Ægir - 2020, Qupperneq 24

24
Vinnsla á þorskhrognum er nú í hámarki
enda vetrarvertíð í fullum gangi og
þorskurinn fullur af hrognum. Í einni af
starfsstöðvum Vísis hf. í Grindavík eru
söltuð hrogn af bátum félagsins eftir því
sem þau berast að. Tekið er við afla af
tveimur bátum í krókakerfinu og hann
slægður, hrogn og lifur skilin að og
hrognin söltuð í tunnur. Hrogn af stærri
bátunum fara á markað, þar sem fyrir-
tækið kaupir þau aftur til vinnslu.
Þórarinn Ólafsson er verkstjóri á
staðnum. „Við söltum hrognin eftir því
hvernig þau berast og gerum ráð fyrir
að salta í um 600 tunnur eins og í fyrra.
Við tökum líka við lönguhrognum en þau
eru fryst. Söltuðu hrogn fara mest til
Svíþjóðar en frystu hrognin til Spánar,“
segir Þórarinn.
En það er fleira unnið á starfsstöð-
inni. Þar eru hausar gellaðir og svokall-
að „Migasa“ unnið en það er afskurður
og þunnildi af þorski og ýsu sem er salt-
aður og fluttur utan til Spánar og Portú-
gal.
Hrognin söltuð hjá Vísi
■ Þórarinn Ólafsson verkstjóri er ánægður með gang mála og gerir ráð fyrir að salta í um 600 tunnur af hrognum.
Myndir: Hjörtur Gíslason
■ Hrognin eru flokkuð og hreinsuð fyrir söltun.
■ Söltuðu hrognin fara mest til
Svíþjóðar en fryst til Spánar.
Fiskvinnsla