Ægir - 2020, Page 9

9
Bleikjuvinnsla Samherja í Sandgerði
er afar tæknivædd en þar eru unnin í
kringum 16-18 tonn af bleikju á dag.
Samherji fiskeldi er stærsti framleið-
andi á bleikju í heiminum með um
3.800 tonn árlega. Það er tæpur helm-
ingur allrar eldisbleikju sem framleidd
og unnin er í heiminum.
Stutt ferli frá slátrun að pökkun
„Bleikjan er alin í eldisstöðvum á Stað
við Grindavík og Vatnsleysu upp í um
1.400 grömm og þá er hún tilbúin til
slátrunar. Við erum að slátra 80-85
tonnum á viku. Bleikjan er flutt lifandi í
tankbílum frá eldisstöðvunum og við er-
um alltaf með einn farm inni í húsi yfir
nótt, svo hægt sé að hefja slátrun klukk-
an sex. Bleikjunni er dælt lifandi inn á
kerfið hjá okkur. Hún fer í gegnum
„stunner“ og í framhaldinu blóðgar ró-
bóti hana. Þaðan fer hún í blæðingu og
kælingu strax þar á eftir. Kælingin við-
helst svo allt vinnsluferlið til að varð-
veita gæðin og ferskleikann eins og
unnt er. Fiskurinn fer úr kæliskrúfunni í
kælitanka og þaðan beint í flökun og
slægingu. Þar er ferlið stutt og síðan
fara flökin í kæli en þau eru í litlum 25
kílóa bökkum. Við leggjum mikla áherslu
á kælinguna allan tímann en fiskurinn
er tvo til tvo og hálfan tíma af fara í
gegnum kerfið,“ segir Bergþóra Gísla-
dóttir vinnslustjóri Samherja fiskeldis í
Sandgerði.
Ferskt og lausfryst á ýmsa vegu
„Við setjum inn í Innova kerfið á morgn-
ana hvað við viljum fá í snyrtingu og
pökkun samkvæmt fyrirliggjandi pönt-
unum og fer fiskurinn þá inn á mismun-
andi snyrtilínur eftir því hvað við á.
Þetta er stutt ferli því fiskurinn kemur í
bökkunum inn á línuna þar sem hann fer
í gegnum snyrtingu, beinhreinsun og
lokaeftirlit. Þá er honum pakkað í kassa,
sem fara merktir inn á millikæli, þar til
þeir fara á bíl upp á flugvöll.
Fiskvinnsla
■ Séð yfir vinnslulínuna en um 30 manns vinna við vinnsluna.
■ Bleikjan á leið inn á viðkomandi vinnslulínur. ■ Flökin snyrt