Morgunblaðið - 21.09.2020, Blaðsíða 13

FRÉTTIR 13Erlent
MORGUNBLAÐIÐ MÁNUDAGUR 21. SEPTEMBER 2020
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Égheyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“
Atli Steinn Guðmundsson
skrifar frá Vadsø
Í dag hefst aðalmeðferð í máli Gunnars Jóhanns Gunnarssonar
fyrir Héraðsdómi Austur-Finnmerkur í Vadsø í Noregi þar sem
Gunnari er gefið að sök að hafa haldið til heimilis hálfbróður síns,
Gísla Þórs Þórarinssonar, í Mehamn upp úr klukkan fimm að
morgni laugardagsins 27. apríl í fyrra með haglabyssu af hlaup-
vídd 12 ga.
Hafi Gunnar Jóhann, eftir því sem greint er í fyrsta lið ákæru,
sem fjallar um manndráp af ásetningi, opnað öryggislás vopnsins
og beint því að Gísla Þór. Í kjölfarið hafi komið til átaka milli
þeirra hálfbræðra sem lyktaði með því að skot hafi hlaupið af
haglabyssunni í læri Gísla Þórs sem í kjölfarið lést af blæðingu.
Enn fremur er Gunnari Jóhanni, sem var handtekinn sama
morgun, gefið að sök að hafa haft í hótunum við Gísla Þór og kær-
ustu hans, Elenu Undeland, „við þær kringumstæður að hót-
ununum var ætlað að vekja alvarlegan ótta“.
Fleiri ákæruliðir
Fjalla aðrir liðir ákærunnar um húsbrot á heimili Gísla Þórs,
þar sem Gunnari Jóhanni er gefið að sök að hafa farið í heimild-
arleysi inn í íbúð hálfbróður síns og beðið hans þar, stuld á bifreið
Gísla Þórs, sem Gunnari Jóhanni er gefið að sök að hafa ekið frá
heimili hálfbróður síns og í átt að Gamvik, og loks að hafa ekið um-
ræddri bifreið undir svo miklum áhrifum áfengis og fíkniefna, að
hann teldist ekki hafa getað stjórnað henni örugglega, en vín-
andamagn í blóði Gunnars Jóhanns mældist, við blóðprufu sem
tekin var klukkan 14:58 sama dag, 0,52 prómill og styrkur amfeta-
míns í blóði 1,595 míkrómól á lítra.
Lögregla sætti harðri gagnrýni vikurnar eftir atburðinn fyrir
að hafa verið lengi á vettvang, en um langan veg var að fara til
Mehamn, þurftu lögregluþjónar að ná sér í skotvopn auk þess að
aka til Mehamn frá Kjøllefjord sem er um hálftíma akstursleið.
Blæddi Gísla Þór út á heimili sínu á meðan, en sjúkraflutninga-
fólki, sem komið var á vettvang, var ekki heimilt að fara inn í íbúð-
ina fyrr en lögregla hefði tryggt vettvanginn.
Uppruni skotvopnsins
Eins heyrðust þær raddir, að lögreglu hefði verið kunnugt um
að Gunnar Jóhann hefði aðgang að skotvopni, en Torstein Petter-
sen, sem fór með stjórn lögreglurannsóknarinnar, þverneitaði því
við mbl.is og norska fjölmiðla, að svo hefði verið, Gunnar Jóhann
hefði útvegað sér vopnið aðfaranótt 27. apríl.
Bjørn Gulstad, verjandi Gunnars Jóhanns, sagðist í samtali við
mbl.is 21. janúar ákaflega ósáttur við að héraðssaksóknari Troms
og Finnmerkur ákærði fyrir manndráp af ásetningi þar sem
ásetningur Gunnars Jóhanns hefði eingöngu staðið til þess að
skjóta hálfbróður sínum skelk í bringu. Gísli Þór hefði þrifið til
skotvopnsins í höndum Gunnars Jóhanns og til átaka komið um
vopnið. Hefði skotið þá riðið af og höglin hæft Gísla Þór í lærið.
„Hann lýsir sig sekan um manndráp af gáleysi og viðurkennir
að háttsemi hans hafi verið svo óábyrg að réttlæti að ákært sé fyr-
ir gáleysi,“ sagði Gulstad við mbl.is.
Hafnar slysi
Mette Yvonne Larsen, réttargæslumaður brotaþola í málinu,
sagðist í samtali við mbl.is 31. janúar lítið gefa fyrir gáleysisskýr-
inguna, „…að kalla það slys þegar þú kemur heim til [hálf]bróður
þíns, reiður út í hann og með hlaðið skotvopn. Þá máttu einfald-
lega reikna með því að eitthvað gerist. Þú kemur ekki með hlaðið
skotvopn ef þú ætlar ekki að gera neitt,“ sagði Larsen.
Torstein Lindquister sækir málið fyrir hönd ákæruvaldsins.
