Morgunblaðið - 14.07.2020, Blaðsíða 28

28 MENNING
MORGUNBLAÐIÐ ÞRIÐJUDAGUR 14. JÚLÍ 2020
Á tímum samkomubanns reyndu
stóru alþjóðlegu uppboðshúsin,
Sotheby’s og Christie’s, fyrir sér í
liðinni viku með ólíkum vefupp-
boðum. Christie’s með sýnu metn-
aðarfyllra og um leið flóknara
fyrirkomulagi, þar sem fjórir upp-
boðshaldarar í jafn mörgum lönd-
um skiptust á um að bjóða upp mód-
ernísk verk og samtímamyndlist á
fjögurra klukkustunda löngu upp-
boði. Um 20 þúsund manns munu
hafa fylgst með því á netinu.
Þrátt fyrir vissa tæknilega van-
kanta og að áhorfendur hefðu ekki
alltaf verið með á nótunum hver
væri að bjóða upp hvaða verk segir
í umfjöllun The Art Newspaper að
ljóst sé að hægt sé að stunda við-
skipti með verðmæta myndlist með
þessum hætti. 80 verk voru boðin
upp hjá Christie’s fyrir um 420
milljónir dala með gjöldum, sem
var um 30 milljónum meira en áætl-
uð lágmarksupphæð verkanna sam-
anlagt. Þá skiptist salan með at-
hyglisverðum hætti milli heims-
hluta: 37% verkanna voru seld til
Bandaríkjanna, 38% til Evrópu,
Mið-Austurlanda, Rússlands og Ind-
lands og 26% til Asíu.
Hæsta verðið var greitt fyrir
„Nude with Joyous Painting“ eftir
Roy Lichtenstein. Málverkið var
metið á um 30 milljónir dala en var
að lokum slegið hæstbjóðanda fyrir
um 46 milljóir dala, með gjöldum,
tæplega 6,5 milljarða kr.
Næsthæsta og sama verðið
fékkst fyrir „Onement V“ eftir Bar-
nett Newman og „Complements“
eftir Brice Marden, 81 árs gamlan
bandarískan abstraktmálara, en
bæði verk voru seld fyrir 30,9 millj-
ónir dala, um 3,4 milljarða króna.
Er það hæsta verð sem greitt hefur
verið fyrir verk eftir Marden. Þá
var selt verk eftir Pablo Picasso,
„Les femmes d’Alger“, fyrir rúm-
lega 29 milljónir dala.
Athygli vakti að hátt verð fékkst
fyrir eina frægustu ljósmynd Rich-
ards Avedons, sem mörg prent eru
til af; myndin „Dovima with Ele-
phants, Evening Dress by Dior,
Cirque d’Hiver, Paris“ frá 1955 var
seld fyrir 1,8 milljónir dala með
gjöldum, um 253 milljónir kr.
AFP
Verðmætt Vörður hjá Christie’s gengur hjá verkinu Onement V eftir Bar-
nett Newman. Það var selt hæstbjóðanda fyrir rúmar 30 milljónir dala.
Dýr verk á flóknu
streymisuppboði
 Verk eftir Roy Lichtenstein dýrast
Abstrakt Complements eftir Brice
Marden kostaði 3,4 milljarða króna.
Tónlistarhátíðin Hjarta Hafnar-
fjarðar verður haldin í fjórða sinn nú
í vikunni og hverfist um tónleika
næstu fjögur kvöld í Bæjarbíói og
viðburði við Strandgötuna.
Páll Eyjólfsson, skipuleggjandi
hátíðarinnar, segir þær skorður sem
settar eru á samkomur vissulega
hafa haft áhrif á skipulagningu há-
tíðarinnar þar sem að hámarki 500
manns geti sótt viðburðina. „Úti-
svæðið er minna en áður og er nú á
Mathiesen-torginu hér bak við
Bæjarbíó. Þar verður opið frá klukk-
an 16 og fólk getur mætt þangað og
notið ánægjulegrar samveru. Boðið
verður upp á lifandi tónlist frá
klukkan 18, flutning trúbadora víðs-
vegar að sem við munum kynna áð-
ur, og svo munum við varpa þangað
tónleikunum sem fara fram inni í
bíóinu, í mega-góðum hljómgæðum.
Tónleikarnir inni hefjast allir klukk-
an 20 og svo verður allt búið klukkan
23, eins og vera ber.
Þetta er bæjarhátíð og Hafnar-
fjarðarbær er með okkur í þessu af
fullum krafti. Þótt við þurfum aðeins
að breyta til í ár hvað varðar úti-
svæðið og fjöldatakmarkanir
ákváðum við samt að halda hátíð-
ina.“ Og Páll segir að það hafi aldrei
verið nein spurning eftir að ljóst var
að fleiri en eitt hundrað manns gátu
komið saman. Þá tekur Bæjarbíó
innan við þrjú hundruð gesti svo þar
er engin fyrirstaða.
