Morgunblaðið - 30.09.2020, Side 11

MORGUNBLAÐIÐ MIÐVIKUDAGUR 30. SEPTEMBER 2020 11FRÉTTIR
Námið og reynslan frá Sviss nýtist Sindra Má
örugglega vel hjá Klasa. Félagið vinnur núna
m.a. að skipulagi stærsta þróunarsvæðis höf-
uðborgarsvæðisins, í Elliðaárvogi, og í mörg
horn að líta hjá fjármálastjóranum.
Hverjar eru helstu áskoranirnar
í rekstrinum þessi misserin?
Klasi stendur eins og er í uppbyggingu á
hverfinu sunnan Smáralindar, 201 Smára. Þar
reisum við um 650 íbúðir þar sem heildar-
fjárfesting verður um 32 milljarðar kr. Hugs-
unin okkar er að skapa nútímalegt hverfi með
hagkvæmum og vel skipulögðum íbúðum sem
standast um leið kröfur um gæði og þægindi.
Þegar lagt var upp í þetta þróunarverkefni
gerðum við kannanir hjá markhópum og ljóst
var að fólk leggur mikla áherslu á að rýmin í
íbúðum séu vel nýtt, þær útbúnar nýjustu
snjalllausnum og tilbúnar fyrir framtíðina með
deilibílum og rafhleðslustæðum. Á sama tíma
þurfa verðin að vera viðráðanleg svo þetta hef-
ur verið talsverð áskorun. Viðtökur markaðar-
ins hafa verið frábærar hingað til svo við hljót-
um að vera á réttri braut.
Almennt er sú áskorun falin í þróun á svona
stórum svæðum að lesa eftirspurnina rétt.
Stórt þróunarverkefni sem þetta tekur fjölda
ára að setja í verk og erfitt er að vita hvað
kaupendur vilja þegar íbúðirnar koma loksins
á sölu, sem er vanalega mörgum árum eftir að
skipulagsvinnan átti sér stað.
Hvernig heldurðu þekkingu þinni við?
Ég les mikið og sæki mér upplýsingar og
þekkingu úr greinum og umfjöllunum um
áhugaverð málefni. Svo hef ég verið heppinn
að vinna með frábæru fólki í gegnum tíðina
sem ég hef dregið mikinn lærdóm af. Þetta
hefur verið mikilvægur hluti af starfinu mínu
eftir að ég byrjaði hjá Klasa, enda nýr í þess-
um iðnaði. Einnig kom ég á fót, ásamt nokkr-
um öflugum strákum í atvinnulífinu, félagi
ungra athafnamanna. En þar förum við m.a. í
kynningarferðir í ýmis fyrirtæki til þess að
læra betur um starfsemina, iðnaðinn og rekst-
urinn.
Hugsarðu vel um líkamann?
Síðustu ár hef ég verið að hlaupa mikið, sér-
staklega utanvega, en mér finnst fátt
skemmtilegra en að vera á skokki langt frá
næstu byggð á einhverjum kindaslóðum í nátt-
úrunni. Mér tókst svo að draga bróðurpart
stjórnar Klasa með mér í Laugavegshlaupið,
en það er erfiðasta hlaupið sem ég hef farið í
hingað til. Það gekk sem betur fer mjög vel
hjá öllum, ég er alla vegana enn þá með vinnu.
Annars hef ég komist að því að einbeiting og
framleiðni eykst til muna hjá mér ef mér tekst
að hreyfa mig eitthvað á hverjum degi.
Hvað myndirðu læra ef þú fengir
að bæta við þig nýrri gráðu?
Ef ég færi í það að bæta við mig námi yrði
það líklega ekki bóknám. Ég hef oft gælt við
það í huganum að læra eitthvað í húsasmíði.
Það er bara svo praktískt að geta gert eitthvað
af viðhaldinu heima sjálfur. Draumurinn væri
svo að byggja mitt eigið hús einhvern tímann
og geta tekið stóran þátt í því sjálfur.
