Morgunblaðið - 17.07.2020, Blaðsíða 20

20 MINNINGAR
MORGUNBLAÐIÐ FÖSTUDAGUR 17. JÚLÍ 2020
✝ Héðinn Jón-asson fæddist
20. júlí 1947 á Rif-
kelsstöðum 2, Eyja-
fjarðarsveit. Hann
lést á Sjúkrahúsinu
á Akureyri 8. júlí
2020.
Foreldrar hans
voru Jónas Hall-
dórsson, f. 9. nóv-
ember 1903, d. 5.
febrúar 1987, og Þóra Kristjáns-
dóttir, f. 9. maí 1909, d. 25. apríl
1995. Systkini Héðins eru: Mars-
elína Gunnur, f. 1933, Kristján
Halldór, f. 1937, d. 1998, Gunn-
ar, f. 1939, d. 2020, Hlynur, f.
1944, d. 2019, drengur (tvíbura-
bróðir Héðins), f. 1947, látinn
sama dag, og Sigurður Hreinn,
f. 1954.
Héðinn ólst upp á Rifkels-
stöðum og gekk í barnaskólann
á Laugarlandi. Hann tók virkan
þátt í bústörfum, hafði sterkar
taugar í sveitina og leið hvað
best þar. Veturinn 1963-1964
stundaði hann nám við Mið-
skóladeild Menntaskólans á Ak-
ureyri og lauk þaðan landsprófi.
Árið 1966 hóf Héðinn nám í
málaraiðn hjá Guðvarði S. Jóns-
syni. Hann lauk meistaraprófi
og starfaði alla tíð sem mál-
arameistari. Héðinn var virkur
félagi í Lionsklúbbi Akureyrar
um áratuga skeið. Hann var
áhugasamur um verkefni og
félagsskap innan klúbbsins og
eignaðist þar marga góða vini.
Héðinn hafði mikinn áhuga á
ferðalögum, sérstaklega innan-
lands, landafræði og stað-
háttum. Þess naut hann í góðum
félagsskap fjölskyldu og vina.
Útför Héðins fer fram frá
Akureyrarkirkju í dag, 17. júlí
2020, klukkan 13.30.
Héðinn kvæntist
30. ágúst 1969 eig-
inkonu sinni, Jó-
hönnu Ósk Gunn-
arsdóttur
sjúkraliða, f. 21.
febrúar 1948. Dæt-
ur þeirra eru: 1)
Hanna Björg, f. 13.
október 1981, gift
Jónasi Valdimars-
syni, f. 1974, börn
þeirra eru Elva
Ósk, f. 2012, og Halldór Birkir,
f. 2015. 2) Þórunn Sif, f. 12. júlí
1990, gift Símoni H.Z. Valdi-
marssyni, f. 1980. Tvíburasynir
þeirra eru Jóhann Hlynur og
Pétur Óli, f. 2019. Dóttir Sím-
onar af fyrra hjónabandi er
Katrín Emma, f. 2009. Héðinn
og Jóhanna bjuggu öll sín bú-
skaparár á Akureyri.
Elsku pabbi. Stundin sem ég
hef kviðið fyrir lengi er komin og
eftir sit ég með minningar einar
saman. Tárin trítla niður kinnarn-
ar öðru hvoru en þess á milli
skríða brosin fram. Það verður
erfitt og skrýtið að geta ekki
knúsað þig, haldið í stóru hend-
urnar þínar og gefið þér nebba-
koss, sem var okkar merki. Þú
kenndir mér heilan helling sem ég
mun búa að alla tíð. Eitt af því
fyrsta sem þú kenndir mér var
stundvísi og samviskusemi, mað-
ur á alltaf að mæta á réttum tíma
og ganga frá sínu verki almenni-
lega, þú vildir ekkert fúsk við
hlutina, enda þekktur fyrir góða
vinnu. Þú varst hagleiksmaður og
merki um það eru Skýjaborgir,
sumarbústaður fjölskyldunnar.