Aðalmeðferð málsins hefur í tvígang verið frestað, fyrst í desem-
ber vegna þess að héraðssaksóknaraembættið taldi ákæruna
ófullnægjandi, en í síðara skiptið í mars vegna kórónuveiru-
faraldursins. Gert er ráð fyrir að aðalmeðferð standi fram til
þriðjudags 29. september.
Aðalmeðferð Mehamn-málsins hefst í dag
 Lögregla sætt harðri gagnrýni
 Gunnar ber fyrir sig gáleysi
Ljósmynd/Andrea Dahl/iFinnmark
Dómshúsið Aðalmeðferð málsins hefur í tvígang verið frestað.
Guðmundur Sv. Hermannsson
gummi@mbl.is
Dómkirkjan Sagrada Família, sem
lengi hefur verið einn helsti ferða-
mannastaður í borginni Barcelona
á Spáni, verður ekki tilbúin árið
2026 eins og áformað var, á 100
ára ártíð arkitektsins Antonis
Gaudís. Er kórónuveirufaraldr-
inum um að kenna.
Embættismenn í borginni viður-
kenndu í síðustu viku að miklar
tafir hefðu orðið á framkvæmdinni
í vor og sumar vegna faraldursins
og einnig hefur hann haft áhrif á
fjáröflun til verksins.
„Faraldurinn hefur haft það í
för með sér að við verðum að end-
urskoða tímaáætlunina og ljóst er
að ekki tekst að ljúka verkinu
2026 eins og áætlað var,“ sagði
Esteve Camps, formaður bygging-
arnefndar Sagrada Família, við
AFP-fréttastofuna. „Við getum
ekki við þessar aðstæður lagt
fram nýja áætlun um verklok.“
Byrjað var að byggja dómkirkj-
una árið 1882 eða fyrir tæpum 140
árum. Fullbúin verður kirkjan
með 18 turna, sá hæsti 172 metra
hár. Framkvæmdir við kirkjuna
stöðvuðust fyrirvaralaust í mars
sl. þegar spænsk stjórnvöld gripu
til víðtækra aðgerða til að hægja á
útbreiðslu kórónuveirunnar.
Camps sagði ljóst að ekki yrði
hægt að hefja verkið á ný fyrr en
síðar í haust. Þá muni einnig
hægja verulega á framkvæmdum
vegna fjárskorts en byggingin hef-
ur einkum verið fjármögnuð með
frjálsum framlögum almennings
og fyrirtækja og tekjum af miða-
sölu til ferðamanna sem hefur
fækkað verulega vegna faraldurs-
ins. Nú er aðeins til fé til að ljúka
byggingu turns, sem tileinkaður
er Maríu mey, en það verður
næsthæsti kirkjuturninn þegar
kirkjan verður fullbyggð.
Bygging Basílica de la Sagrada
Família, dómkirkju heilögu fjöl-
skyldunnar, hófst 19. mars 1882
undir stjórn arkitektsins Franc-
isco de Paula del Villar. Rúmu ári
síðar sagði Villar sig frá verkinu
og Antoni Gaudí tók við því. Undir
hans stjórn tóku bygging-
aráformin miklum breytingum en
hann sá fyrir sér mjög stóra
kirkju, með grunnlögun eins og
rómverskur kross og háa turna,
með djúpa táknræna og trúarlega
skírskotun.
Gaudí teiknaði m.a. átján
klukkuturna sem tákna Krist,
Maríu mey, guðspjallamennina
fjóra og lærisveinana tólf. Teikn-
ingarnar byggðust á rúm-
fræðilegum formum eins og gleið-
fleti, fleygfleti, skrúffleti, keilu- og
sporbaugsfleti.
Veiran tefur kirkjubyggingu
 Til stóð að ljúka byggingu kirkjunnar Sagrada Família í Barcelona árið 2026 á 100 ára ártíð Gaud-
ís en nú er ljóst að það mun ekki takast  140 ár liðin frá því framkvæmdir hófust við dómkirkjuna
AFP
Enn í byggingu Dómkirkjan Sagrada Família í Barcelona umkringd bygg-
ingarkrönum. Byggingin var skráð á heimsminjaskrá UNESCO árið 2005.
Saga kirkjunnar
» 19. mars 1882 Bygging
kirkjunnar hefst eftir
teikningu arkitektsins
Francisco de Paula del
Villary Lozano í nýgotneskum stíl
» Lok árs 1883 Antoni Gaudí
falið að halda verkinu áfram
og hann vann að því til dauða-
dags árið 1926 en þá var um
fjórðungi byggingarinnar lokið
» Júlí 1936 Kveikt í
neðanjarðarhvelfingu
kirkjunnar þegar borgara-
styrjöldin á Spáni geisaði, smiðja
kirkjunnar eyðilagðist og frum-
drögin, vinnuteikningar og líkön
glötuðust
» 2026 Til stóð til að ljúka
byggingunni á því ári þegar öld
er liðin frá andláti Gaudís en nú
er ljóst að það mun ekki takast