Morgunblaðið - 24.08.2020, Page 32

Steinþór Guðbjartsson
steinthor@mbl.is
Vegna gildandi takmarkana á sam-
komum vegna farsóttarinnar ákvað
Ágústa Einarsdóttir, eigandi Lík-
amsræktarinnar Grundarfirði, að
byrja að bjóða upp á útitíma í spinn-
ing föstudaginn 14. ágúst og verða
útitímarnir áfram á meðan veður
leyfir. Frá og með deginum í dag
verða síðan rafrænir æfingatímar
formlega í boði á netinu og er hægt
að skrá sig í þá á Fésbókinni og
Instagram.
Ágústa og Guðmundur Njáll
Þórðarson, sem hafa ákveðið að gifta
sig 10. október næstkomandi,
keyptu Líkamsræktina Grundar-
firði, sem átti tíu ára afmæli í nóv-
ember í fyrra, í maí 2018. „Fyrri eig-
endur höfðu ekki áhuga á að halda
starfseminni áfram gangandi og til
stóð að loka stöðinni,“ segir Ágústa
um kaupin. „Við Guðmundur vorum
búin að ákveða að kaupa bíl en þegar
þessi staða kom upp vorum við sam-
mála um að sniðugra væri að kaupa
stöðina því hún gæfi meira af sér!“
Reksturinn hefur gengið vel en
kórónuveiran hefur sett strik í
reikninginn undanfarna mánuði.
Ágústa segir að ekki þýði að gefast
upp og þau hafi fengið ýmsar hug-
myndir, sem hafi gengið upp, eins og
fyrrnefndir æfingatímar, eða bíði
betri tíma. Í því sambandi nefnir
hún meðal annars æfingar sem til
stóð að bjóða krökkunum í vinnu-
skólanum í sumar í samvinnu við
sveitarfélagið. „Við verðum að hugsa
og vinna í lausnum,“ segir hún og
vísar meðal annars til þess að hún
hafi verið með sérstaka kvöldtíma
fyrir menntaskólanemendur og ung-
lingana í grunnskólanum áður en
kórónuveiran skall á.
Tenging við náttúruna
Ágústa og Guðmundur hafa búið
saman í Grundarfirði undanfarin sjö
ár og Ágústa vann þar á leikskóla
áður en hún tók við stöðinni. Guð-
mundur er þaðan og hún á þangað
ættir að rekja, en átti áður heima í
Kópavogi, þar sem hún vann á
hjúkrunarheimili. Þar spilaði hún
handbolta með HK á unglingsárun-
um og síðan tók almenn líkamsrækt
við.
„Ég hef alltaf verið virk í hreyf-
ingu og það er gott að geta unnið við
áhugamálið,“ segir hún. Bætir við að
mjög gott sé að búa í Grundarfirði.
„Hér er lítil sem engin umferð og
náttúran í túnfætinum. Það er
þroskandi að búa á svona fámennum
stað og það kennir manni að vera
nægjusamari en í margmenninu.“
Líkamsræktarstöðin er í íþrótta-
miðstöðinni og auk Ágústu stjórna
Rut Rúnarsdóttir og Lilja Magnús-
dóttir æfingunum. Enn fremur eru
stöllurnar að byrja með kennslu í
Líkamsræktarstöðinni Sólarsport í
Ólafsvík. „Það hefur verið mjög
gaman hjá okkur og fólk á öllum
aldri frá fermingu upp í konu á átt-
ræðisaldri hefur verið í tímunum,“
segir Ágústa.
Veðrið hefur leikið við þátttak-
endur í spinning-tímunum í liðinni
viku frá því þeir byrjuðu úti um
miðjan mánuðinn. „Við klæðum okk-
ur bara eftir veðri og það er ekki
amalegt að geta verið í líkamsrækt
og „tanað“ í leiðinni, gert tvennt í
einu með góðum árangri!“
Keyptu líkamsræktar-
stöð frekar en bíl
Kennsla Rut Rúnarsdóttir stjórnar útitíma framan við íþróttamiðstöðina.
 Ágústa Einarsdóttir í Grundarfirði hugsar í lausnum
Áhugi Ágústa Einarsdóttir
w w w.i tr.is
L augarnar
í Reykjaví k
2m
Höldum
bilinu
ogsýnumhvert
öðru tillitssemi
MÁNUDAGUR 24. ÁGÚST 237. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Skotinn Steven Lennon stal senunni á Íslandsmótinu í
knattspyrnu um helgina. Lennon var í miklu stuði og
skoraði þrennu í 4:0-sigri FH á HK í 13. umferð Pepsi
Max-deildarinnar á laugardaginn. FH-ingar skutu sér
upp í þriðja sætið með sigrinum, alla vega tímabundið
en bæði Stjarnan og KR eiga leiki til góða. KA og ÍA
gerðu jafntefli á Akureyri í fjörugum leik.
Einn leikur var á dagskrá hjá konunum og gott gengi
ÍBV hélt áfram. Liðið vann Þór/KA 1:0 í Eyjum en um-
ferðinni lýkur í kvöld. »27
Steven Lennon stal senunni og
skoraði þrennu í Kaplakrika
ÍÞRÓTTIR MENNING
Oleanna eftir David
Mamet verður fyrsta
frumsýning Borgar-
leikhússsins á nýju
leikári. Frumsýningin
verður 18. september
og til að hægt sé að
uppfylla öll tilmæli
heilbrigðisyfirvalda
um sóttvarnir verður
aðeins pláss fyrir sex-
tíu áhorfendur á hverri sýningu. Leikarar í Oleanna eru
Hilmir Snær Guðnason og Vala Kristín Eiríksdóttir, en
Hilmir Snær er einnig leikstjóri verksins ásamt Gunnari
Gunnsteinssyni. Áður en húsið opnar formlega verður
áhorfendum boðið að taka forskot á sæluna með Kart-
öflum, sýningu fjöllistahópurinn CGFC sem varð til
undir hatti Umbúðalauss á síðasta leikári og var til-
nefnd til Grímunnar síðastliðið vor í flokknum Leikrit
ársins. Í verkinu rannsakar hópurinn ýmsa kima kart-
öflusamfélagsins með kartöfluna sjálfa að leiðarljósi.
Sýningar verða 4. og 11. september.
Forskot á sæluna í september