Þar áttum við góðar stundir og
öllum leið vel þar. Þú gast hins
vegar sjaldan setið kyrr heldur
varstu alltaf eitthvað að dunda og
dytta að. Sveitin átti stóran hlut í
hjarta þínu og þú varst mikill
dýravinur. Þegar Bassi minn kom
fyrst heim fleygðir þú þér á gólfið,
klappaðir honum og talaðir við
hann, þar hófst góð vinátta sem
ég vildi að hefði enst lengur. Síð-
asta árið varstu mikið rúmliggj-
andi og vissi Bassi alveg hvar þú
varst og lá hjá þér uppi í rúmi.
Þér leið best í faðmi fjölskyldunn-
ar, með öll barnabörnin í kringum
þig og ekki skemmdi það fyrir ef
góður matur var í boði og kannski
smá viskídreitill í eftirrétt.
Land og þjóð voru eitt af
áhugamálum þínum. Þú áttir
örugglega allar bækur sem hafa
verið gefnar út um það og ég er
viss um að þú kunnir nafnið á
hverjum einasta skurði. Einu
sinni vorum við tvö að keyra sam-
an suður og þú spurðir mig út í
nöfn bæjanna á leiðinni. Ég vissi
náttúrlega ekki neitt en þú vissir
allt! Þú hafðir gott auga og þegar
mig vantaði hjálp við fataval leit-
aði ég oft til þín því þú sagðir það
sem þú meintir og meintir það
sem þú sagðir. Líkt og eitt sum-
arið þegar ég spurði þig um vinnu
hjá þér, þá var svarið: „Nei Tóta
mín, við gætum aldrei unnið sam-
an.“ Eitt af því sem þú stóðst líka
fast á var að þök sveitabæja ættu
ekki að vera blá því það passaði
ekki við náttúruna, þökin ættu að
vera rauð. Mér fannst það alltaf
skrýtin skoðun en þegar ég sé
blátt þak hugsa ég til þín og verð
æ meira sammála. Við vorum hins
vegar ekki alltaf sammála um
hlutina, enda bæði krabbar og
þrjóskupúkar. Einhvern veginn
varð það þegjandi samkomulag að
vera sammála um að vera ósam-
mála.
Barnabörnin voru augastein-
arnir þínir og áttirðu alltaf tíma
fyrir þau til að lesa, spjalla, spila
eða bara fylgjast með þeim í leik
og starfi. Þú varst með þeim
fyrstu til að koma á sjúkrahúsið
þegar við systur eignuðumst
börnin okkar og það fyrsta sem
þú skoðaðir voru fingurnir á börn-
unum og sagðir svo: „Já, þau eru
með löngu fingurna mína!“ Þegar
ég var ófrísk að tvíburunum varst
þú handviss um að þetta væru
tveir strákar, sem reyndist svo
rétt hjá þér. Ég mun leggja
áherslu á að segja strákunum
sögur af þér og kenna þeim fras-
ana þína, annars veit ég að þú
fylgist montinn með okkur.
Elsku pabbi, takk fyrir allt, ég
elska þig.
Þín pabbastelpa,
Þórunn Sif og fjölskylda.
Elsku pabbi minn. Það er
uppáhaldsárstíminn þinn, bjartir
dagar og bjartar nætur. Þetta ár-
ið náðir þú ekki að njóta hans með
okkur, síðustu vikur og mánuðir
voru þér erfiðir bæði á sál og lík-
ama. Þú, sterki pabbi minn, sem
alltaf gast leyst vandamál, lagað
hluti eða bara hent þeim og keypt
nýtt ef þolinmæðin brast, hefur
kvatt okkur. Hreinskiptni pabbi
minn sem sagðir hlutina á þinn
hátt, sanngjarnan en hnitmiðaðan
og oftast með nokkrum velvöld-
um blótsyrðum til að leggja
áherslu á orð þín. Vinnusami
pabbi minn sem mættir stundvís-
lega í verkefnin þín og vannst þau
á vandvirkan hátt, enda vinsæll
meðal viðskiptavina. Laghenti
pabbi minn sem áttir fullan bíl-
skúr af verkfærum og naust þess
að vinna með höndunum, bæði
heima og í sumarbústaðnum sem
þú byggðir fyrir okkur fjölskyld-
una. Ákveðni pabbi minn sem
lagðir okkur systrum lífsreglurn-
ar af ástúð en festu svo að virðing
okkar fyrir þér og mömmu hefur
alltaf verið til staðar. Grallarinn
pabbi minn með kaldhæðinn en
góðan húmor sem unglingurinn
ég skammaðist mín stundum fyrir
ef vinir mínir urðu vitni að. Blíði
pabbi minn sem naust þess svo að
vera afi barnanna minna og leyfð-
ir þeim að komast upp með nán-
ast allt. Tryggi pabbi minn sem
stóðst alltaf með mér, fjölskyld-
unni og vinum þínum sem voru
margir. Þið mamma stóðuð sam-
an í tæplega 51 ár og gáfuð okkur
systrum allt það besta sem völ var
á.
