-
ist af samvinnu fagfólks sem mynda átta
sérhæfð meðferðarteymi ásamt Miðgarði
sem veitir sólahringsþjónustu. Einnig eru
fjöldi gistirýma í boði fyrir fólk sem vegna
landfræðilegra, eða annarra, ástæðna getur
ekki farið heim að lokinni meðferð á dag-
inn. Markmið endurhæfingarinnar er að
sjúklingar endurheimti fyrri getu sína eða
bæti heilsu sína.
Um 110-130 sjúklingar sækja þjónustu
á degi hverjum. Á hverju ári fara um það
bil 1.300 manns í gegnum endurhæfingar-
meðferð á Reykjalundi, flestir í 4-6 vikur í
senn. Auk þess kemur fjöldi fólks í viðtal á
göngudeild á hverju ári.
Mannauðurinn gegnir lykilhlutverki
Starfsemi Reykjalundar stendur og fellur
með því fólki sem hjá Reykjalundi starfar.
Reykjalundur hefur notið þeirrar gæfu að
hafa haft á að skipa úrvals fólki í gegnum
tíðina.
Það er því óhætt að segja að mannauður-
inn gegni lykilhlutverki í velgengni Reykja-
lundar og sé hornsteinn að markvissum og
vönduðum vinnubrögðum ásamt því að
skapa þægilegt og aðlaðandi andrúmsloft
fyrir starfsfólk og sjúklinga.
Reykjalundur hefur verið í efstu sætum
í starfsánægjukönnunum árum saman.
Starfsánægja hefur mælst mikil og starfs-
aldur er hár á íslenskan mælikvarða.
Á Reykjalundi starfa tæplega 200 starfs-
menn í um 170 stöðugildum.
Hvað er endurhæfing?
Endurhæfing skiptir sköpum þegar kemur
að líkamlegri og andlegri heilsu. Eftir alvar-
leg veikindi, slys, áföll eða aðgerð þá er mik-
ilvægt að fá endurhæfingu til að hjálpa til við
að ná aftur fótfestu í hversdagslegu lífi.
Læknisfræðileg endurhæfing er sérhæfð
meðferð sem byggir á þeirri hugmynda-
fræði að taka heildrænt á afleiðingum
sjúkdóma og slysa. Endurhæfingin byggir
ReykjalunduR 75 áRa
- stærsta endurhæfingarstofnun landsins
Fyrstu árin dvöldu aðeins berklasjúklingar á Reykjalundi • Þjónar nú mikilvægu hlutverki í COVID-19 faraldrinum
Pétur tók við sem
forstjóri í sumar
Síðasta haust var Reykjalundur mikið
í fréttum vegna uppsagna lykilstjórn-
enda og samstarfserfiðleika starfs-
fólks og stjórnar SÍBS. Í framhaldinu
skipaði heilbrigðisráðherra þriggja
manna starfsstjórn
sem starfaði í sex
mánuði. Eitt að
lykilverkefnum
starfsstjórnarinnar
var að kynna nýtt
skipurit og ráða
nýjan forstjóra,
Pétur Magnússon,
sem hóf störf í júní s.l. þegar tímabili
starfsstjórnar lauk. Ráðning Péturs
vakti nokkra athygli en hann hafði
áður stýrt Hrafnistuheimilunum í
rúm 12 ár, en Hrafnista er ein stærsta
heilbrigðisstofnun landsins með
töluvert umfangsmeiri starfsemi en
Reykjalundur.
Pétur segir að sér hafi verið mjög vel
tekið af öllum þegar hann kom til
starfa á Reykjalundi og að hann finni
samhug og metnað í starfsmanna-
hópnum að byggja Reykjalund áfram
upp sem öflugan, metnaðarfullan og
skemmtilegan vinnustað.
á reykjalundi eru gerðar ýmsar
prófanir á heilsufari fólks
þjálfun í sundleikfimi
nýtur mikilla vinsælda
yfir 100 sjúklingar sækja þjónustu
á reykjalundi á degi hverjum