Morgunblaðið - 02.11.2020, Síða 13

AFP
Viðbúnaður Bifreiðar slökkviliðs og lögreglu tóku sér stöðu við þinghús
Quebec-héraðs í Kanada eftir ódæðið sem framið var þar í fyrrinótt.
Tveir óbreyttir borgarar létu lífið
og fimm eru með alvarleg stungu-
sár eftir morðárás manns í mið-
aldaklæðum í gamla borgarhluta
Quebec-borgar í Kanada í fyrri-
nótt.
Fólkið tók þátt í hrekkjavöku er
það varð fyrir árás manns á þrí-
tugsaldri klukkan eitt að nóttu í
Quebec. Sveiflaði hann sverði og
lagði með því til fórnarlamba sinna.
Lögregla handtók manninn sem
fluttur var á spítala vegna ástands
hans. Hún vildi ekki segja frekari
deili á honum né hvort hann væri
lögreglunni kunnugur.
Klæddur að miðaldasið
„Það eina sem ég get sagt er að
þetta er maður sem klæddur var
að miðaldasið. Hann var með sverð
á sér og veitti stungusár,“ sagði
talsmaður lögreglunnar. Að hans
sögn eru hinir fimm særðu mis-
jafnlega alvarlega sárir.
Kanadíska lögreglan sagði síð-
degis í gær að ódæðismaðurinn í
Quebec hefði ekki tengst neinum
hópi hryðjuverkamanna.
„Í gær reið hér hryllingsnótt yfir
þegar 24 ára gamall maður, sem
ekki er búsettur í Quebec, kom
hingað þeirra erinda að ráða nið-
urlögum sem flestra fórnarlamba,“
sagði lögreglustjóri Quebec-borgar,
Robert Pigeon.
Hryllileg árás
„Allt bendir til þess að maðurinn
sem við höfum grunaðan og var
vopnaður japönsku sverði hafi valið
fórnarlömb sín af handahófi,“ bætti
hann við. Hann kom frá heimili
sínu í útborg Montreal í þessu
skyni, í þeim tilgangi að valda sem
mestu tjóni.“
Maðurinn var handtekinn mót-
þróalaust árla dags í gær eftir
skipulega leit að glæpamanninum
um gamla borgarhverfið.
Justin Trudeau forsætisráðherra
lýsti harmi sínum vegna hinnar
„hryllilegu árásar“. Samhryggðist
hann aðstandendum hinna látnu og
bað fyrir bata hinna særðu.
Fyrsta ódæðisverk sitt vann
maðurinn við löggjafarsamkundu
Quebec-fylkis, en hann var síðan
handtekinn við svonefndan Espace
400e business park. Að sögn blaðs-
ins Le Soleil var maðurinn ber-
fættur og að krókna úr kulda er
hann náðist.
agas@mbl.is
Morðárás að
nóttu í Quebec
 Ekki sagður tengjast hryðjuverkahóp
FRÉTTIR 13Erlent
MORGUNBLAÐIÐ MÁNUDAGUR 2. NÓVEMBER 2020
Skeifan 3 • 108 Reykjavík • Sími 581 2333 • rafver.is • rafver@rafver.is
Rafhlöðutími u.þ.b. 45 mínútur • Takmarkað magn í boði.
Næsta kynslóð skúringarvéla er komin
Ä R FC 7 PREMIUM
ÞRÁÐLAUS SKÚRINGARVÉL
Ágúst Ásgeirsson
agas@mbl.is
Donald Trump forseti og mótfram-
bjóðandinn Joe Biden unnu sér ekki
hvíldar um helgina heldur hófu mik-
inn endasprett baráttunnar um hylli
kjósenda fyrir bandarísku forseta-
kosningarnar, sem fram fara á morg-
un.
Trump hóf skyndisókn helgarinnar
með því að mæta á fimm framboðs-
fundi í ríkjum sem enn eru talin geta
sveiflast á hvorn veginn sem er. Er
hér um að ræða fundi í borgunum
Washington í Michigan-ríki, Dubu-
que í Iowa, Hickory í Norður-Karól-
ínu, Róm í Georgíu og Opa-Locka í
Flórída.
Biden fór um Pennsylvaníuríki sem
þykir geta gegnt miklu hlutverki í
kosningunum á morgun, þriðjudag.
Kom hann fram á fundi í borginni
Fíladelfíu í gær en þar eru 45% íbúa
þeldökk á hörund. Trump fór með
nauman sigur af hólmi í Pennsylvaníu
2016.
Skoðanamælingar sýna nauma for-
ystu Bidens í ríkjunum sem hvað
harðast er tekist á um. Allt frá innan
við 1% í Flórída til 4% í Pennsylvaníu
og meira en 6% í Michigan og Wis-
consin. Trump er svo naumlega á
undan í Iowa, samkvæmt fylgismæl-
ingum Real Clear Politics.
Útlit er fyrir mestu þátttöku í
bandarískum forsetakosningum í
meira en heila öld. Þegar hafa um 90
milljónir kjósenda nýtt rétt sinn utan
kjörstaðar.