Það er stórt tómarúm eftir að
þú kvaddir okkur en versnandi
veikindi undanfarið tóku svo mik-
ið af lífsgæðum þínum. Í hjarta
mínu veit ég að þú hafðir enga
þolinmæði eða eirð í þér til að
vera sjúklingur sem þyrfti að vera
öðrum háður, það var ekki þinn
stíll, enda verið heilsuhraustur í
gegnum tíðina. Þú varst orðinn
saddur lífdaga miðað við þá heilsu
sem þér var gefin síðustu miss-
erin. Það breytir því þó ekki að
missirinn er sár, tilfinningarnar
sveiflast frá reiði yfir í sátt, gleði
við tilhugsun um góðar minningar
yfir í sorg vegna þess að við get-
um ekki skapað fleiri minningar
með þér, söknuð barnanna eftir
afa með stóra faðminn sinn yfir í
þá trú að afa líði betur núna.
Minningarnar eru margar og
lifa með okkur. Öll ferðalögin
okkar innanlands og utan, landa-
fræðin sem þú reyndir að koma í
hausinn á okkur systrum enda
fróður um menn, málefni og stað-
hætti hvers konar. Góðir tímar í
sumarbústaðnum okkar þar sem
þú naust þín svo vel í sveitinni
þinni. Aðstoðin og stuðningurinn
sem þú og mamma hafið veitt mér
og fjölskyldu minni gegnum tíð-
ina. Hvernig þú orðaðir hlutina.
Hvernig þú horfðir á Hvolpa-
sveitina og naust þess að lesa með
krökkunum. Þið Halldór náðuð
sérstöku sambandi í gegnum
áhuga ykkar á vélum og tækjum
hvers konar. Þú fylgdist stoltur
með Elvu, skólagöngu hennar og
áhugamálum.
Elsku pabbi minn, ég hef þá
trú að þú sért laus við veikindi og
vanlíðan. Ég hef þá trú að þú hafir
fengið þrótt þinn og þrek aftur.
Ég hef þá trú að það sé glatt á
hjalla hjá ykkur bræðrum í Sum-
arlandinu þar sem þið standið
saman eins og þið gerðuð í lifanda
lífi. Takk fyrir allt.
Þín dóttir,
Hanna Björg og fjölskylda.
Héðinn Jónasson
 Fleiri minningargreinar
um Héðinn Jónasson bíða
birtingar og munu birtast í
blaðinu næstu daga.
✝ Bjarki Sigur-björnsson
fæddist á Sjúkra-
húsi Akraness 15.
júní 1967. Hann
lést á heimili sínu á
Sandabraut 11
Akranesi 6. júlí
2020.
Foreldrar hans
eru Sonja F. Jóns-
son, f. 2. júlí 1941,
húsmóðir og
verkakona, og Sigurbjörn Jóns-
son, f. 3. desember 1938, hús-
gagnasmiður og slökkviliðs-
stjóri, lést á heimili sínu 13.
ágúst 1994.
Eiginkona Bjarka er Erla
Linda Bjarnadóttir, f. 11. apríl
1973. Saman eiga þau dæturnar
Sunnu Elísabetu, f. 18. júlí
1995, og Ástrós Sögu, f. 30. júlí
1998.
Bræður Bjarka eru: 1) Hlyn-
ur Máni, f. 13. júni 1962, á tvö
börn með fyrri eiginkonu sinni
Ragnhildi Sigurðardóttur, þau
Sonju Björgu, f. 23.
júní 1982, og Sig-
urð Reyni, f. 29.
maí 1986. Seinni
kona Hlyns er
Petrína Helga
Ottesen, f. 10. júní
1959, börn hennar
eru Dagný, Jón og
Haukur Óli. Saman
eiga þau soninn
Sigurbjörn Kára, f.
