Morgunblaðið - 22.10.2020, Síða 13

FRÉTTIR 13Erlent
MORGUNBLAÐIÐ FIMMTUDAGUR 22. OKTÓBER 2020
Komdu í BÍLÓ!
M.BENZ C 300e 4matic
Nýskráður 01/2020, ekinn 11 þ.km,
bensín og rafmagn (plug in hybrid,
drægni 50 km), sjálfskiptur.
Fjórhjóladrifinn (4matic)
AMG line innan og utan.
Stafræntmælaborð,
leiðsögukerfi, 19“ álfelgur o.fl.
Raðnúmer 251806
Funahöfði 1 | 110 Reykjavík | Sími 567 4840 | www.bilo.is | bilo@bilo.is – ALLTAF VIÐ SÍMANN 771 8900 –
A G
Barnier á leið til Lundúna
 Viðræður Breta og Evrópusambandsins hefjast á ný  ESB tilbúið að gefa eftir
Stefán Gunnar Sveinsson
sgs@mbl.is
Bresk stjórnvöld tilkynntu í gær að fríverslunar-
viðræður Bretlands og Evrópusambandsins
myndu hefjast að nýju í dag, eftir að Michel Bar-
nier, aðalsamningamaður sambandsins, gaf til
kynna að Evrópusambandið væri tilbúið til þess að
gera málamiðlanir á samningsafstöðu sinni. Von
er á Barnier til Lundúna, höfuðborgar Bretlands, í
dag.
Boris Johnson, forsætisráðherra Bretlands,
sagði ljóst að enn væri mikið sem stæði út af borð-
inu þegar kæmi að helstu ásteytingarsteinunum,
en að Bretar væru reiðubúnir til þess að kanna
hvort ekki væri hægt að finna málamiðlanir á milli.
Fyrr um daginn hafði Barnier ávarpað fund
Evrópuþingsins í Brussel, og lýst þar yfir samn-
ingsvilja sínum og sambandsins. „Ég tel að sam-
komulag sé innan seilingar okkar, ef við erum
reiðubúin báðum megin borðsins að vinna á upp-
byggilegan hátt og í anda málamiðlana,“ sagði
Barnier meðal annars.
Samkvæmt heimildum breska blaðsins Daily
Telegraph hafði Barnier heitið því í samtölum sín-
um við David Frost, aðalsamningamann Breta, að
hægt yrði að ræða hinn lagalega texta sem yrði í
endanlegri gerð samninganna ásamt öðrum hlut-
um sem Evrópusambandið hefur verið ófáanlegt
til að ræða, fyrr en búið væri að semja um aðgang
að fiskveiðiauðlindum Breta, sem og þátttöku
Breta í regluverki sambandsins um ríkisaðstoð.
Bresk stjórnvöld hafa hins vegar ekki fallist á
það, og því hefur lítill árangur sést af viðræðunum,
allt þar til að breska ríkisstjórnin lýsti því yfir fyr-
ir helgi að tilgangslaust væri að halda þeim áfram
nema Evrópusambandið slægi af kröfum sínum.
Norðmenn framlengja hjá sér
Þá tilkynntu norsk stjórnvöld í gær að þau
hefðu náð samkomulagi við Breta um tímabundn-
ar fríverslunarráðstafanir sem nái fram yfir næstu
áramót.
Er samkomulaginu ætlað að brúa bilið milli 1.
janúar 2021, þegar undanþágutíma Breta lýkur,
og þar til samið verður nokkrum mánuðum síðar.
Í tilkynningu norska viðskiptaráðuneytisins er
tekið fram að hafa þurfi í huga að samkomulagið
sé fremur lítið í sniðum og tímabundið, en það
byggir á svipuðu samkomulagi, sem gert var í apr-
íl 2019, en Íslendingar áttu þar einnig hlut að.
AFP
Brexit Michel Barnier (fyrir miðju) ræðir við
Charles Michel, forseta leiðtogaráðsins, og Maros
Sefcovic, varaforseta framkvæmdastjórnarinnar.
Jean-Francois Ricard, saksóknari
Frakklands í hryðjuverkamálum,
greindi frá því í gær að tveir af
nemendum Samuels Paty, sögu-
kennarans sem var afhöfðaður í
nágrenni Parísar í síðustu viku,
hefðu þegið um 350 evrur fyrir að
benda morðingjanum á hver Paty
væri.
Paty hafði sýnt nemendum sín-
um umdeildar teikningar af Mú-
hameð spámanni, og orðið skot-
spónn hatursherferðar á netinu.
Hinn 18 ára gamli Abdullakh
Anzorov, sem nýverið hafði fengið
dvalarleyfi í Frakklandi, ákvað því
að myrða Paty. Sagði Ricard að
Anzorov hefði sagt við nemendurna
að hann ætlaði sér að „niðurlægja
og slá“ kennarann, og neyða hann
til að biðjast afsökunar. Biðu nem-
endurnir tveir eftir Paty ásamt
Anzorov í meira en tvo klukkutíma.
Ricard sagði að nemendurnir,
sem eru 14 og 15 ára, yrðu ákærðir
fyrir að hafa aðstoðað Anzorov við
morðið á Paty, en alls hafa sjö
manns verið ákærðir fyrir samsæri
um að fremja morð.
Þáðu 350
evrur fyrir
aðstoðina
 Tveir ákærðir fyr-
ir aðild að morðinu
AFP
Blómsveigar Þjóðarsorg hefur ríkt
í Frakklandi eftir morðið á Paty.
Frans páfi lýsir
því yfir í nýrri
heimildarmynd,
sem frumsýnd
var á kvik-
myndahátíðinni í
Róm í gær að
hann styðji rétt
samkynhneigðra
para til þess að
„tilheyra fjöl-
skyldu“. Þar á
meðal sé réttur þeirra til þess að
ganga í staðfesta sambúð, sem var-
in sé með lögum.
Páfinn mun þó enn vera þeirrar
skoðunar að hjónaband geti ein-
göngu verið á milli karls og konu.
Styður rétt til stað-
festrar sambúðar
PÁFAGARÐUR
Frans
páfi
Óeirðir blossuðu upp í Lagos, höfuðborg Níger-
íu, í gær, en róstusamt hefur verið í landinu und-
anfarnar tvær vikur vegna frétta af lögreglu-
ofbeldi sérsveitar lögreglunnar.
Kveikjan að óeirðunum voru þau tíðindi að
minnst tólf hefðu látist eftir að nígerískar örygg-
issveitir hófu skothríð á mannfjölda, sem var við
friðsöm mótmæli við Lekki-torg.
Antonio Guterres, framkvæmdastjóri Samein-
uðu þjóðanna, kallaði í gær eftir því að lögreglan
í Nígeríu léti af lögregluofbeldi og öðrum brot-
um og að stjórnvöld sæktu þá sem bæru ábyrgð á
morðunum til saka. Yfirherstjórn Nígeríu neit-
aði að tjá sig um atvikið, en kallaði fréttaflutning
af því „falsfréttir“.
Óeirðir eftir að skotið var á mótmælendur
AFP