Morgunblaðið - 21.09.2020, Blaðsíða 32

Verslunin CURVY | Fellsmúla 26 við Grensásveg, 108 RVK | Sími 581 1552 | www.curvy.is
UNDIRFATADAGAR
Í CURVY
20% afsláttur
af öllum undirfötum
21.-27. september
Tónleikar Gyðu Valtýsdóttur, handhafa Tónlistar-
verðlauna Norðurlandaráðs, sem eru á dagskrá
Listahátíðar í Reykjavík, fara fram á miðvikudags-
kvöldið kemur í Norðurljósasal Hörpu. Yfirskrift tón-
leikanna er Epicycle. Kemur Gyða fram með átta
manna hljómsveit og munu í senn hljóma útsetningar
hennar á verkum listafólks fyrri tíðar á borð við Messi-
aen og Hildegard von Bingen, og verk íslenskra sam-
tímatónskálda. Í frétt frá Listahátíð segir að til-
hlýðilegt bil verði tryggt milli tónleikagesta.
Listahátíðartónleikar Gyðu Valtýs-
dóttur í Hörpu á miðvikudagskvöld
MÁNUDAGUR 21. SEPTEMBER 265. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Englandsmeistarar Liverpool stóðust fyrsta stóra próf-
ið á nýju leiktíðinni er þeir heimsóttu gífurlega vel
mannað lið Chelsea á Stamford Bridge í annarri umferð
úrvalsdeildarinnar í gær. Liverpool vann 2:0-sigur, með
mörkum Senegalans Sadio Mané, og eru meistararnir
með fullt hús stiga eftir fyrstu tvo leikina. Heung-Min
Son var í sviðsljósinu þegar Tottenham skoraði 5 mörk
á útivelli gegn Southampton. »27
Englandsmeistararnir stóðust
fyrsta stóra prófið á Brúnni
ÍÞRÓTTIR MENNING
Steinþór Guðbjartsson
steinthor@mbl.is
Leiðir þýsku kvennanna Brigitte
Bjarnason og Kirsten Rühl frá
Hamborg, sem komu fyrst til Ís-
lands sem skiptinemar 1982 og 1984,
lágu saman í Hafnarfirði fyrir
nokkrum árum. Í
september í fyrra
gaf þýska forlag-
ið Acabus-Verlag
Hamburg út bók
þeirra Schwefel,
Tran und Trock-
enfish (Brenni-
steinn, lýsi og
skreið), sögulega
ferðahandbók um
Ísland fyrir þýskumælandi fólk, þar
sem sérstök áhersla er lögð á sögu
þýsku Hansakaupmannanna hér-
lendis á 15. og 16. öld.
Höfuðstöðvar Hansakaupmanna
voru í Hafnarfirði og áður en
Brigitte og Kirsten hittust fyrst
höfðu þær tengst þeim hvor með sín-
um hætti. „Við höfðum grúskað í
sögunni og svo fór að við ákváðum að
gefa út bók um starfsemi Hansa-
kaupmanna á Íslandi og gera stöð-
um, þar sem þeir voru, ákveðin skil,“
segir Kirsten, sem er fisktæknir,
vinnur á Sólheimum í Grímsnesi
ásamt því að vera leiðsögumaður.
Ísland á kortið
Brigitte vinnur sem leiðbeinandi á
dagheimili á Selfossi en starfaði á
bókasafni í Hafnarfirði þegar þær
Kirsten kynntust. Hún segir að þær
hafi haft forgöngu um að Þjóðverjar
á svæðinu hittust mánaðarlega og
þær hafi fljótlega farið að vinna við
sameiginlegt áhugamál, tengsl
Hansakaupmanna við Ísland og sér-
staklega Hafnarfjörð. „Árangurinn
er þessi sögulega ferðahandbók.“
Eftir að hafa gifst Jónasi Pétri
Bjarnasyni bjuggu þau í sjö ár í
Hamborg en fluttu aftur til Íslands
1992. Brigitte segist hafa búið víða á
Íslandi og fengið innblástur að
tveimur bókum áður en vinna hófst
við bókina með Kirsten. Smásagna-
safnið Dorsche haben traurige Aug-
en (Þorskar hafa döpur augu) kom
út 2011 og Auf den Spuren von Elfen
und Trollen in Island (Á slóðum álfa
og trölla á Íslandi) 2014.
Faðir Kirsten var hafnarstarfs-
maður í Hamborg. „Höfnin heillaði
mig alltaf, skreiðin kveikti í mér og
ég vann lengi í skreið hérlendis,“
rifjar hún upp. Hún rannsakaði með-
al annars gögn í Sjómannasafninu í
Hamborg og í miðstöð Hansakaup-
manna í Lübeck. Hún segir að Ís-
land sé ekki mikið nefnt í heimildum
um Hansakaupmenn og bókin sé lið-
ur í að bæta úr því. „Íslendingar
seldu Hansakaupmönnum til dæmis
mikla skreið, lýsi og brennistein fyr-
ir utan ýmislegt annað,“ leggur hún
áherslu á.
Við höfnina í Hafnarfirði er stór
steinbogi eftir þýska listamanninn
Lupus til minningar um kirkju, sem
Hansakaupmenn reistu þar. Kirsten
bendir á að í Hamborg hafi þeir átt
litla kapellu, þar sem beðið hafi verið
fyrir þeim, þegar þeir hafi verið úti á
rúmsjó. „Tengingar milli Hafnar-
fjarðar og Hamborgar eru margar
og með bókinni segjum við frúrnar
frá Hamborg söguna.“
Til stóð að kynna bókina þýsku-
mælandi ferðamönnum hérlendis, á
bókamessum og árlegum Hansadög-
um, en kórónuveiran hefur sett strik
í reikninginn. Stöllurnar segja samt
að bókinni hafi verið vel tekið í
Þýskalandi, en hún fæst líka m.a. á
amazon.com og frujora.com, net-
verslun Brigitte.
Frúrnar frá Hamborg
leysa frá skjóðunni
Tenging Kirsten Rühl við steinbogann á hafnarbakkanum í Hafnarfirði.
 Kynntust í Hafnarfirði og sendu frá sér bók um Ísland
Í Þýskubúð Brigitte Bjarnason þar sem verslun var í Straumsvík á 15. öld.