21. febrúar 1994.
2) Leiknir, f. 1. september 1972,
giftur Sigrúnu Þóru Theodórs-
dóttur, f. 20. júní 1977. Börn
hennar eru Rakel Rósa, Sólveig
Erla og Friðbert Óskar. Saman
eiga þau soninn Theodór Willy.
Bjarki kláraði grunnskóla og
hélt til náms í FVA á rafiðn-
aðarbraut og útskrifaðist sem
rafvirki. Hann vann við þá iðn
alla tíð, bæði í eigin rekstri og
hjá öðrum.
Útför Bjarka fer fram í
Akraneskirkju í dag, 17. júlí
2020, klukkan 13.
Mikill er minn harmur að þurfa
nú að kveðja þig í síðasta skiptið
elsku Batti bró. Þú sem hefur verið
hluti af lífi mínu frá fæðingu og
aldrei leið sú vika að við ekki hitt-
umst eða töluðum saman. Alltaf
varst þú tilbúinn í horninu hjá litla
bró ef eitthvað bjátaði á eða þurfti
að aðstoða, jafnt í æsku sem og á
fullorðinsárum. Stundum þótt þú
værir ekki sammála eða fyndist ég
nú vera að gera vitleysu stóðstu
samt þétt við bakið á mér sama
hvað á dundi, traustari bróður er
ekki hægt að óska sér. Glaðlyndi
var þér í blóð borið og stutt í grínið,
fólki leið því vel í kringum þig.
Barngóður varstu og veittir börn-
um jafnan athygli og áhuga enda
var Theodór Willy alltaf til í að
kíkja í kaffi hjá Bjarka frænda í
bláa húsinu. Það er huggun harmi
gegn að ég tel þig hafa verið kall-
aðan til æðri verka hjá almættinu
en minning þín mun lifa hjá mér
þar til mitt kall kemur. Þá höllum
við okkur aftur, hlustum á Tvær
stjörnur og fáum okkur einn kald-
an.
Vertu sæll kæri bróðir.
Leiknir Sigurbjörnsson.
Þú hefur alltaf verið í lífi mínu
kæri frændi minn og nú ert þú far-
inn.
Hugurinn leitar til baka, ég er
sjö ára á leið til útlanda í fyrsta sinn
en ég held að ég hafi verið spennt-
ari yfir komu þinni í heiminn held-
ur en ferðinni til ömmu þinnar og
afa í Danmörku.
Þú fæddist daginn eftir að við
fórum. Við bjuggum hlið við hlið en
svo flutti ég og fjölskylda mín í
Kópavog og þið fluttuð í húsið sem
ég hafði búið í. Alltaf hafa verið
mikil tengsl og mikill samgangur á
milli fjölskyldna okkar, við systk-
inin komum oft til ykkar og þið
bræður til okkar, enda eruð þið
bræðurnir mikið meira en frændur
mínir, meira eins og bræður mínir.
Ég man þegar von var á Leikni
bróður þínum, þig langaði svo í
systur og hjónin á neðri hæðinni
hjá þér höfðu nýlega eignast dótt-
ur. Þú sagðir við mig, ég fer bara
niður og skipti ef ég eignast bróðir.
Það var allt gleymt þegar Leiknir
fæddist og samband ykkar var
mikið og náið.
Þið Kjartan bróðir brölluðuð
margt saman og ég fylgdist með
ykkur. Þú stofnaðir fjölskyldu með
Erlu og þið eignuðust tvær ynd-
islegar dætur. Þú varst alltaf svo
góður við strákana mína og ég veit
að samband ykkar Björgvins var
mikið og gott og þú varst svo
ánægður þegar hann leitaði til þín
með ráðleggingar varðandi raf-
magn. Báðir strákarnir mínir hafa
alltaf sagt það er bara einn Bjarki
frændi, alltaf svo hress.
Hvað segir uppáhaldsfrænka
mín, var oft það fyrsta sem þú
sagðir við mig og þessi orð geymi
ég í hjarta mínu því mér þykir svo
vænt um þau. Við töluðum oft sam-
an í síma, þú varst duglegri að
hringa í mig en ég í þig, en ég
reyndi nú alltaf að hitta á þig þegar
ég kom á Skagann.