Hvaða kosti og galla sérðu
við rekstrarumhverfið?
Vextir á fasteignalánum eru sögulega lágir í
augnablikinu, en það hefur hjálpað kaup-
endum mikið við fjármögnun og endur-
fjármögnun húsnæðis í sumar. Sömuleiðis tel
ég að uppsafnaður sparnaður heimilanna, hár
kaupmáttur og ráðstöfun séreignasparnaðar
hafi stutt mikið við markaðinn. En það hefur
verið sérstaklega ánægjulegt að yfir fjórð-
ungur kaupenda hjá okkur í 201 Smára eru
ungt fólk milli 20 og 29 ára.
Á móti kemur að kórónuveiran hefur skap-
að mikla óvissu í nánustu framtíð, sér í lagi um
gengi krónunnar, verðbólgu og aukningu at-
vinnuleysis. Óvissan hefur því talsverð áhrif á
skammtímaáætlanir. Áætlanir til lengri tíma
eru hins vegar áfram bjartsýnar og uppsöfnuð
þörf á íbúðum verður enn til staðar þegar far-
aldurinn gengur yfir.
Hvað gerirðu til að fá orku
og innblástur í starfi?
Mér finnst fátt betra en að skella mér í stutt
hlaup í hádeginu og snúa til baka endur-
nærður. Uppspretta nýrra hugmynda kemur
oftast í samvinnu með vinnufélögunum sem
búa yfir gríðarlegri reynslu í bransanum. Svo
reyni ég að nota vini og tengslanetið þegar ég
get til þess að fá nýja sýn á hlutina.
SVIPMYND Sindri Már Kolbeinsson fjármálastjóri Klasa
Áætlanir bjartsýnar til lengri tíma
Morgunblaðið/Árni Sæberg
NÁM: Verzlunarskóli Íslands, 2008; Háskóli Íslands, iðnaðarverkfræði, 2012; ETH
Zürich, rekstrarverkfræði, 2015.
STÖRF: Credit Suisse, eignastýring og greinandi, 2014-2015; Citibank, verk-
efnastjóri í einkabanka 2015-2016; PwC, ráðgjafi í bankageira, 2016-2017; Credit
Suisse einkabanki, verkefnastjóri, 2017-2018; Klasi ehf., fjármálastjóri frá 2018.
ÁHUGAMÁL: Íþróttir hafa alltaf verið stór hluti af mínu lífi. Núna er ég kominn á kaf í
hlaupin og hef farið í Laugavegshlaupið síðustu tvö skipti. Svo reyni ég að komast í
skvass og fótbolta þegar tækifæri gefst. Annars hef ég mjög gaman af gítarglamri,
fjallgöngum með fjölskyldunni og að elda góðan mat. Ég les líka mikið en leslistinn
samanstendur aðallega af vísindaskáldsögum í augnablikinu.
FJÖLSKYLDUHAGIR: Kvæntur Bryndísi Jónsdóttur grunnskólakennara og á börnin
Val og Öldu Magneu.
HIN HLIÐIN
Allt um
sjávarútveg
SKILTAGERÐ
Ljósakassar
Ljósaskilti
3D stafir
Hönnun
Ráðgjöf
Uppsetning
Sundaborg 3
104 Reykjavík
777 2700
xprent@xprent.is
Við erum í hjarta borgarinnar
að Þverholti 13. Komdu við í
kaffisopa eða sendu okkur
línu og óskaðu eftir tilboði í
prentverkið þitt, stórt eða
smátt.
MIÐBORGIN
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
„Fólk leggur mikla áherslu
á að rýmin í íbúðum séu vel
nýtt, þær útbúnar nýjustu
snjalllausnum og tilbúnar
fyrir framtíðina með deili-
bílum og rafhleðslu-
stæðum,“ segir Sindri.