Stjórnmálaskýrendur telja að
niðurstaða forsetakjörsins muni
meira og minna ráðast af útkomunni í
10 ríkjum, en þar hafa íbúar viljað
sveiflast til og frá í stuðningi við flokk-
ana. Árið 2016 tryggði sigur Trumps í
Pennsylvaníu, Wisconsin, Michigan,
Flórída, Iowa og Ohio meira og minna
sigurinn í sjálfu forsetakjörinu.
Kannanir þykja benda til að Biden
geti rofið kosningaveldi Repúblikana-
flokksins í Georgíu, Arizona, Norður-
Karólínu og Texas.
Fyrir utan forsetakjörið munu
milljónir kjósenda einnig endurnýja
öll 435 þingsæti fulltrúadeildar
Bandaríkjaþings og 35 af hundrað
sætum öldungadeildarinnar. Demó-
kratar ráða meirihluta fulltrúadeild-
arinnar og er talið að hann sé ekki í
hættu.
Verði Biden kjörinn forseti og
demókratar nái meirihluta í öldunga-
deildinni munu tök Demókrataflokks-
ins á vogarstöngum valds alríkisins
verða algjör. Þess hefur flokkurinn
ekki notið frá því snemma í forsetatíð
Baracks Obama.
Á kjörskrá kosninganna eru 230
milljónir manna en venjulega lætur
stór hluti þeirra ógert að nota kosn-
ingarétt sinn. Dæmið hefur snúist við
í ár og útlit er fyrir metkjörsókn.
Kosning utan kjörfundar hefur nú
þegar slegið öll met, en á hádegi sl.
föstudag höfðu tæplega 84 milljónir
atkvæða verið greiddar. Með þessu
vilja kjósendur fyrst og fremst kom-
ast hjá löngum biðröðum á kjördegi.
Árið 2016 kusu alls 138 milljónir
manna.
Samhliða aukinni þátttöku hefur
kostnaður framboða aukist gríðar-
lega. Forsetaefnin tvö munu hafa var-
ið 6,6 milljörðum dollara hvort í aug-
lýsingar og rekstur framboða. Er það
tveimur milljörðum dollara meira en
kosningabarátta Trumps og Hillary
Clinton kostaði fyrir fjórum árum,
samkvæmt útreikningum stofnunar-
innar Center for Responsive Politics.
AFP
Fjörugt Stuðningsmenn Donalds Trumps bíða komu hans til kosn-
ingafundar á flugvelli borgarinnar Dubuque í Iowa-ríki í gær.
Lokasókn á leifturhraða
 Útlit fyrir metkjörsókn – nær 90 milljónir hafa kosið utan kjörfundar  Kostnaður milljarðar dollara
Breski ráðherrann Michael Gove
segir það sína einlægustu ósk að lok-
un landsins vegna stríðsins gegn
kórónuveirunni ljúki 2. desember nk.
Aðstæður myndu þó ráða niðurstöð-
unni og ná þyrfti sýkingarstuðlinum
(R) niður fyrir einn.
Strangar ráðstafanir til að hindra
útbreiðslu veirunnar koma til fram-
kvæmda á miðvikudagskvöld. Knæp-
ur, veitingahús, líkamsræktarstöðv-
ar verða lokaðar, einnig verslanir
með ónauðsynjar og bænahús, en
skólar á öllum stigum geta starfað.
Gert er ráð fyrir því að Boris
Johnson forsætisráðherra greini
þinginu frá ráðstöfunum stjórnar-
innar í dag. Að því loknu verða
greidd atkvæði og ríkir enginn vafi
um lyktir tillögunnar þar sem Verka-
mannaflokkurinn hefur lýst yfir
stuðningi við hana.
Johnson væntir þess að aflétta
megi ráðstöfununum 2. desember og
Gove sagði við BBC í gær að á
grundvelli fyrirliggjandi gagna ætti
að verða mögulegt að aflétta þeim.
Fram að því er almenningur beðinn
að halda sig heima hjá sér og ein-
ungis fara af heimilum sínum af sér-
stökum ástæðum. Heimsóknir verða
bannaðar heima og á einkalóðum.
Til átaka hefur komið í fjölda bæja
og borga á Spáni undanfarna daga
milli lögreglu og fólks sem mótmælt
hefur ráðstöfunum vegna kórónu-
veirufaraldursins. Reiði og gremja
hefur verið að aukast víða vegna að-
gerða yfirvalda sem raska daglegu
lífi fólks. Ólgan eykst á Spáni á sama
tíma og fjöldi Evrópuríkja er að
herða sínar aðgerðir gegn veirunni.
Þeim er ætlað að stöðva útbreiðslu
veirunnar sem færst hefur í aukana
síðustu vikur og dregið minnst
1.191.743 manns til dauða frá því
hennar varð fyrst vart, í Kína í des-
ember sl.
Þýskaland og Grikkland hafa ekki
gripið til jafn takmarkandi ráðstaf-
ana en þar hefur knæpum, veitinga-
húsum og menningarstofnanir verið
lokað og hefur það vakið vanþóknun.
Uppþot hafa af sömu ástæðum átt
sér stað um helgina í Argentínu.
Veiran hefur sýkt 45.760.644 um
heim allan. Verst hafa Bandaríkin
orðið úti með 229.710 dauðsföll og
9.048.177 sýkingar.
agas@mbl.is
England kann að loka til jóla
 1,2 milljónir dáið  Vaxandi óþol gagnvart ráðstöfunum