Undanfarin ár höfum við
mamma þín farið saman til Dan-
merkur, alltaf hringir þú til að
heyra hvort það væri ekki gaman
og hvort allt gengi vel.
Ég kveð þig með söknuði, elsku
frændi minn, og lofa að hugsa vel
um mömmu þína sem er mér afar
kær.
Þín uppáhaldsfrænka,
Hildisif.
Elsku Bjarki minn. Það voru
forréttindi að fá að þekkja þig og
fylgja þér í lífinu.
Ég kom í fjölskylduna fyrir
næstum níu árum og þú tókst mér
og börnunum mínum opnum örm-
um og urðum við frá fyrsta degi
nánir og góðir vinir. Berti minn var
bara smástubbur þá og það sem
hann elskaði að eignast nýjan
frænda sem elskaði hann frá fyrsta
degi og keypti sprengjur og veiði-
dót með honum. Stelpurnar mínar
voru þakklátar fyrir þig; biðu eftir
að Bjarki kæmi í mat eða heimsókn
því hann var svo skemmtilegur,
alltaf að segja brandara og grínast!
Takk fyrir að vera svona góður.
Þér leiddist ekki að segja mér
frá fallegu stelpunum þínum, Erlu
konunni þinni og Ástrós og Sunnu,
gullmolunum sem þú varst svo
stoltur af.
Þið Leikki minn voruð eins og
tvíburar, alltaf saman. Sama hvað
þið voruð að brasa voruð þið tveir
og að hugsa til baka þá var ykkar
bræðraást einstök.
Þegar þú fréttir að Leiknir væri
að verða pabbi er ég bara ekki viss
hvor ykkar var glaðari! Þegar
frændi þinn svo loks fæddist
varstu fyrstur á svæðið að hitta
frænda, sagðir svo alltaf að hann
væri eins og þú – sami villingur-
inn!
Þú kallaðir Theodór Willy aldr-
ei nafninu sínu heldur alltaf frændi
og þegar þið hittust var alltaf
heilsað með alls konar handabönd-
um og táknum sem þið tveir höfð-
uð búið til saman.
Bjarki frændi var sá allra besti,
gaf bestu gjafirnar að mati
frænda; eitthvað með hljóðum eða
vatni, og það hefði ekki skipt máli
hvað það var því allt frá þér var
best.
Að setjast niður með fimm ára
barninu sínu og útskýra að besti
Bjarki frændi og uppáhaldsmað-
urinn okkar sé orðinn stjarna er
erfiðara en allt. Hann grætur og
biður okkur bara að hringja í þig
og hætta þessu. Ég mun passa að
hann gleymi þér aldrei og muni
alltaf vita hvað þú elskaðir hann
mikið elskan; núna munt þú stjarn-
an passa hann og okkur.
Okkar á milli var mikill fífla-
gangur og gaman þrátt fyrir að við
værum ekki alltaf sammála – vor-
um sammála um að það skipti ekki
máli í lífinu.
Tíminn sem ég fékk með þér er
mér mjög dýrmætur. Tónleikarnir
sem við fórum svo oft á saman því
Leikki og Erla höfðu ekki sama
smekk og við á tónlist. Ég er þakk-
lát fyrir rúntana okkar, matarboð-
in, tónleikana, pottaferðirnar, út að
borða, ljótu jólagjafirnar okkar á
milli sem þú notaðir allt árið og
elskaðir þær sama hvað þær voru
hræðilegar, fyrir að þú kallaðir mig
mávu og ég þig máv.
Ég mun gera mitt allra besta til
að passa upp á fólkið sem þú elsk-
aðir;
Leikka minn, frænda þinn,
mömmu þína, Erlu, Sunnu, Ástrós
og alla hina.
Guð gefi mér æðruleysi
til að sætta mig við það
sem ég fæ ekki breytt,
kjark til að breyta því
sem ég get breytt
og vit til að greina þar á milli.
(Reinhold Niebuhr)
Takk elsku mávur, ég mun alltaf
elska þig.
Þín
Sigrún Þóra (máva).
