Morgunblaðið - 17.06.2020, Blaðsíða 26

26 FRÉTTIRInnlent
MORGUNBLAÐIÐ MIÐVIKUDAGUR 17. JÚNÍ 2020
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Helgi Bjarnason
helgi@mbl.is
Þegar yfirstandandi framkvæmdum
við norðausturveg lýkur verður
komið bundið slitlag úr Finnafirði til
Bakkafjarðar. Þegar búið verður að
laga veginn um Brekknaheiði verður
hægt að aka á bundnu slitlagi á milli
Þórshafnar og Bakkafjarðar og
raunar allan norðausturhringinn.
Vegurinn sem Vegagerðin bauð út
á síðasta ári og Héraðsverk vinnur
nú að er um 20 km langur. Vegurinn
er færður frá sjónum á þriggja kíló-
metra kafla, við rætur Brekknaheið-
ar. Að sögn Gunnars H. Guðmunds-
sonar, svæðisstjóra Vegagerðar-
innar á Akureyri, er verið að
undirbúa klæðingu á þeim kafla.
Annars er vegurinn þræddur eftir
núverandi norðausturvegi til Bakka-
fjarðar. Hann er breikkaður aðeins
og ekið í hann nýju burðarlagi og að
síðustu lögð klæðing.
Verkinu á að ljúka að fullu fyrir
haustið 2021. Það kostar alls um
milljarð króna.
Breiðari á Brekknaheiði
Til þess að koma norðausturvegi
öllum á bundið slitlag verður þá að-
eins eftir 8 kílómetra kafli á
Brekknaheiði, áleiðis til Þórshafnar.
Áformað er að laga hann á árunum
2023 og 2024. Sá kafli verður 8
metra breiður, nokkru breiðari en
vegurinn við Finnafjörð sem nú er
verið að laga. Það segir Gunnar að
sé gert með tilliti til hugsanlegrar
hafnargerðar í Finnafirði í framtíð-
inni, að hægt verði að flytja búnað
frá Þórshöfn til Finnafjarðar. End-
urbætur á veginum tengjast annars
Finnafjarðarverkefninu ekki á neinn
hátt.
Þegar þessum framkvæmdum
lýkur verður allur norðausturvegur
kominn á bundið slitlag og hægt að
aka frá hringvegi í Ljósavatns-
skarði, á milli bæja og þorpa á
ströndinni og af Vopnafjarðarvegi
inn á hringveg, á svonefndri Háreks-
staðaleið.
Vegurinn bættur Þegar þessum framkvæmdum lýkur verður allur norðausturvegur kominn á bundið slitlag.
Styttist í að norðaustur-
vegur verði með klæðingu
 Unnið er að lagfæringum úr Finnafirði að Bakkafirði
Helgi Bjarnason
helgi@mbl.is
Olís hefur tekið í notkun nýja
bensínstöð við Borgarflöt á Sauð-
árkróki, sjálfsafgreiðslustöð undir
merkjum ÓB. Um leið verður breyt-
ing hjá Verslun Haraldar Júlíus-
sonar við Aðalgötu, en þar hefur ver-
ið afgreiðsla fyrir Olís í 90 ár.
„Ég neita því ekki að ég sé eftir
henni, enda alinn upp við dæluna.
Ég heyri það einnig á sumum við-
skiptavinum að þeir hefðu viljað
hafa þetta hér áfram,“ segir Bjarni
Haraldsson, kaupmaður í Verslun
Haraldar Júlíussonar. Haldið var
upp á aldarafmæli verslunarinnar á
síðasta ári. Bjarni tók við rekstri
hennar af föður sínum og hefur stað-
ið vaktina í versluninni og við
bensínafgreiðsluna í 60 ár. „Ég á
nótu frá 1933, þegar faðir minn af-
greiddi bensín sem kostaði 37 aura
lítrinn og lítra af smurolíu sem kost-
aði eina krónu. Nú kostar bensínlítr-
inn 210 krónur og smurolían 1.700
krónur,“ segir Bjarni.
Hann segist þó ekki hafa sagt al-
veg skilið við bensínið því það verði
til sölu á meðan birgðir endist. Býst
reyndar við að tankarnir tæmist
fljótlega.
Bjarni fagnaði níræðisafmæli sínu
fyrr á árinu og segist vera farinn að
hugsa um að hætta.
Farsælt samstarf
Jón Ólafur Halldórsson, fram-
kvæmdastjóri Olís, segir að bensín-
stöðin hjá Bjarna sé komin til ára
sinna. Aðstaðan sé lítil og erfið, til að
mynda standi dælurnar úti í götunni.
Ekki hafi verið talið borga sig að
gera nauðsynlegar breytingar.
„Við fórum að skoða aðrar leiðir, í
góðri samvinnu við sveitarfélagið, og
fengum ágæta lóð við Borgarflöt,“
segir Jón Ólafur. Þar hefur verið
opnuð sjálfsafgreiðslustöð undir
merkjum ÓB.
Hann tekur fram að samstarfið
við Verslun Haraldar Júlíussonar,
sem staðið hefur frá árinu 1930, og
hinn aldna höfðingja Bjarna Har-
aldsson hafi verið einstaklega far-
sælt og gott. Bjarni hafi staðið vakt-
ina með miklum sóma. Olís verði
áfram í samstarfi við hann um þjón-
ustu á svæðinu.
Kaflaskipti í bensínsölu á Króknum
 Olís færir bensínafgreiðslu sína frá Verslun Haraldar Júlíussonar í nýja sjálfsafgreiðslustöð undir
merkjum ÓB við Borgarflöt  Bjarni Haraldsson segist sjá eftir dælunni enda alinn upp við hana
Ljósmynd/Feykir – Fríða Einarsdóttir
Breyting Jón Ólafur Halldórsson vígir nýju stöðina með því að dæla á eðalvagn Bjarna Har.
Morgunblaðið/Björn Björnsson
Kaupmaður Bjarni Haraldsson við eldsneytisdælurnar við verslun hans við Aðalgötu.
Dómsmálaráðherra hefur ákveðið að
gera tillögu til forseta Íslands um
skipun Arnfríðar Einarsdóttur í emb-
ætti dómara við Landsrétt frá 1. júlí
næstkomandi.
Arnfríður var skipuð dómari við
Héraðsdóm Reykjaness 1. febrúar
2006 og við Héraðsdóm Reykjavíkur
1. maí 2010 og gegndi því starfi allt
þar til hún var skipuð dómari við
Landsrétt frá 1. janúar 2018. Var
Arnfríður þar skipuð auk þriggja
annarra dómara og var deilt um þá
skipun þar sem þáverandi dómsmála-
ráðherra, Sigríður Andersen, tók þá
dómara fram yfir aðra umsækjendur
sem dómnefnd hafði metið hæfari.
Síðan hættu dómararnir fjórir í mars
á síðasta ári þegar Mannréttinda-
dómstóll Evrópu dæmdi gegn ís-
lenska ríkinu í máli manns sem hafði
verið dæmdur sekur í Landsrétti.
Fyrr í þessum mánuði baðst Arn-
fríður lausnar frá fyrri skipun og hef-
ur dómsmálaráðherra ákveðið að
leggja til við forseta Íslands að sú
beiðni verði samþykkt og henni veitt
lausn frá 30. júní næstkomandi.
Við skipun Arnfríðar losnar emb-
ætti eins dómara í Landsrétti og verð-
ur það embætti auglýst laust til um-
sóknar innan tíðar.
Arnfríður skipuð
í Landsrétt á ný
 Annað dómaraembætti losnar