Vinsælir listamenn í Bæjarbíói
Páll segir að á tónleikunum næstu
fjögur kvöld sé boðið upp á „stór-
skotaliðið“. Mannakorn ríða á vaðið í
kvöld. Magnús Eiríksson, Pálmi
Gunnarsson og Ellen Kristjáns-
dóttir munu ásamt hljómsveit leika
lög sem hafa undanfarna áratugi
sest að í þjóðarsálinni, á borð við
„Garún“, „Reyndu aftur“, „Einhvers
staðar einhvern tímann aftur“,
„Braggablús“, „Gamli góði vinur“ og
„Ó þú?“
Annað kvöld er komið að hljóm-
sveitinni Stjórninni með Siggu Bein-
teins og Grétar Örvars í framlínunni.
Þau komu fram í Bæjarbíói í fyrra
og segir Páll þá hafa verið gríðarlegt
stuð og eins verði eflaust nú.
Á fimmtudagskvöld kemur að tón-
leikum Hafnfirðingsins Björgvins
Halldórssonar. Í tilkynningu um þá
segir: „Það er hreinlega óhugsandi
að njóta ekki krafta og hæfileika
Björgvins okkar í hans heimabæ!
Hann hefur verið órjúfanlegur hluti
af hátíðinni frá upphafi og er eini
listamaðurinn sem hefur staðið á
sviði Bæjarbíós öll árin. Björgvin
kemur fram á hátíðinni í fjórða
skipti ásamt hljómsveit en hana
skipa auk Björgvins Jóhann Hjör-
leifsson á trommur, Jón Elvar Haf-
steinsson á gítar, Þórir Úlfarsson á
hljómborð og Friðrik Sturluson á
bassa.
Á lokakvöldi hátíðarinnar, föstu-
dagskvöld, stígur svo Nýdönsk á
svið. Hljómsveitin hefur oft fyllt
Bæjarbíó á tónleikum og verður ef-
laust eins að þessu sinni. Hljóm-
sveitina skipa sem fyrr Björn Jör-
undur Friðbjörnsson, Daníel Ágúst
Haraldsson, Jón Ólafsson, Ólafur
Hólm og Stefán Hjörleifsson og
þeim til aðstoðar er Ingi Skúlason
bassaleikari.
Hjarta sett upp í miðbænum
„Við erum mjög ánægð með að
hafa fengið alla þessa fínu tónlistar-
menn með okkur í ár,“ segir Páll.
Hann segir að í dag verði „vígt“
hjarta sem sett er upp við bókasafn-
ið í miðbænum, raunverulegt
„Hjarta Hafnarfjarðar“.
Fólk getur sest í það og látið
mynda sig. „Það er skemmtilegt og
hjartað mun standa, enda tengir
bæjarfélagið það við hjarta Hafnar-
fjarðar sem er þessi fallegi og
skemmtilegi miðbær.“ efi@mbl.is
Morgunblaðið/Golli
Hafnfirðingur Björgvin Halldórsson kemur fram ásamt hljómsveit í Bæjar-
bíói á fimmtudagskvöldið kemur. Hann kemur alltaf fram á hátíðinni.
Boðið upp á „stór-
skotalið“ í Bæjarbíói
 Hátíðin Hjarta Hafnarfjarðar hefst í fjórða sinn í dag
Á stuttum tíma seldist upp á þá
þrennu tónleika sem Björk Guð-
mundsdóttir tilkynnti að hún myndi
halda í Eldborgarsal Hörpu í ágúst-
mánuði. Sérstök efnisskrá verður á
hverjum tónleikum þar sem ólíkir
hópar íslenskra tónlistarmanna
koma fram með Björk.
Nú hefur verið tilkynnt að einum
tónleikum verði bætt við, í Eldborg
laugardaginn 29. ágúst klukkan 17.
Með Björk kemur þar fram 15
manna strengjasveit úr Sinfóníu-
hljómsveit Íslands og á efnisskránni
verða meðal annars lög af plöt-
unum Homogenic og Vulnicura.
Miðasala á þessa aukatónleika hefst
á hádegi á föstudaginn kemur.
Hluti af andvirði seldra miða á alla
tónleikana rennur til styrktar
Kvennaathvarfinu.
Þeir sem ekki ná í miða á tón-
leikana geta keypt aðgang að beinu
streymi frá hverjum tónleikum fyr-
ir sig.
Bætt við aukatónleikum með Björk
Ljósmynd/Santiago Felipe
Tónlistarkonan Það seldist hratt upp á
fyrstu þrenna tónleika Bjarkar í sumar.
Bandaríska leik-
konan Kelly
Preston er látin,
57 ára að aldri.
Banamein henn-
ar var brjósta-
krabbamein.
Preston fór
með viðamikil
hlutverk í nokkr-
um kvikmyndum.
Þar má nefna Space Camp (1986),
Twins (1988) þar sem hún lék á
móti Arnold Schwarzenegger og
Danny DeVito og þá sló hún í gegn í
hlutverki sínu í kvikmyndinni Jerry
Maguire (1996), þar sem hún lék
unnustu persónunnar sem Tom
Cruise lék.
Eiginmaður Preston, leikarinn
John Travolta, greindi frá láti
hennar á samfélagsmiðlum og
sagði hana hafa barist hetjulega
undanfarin tvö ár við krabbann.
Þau hjónin léku fyrir tveimur árum
saman í kvikmyndinni Gotti. Þau
kynntust árið 1988, þegar þau léku
saman í The Experts. Þau eign-
uðust þrjú börn en annar sonur
þeirra lést árið 2009 eftir flogakast.
Leikkonan Kelly Preston látin
Kelly Preston