Elsku Bjarki minn. Ég veit
hreinlega ekki hvað ég á að segja,
ég er í áfalli. Þú komst inn í líf mitt
sem einn skemmtilegasti kall sem
ég hef hitt, gat hlegið endalaust að
þér og með þér. Þú varst alltaf eitt-
hvað að fíflast í mér, meira að segja
bara í síðustu viku komum ég,
amma og pabbi til þín og þú varst
að djóka eitthvað í okkur og segja
einhverja brandara og gera grín í
ömmu.
Fyrsta minningin sem mér dett-
ur í hug um þig er þegar mamma
segir við mig: „Berti minn, hann
Bjarki vill að þú komir að sprengja
sprengjur með sér,“ því þér fannst
svo gaman þegar ég var að hafa
gaman. Þarna vorum við bara tveir
að leika okkur að sprengja saman
og hlæja.
Þetta segir eiginlega bara allt
um hvernig manneskja þú varst,
alltaf svo góður við allt og alla.
Ég vildi óska að ég gæti fengið
að spjalla við þig oftar, en að missa
þig á afmælisdaginn minn var mér
óbærilegt. Ég mun alltaf minnast
þín líka á þessum degi.
Elsku Bjarki, núna ertu á betri
stað og ég get ekki beðið eftir að
kíkja í kaffi og spjall þegar minn
tími kemur!
Takk fyrir allt.
Þinn frændi,
Friðbert Óskar (Berti).
Elsku Bjarki minn. Er maður
gengur í gegnum lífið kynnist mað-
ur alls konar fólki, vinum og fjöl-
skyldu, sumir ná til manns en aðrir
ekki. Alveg síðan ég var lítill snáði
hef ég alltaf tengt sterklega við þig.
Þú varst svo skemmtilegur og
áhugaverður frændi og alltaf til í
allt. Bernskuminningar af Skagan-
um eru mér ómetanlegar og varst
þú stór hluti af þeim, alltaf til í að
taka á móti mér og gefa mér at-
hygli. Síðar meir, þegar ég var orð-
inn fullorðinn sjálfur, var gaman að
geta kynnst þér á nýjan hátt. Ég
man sumarið 2004 þegar við áttum
frábæran tíma saman heima hjá
Kjartani með fjölskyldunni þinni.
Þú tókst ekki annað í mál en að ég
kláraði stúdentinn, áfangi hjá mér
sem þú áttir klárlega þátt í að
peppa mig í að klára. Ég kunni mik-
ið að meta rósemd þína yfir lífinu og
hversu jarðtengdur þú varst. Einn-
ig var alltaf gaman að sjá hverju þú
tókst upp á næst. Ég man að ég hló
mikið að sturtunni sem þú keyptir
sem var með innbyggðu útvarpi. Þú
varst litríkur einstaklingur og það
var einfaldlega gott að vera í návist
þinni. Við hittumst kannski ekki
jafn oft og ég hefði viljað síðustu ár-
in nú þegar ég lít til baka. Það er nú
samt þannig að fjölskylda manns
býr líka innra með manni, og heldur
maður henni nálægt sér þannig
þrátt fyrir að samverustundirnar
séu ekki eins margar. Þú munt
ennþá lifa með okkur og get ég allt-
af hugsað til þín og glaðst yfir því að
þekkja þig. Þú gafst mér meira en
ég geri mér grein fyrir. Svona er
það með þá sem standa manni
nærri; þeir lita veruleika manns og
þú áttir stór pensilstrik í mínum.
Mér þótti gríðarlega vænt um þig,
takk fyrir að vera vinur minn,
frændi og áhrifavaldur.
Björgvin.
Bjarki
Sigurbjörnsson
HINSTA KVEÐJA
Ég sendi þér kæra kveðju,
nú komin er lífsins nótt,
þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum,
þín veröld er björt á ný.
(Þórunn Sigurðardóttir)
Hvíldu í friði elsku
Bjarki minn, minning þín
lifir.
Elsku Erla, Sunna, Ást-
rós, Sonja, bræður og aðrir
aðstandendur, ég votta
ykkur alla mína samúð.
Minning um góðan dreng
lifir
Kær kveðja tengda-
mamma,
Kolbrún Kjartansdóttir.