Morgunblaðið - 11.11.2020, Page 6
6 FRÉTTIRInnlent
MORGUNBLAÐIÐ MIÐVIKUDAGUR 11. NÓVEMBER 2020
SINGLES DAY
20% AFSLÁTTUR
AF ÖLLUM VÖRUM NEMA
SILKI MEÐ KÓÐANUM
'SINGLES' Á
11.11.2020
WWW.LIFSTYKKJABUDIN.IS
Ólafur Karl Nielsen, rjúpnasérfræð-
ingur hjá Náttúrufræðistofnun Ís-
lands (NÍ), biður rjúpnaskyttur að
senda sér annan væng af veiddum
rjúpum til aldursgreiningar. Halda
þarf saman vængjum af fuglum af
sama svæði, merkja með nafni
skyttu og veiðisvæði og senda NÍ á
kostnað móttakanda. Eins er hægt
að skila vængjunum beint. Allir fá
upplýsingar um aldursgreiningu
sinna vængja. Aldurshlutfallið er
mikilvægur liður í mati á rjúpna-
stofninum. Ráðlögð rjúpnaveiði í
haust er 25 þúsund fuglar.
„Flestir veiðimenn hafa hlýtt til-
mælum sóttvarnayfirvalda og haldið
sig heima,“ sagði Áki Ármann Jóns-
son, formaður Skotvís og líffræð-
ingur. Hann sagði það þó ekki algilt
en veiðin hefur verið lítil hjá flestum
sem gengið hafa til rjúpna það sem
af er. „Þetta er svona kropp eins og
við var að búast. Menn kvarta mikið
yfir rjúpnaleysi, sérstaklega á Norð-
vesturlandi,“ sagði Áki. Skotvís er
komið með smáforrit fyrir Apple-
síma sem gerir kleift að taka mynd
af rjúpnavængjum og senda til ald-
ursgreiningar. gudni@mbl.is
Morgunblaðið/Ingó
Rjúpnaveiðar Margar rjúpnaskyttur hlýddu tilmælum sóttvarnayfirvalda
um að vera heima. Veiðin hefur verið fremur dræm hjá þeim sem hafa farið.
Flestir eru heima
Dræm rjúpnaveiði á Norðurlandi
NÍ vill fá rjúpnavængi til greiningar
Ómar Friðriksson
omfr@mbl.is
Nemendur framhaldsskóla sýna
mikla seiglu og dugnað um þessar
mundir við mjög erfiðar náms-
aðstæður og meira álag á tímum
veirufaraldursins og hertra sótt-
varna. Þetta kemur fram í samtölum
við náms- og starfsráðgjafa í nokkr-
um framhaldsskólum landsins í gær.
Námsráðgjafar kappkosta að hafa
samband við nemendur, bjóða þeim
aðstoð og fara yfir stöðuna og stappa
í þá stálinu á hverjum degi.
Allir að gera sitt besta
„Að sjálfsögðu höfum við áhyggj-
ur af krökkunum en þau eru samt
ótrúlega seig,“ segir Hildur Halla
Gylfadóttir, námsráðgjafi við
Menntaskólann við Sund. Seiglan sé
mikil þrátt fyrr óvissuna. „Þetta er
mörgum þeirra erfitt. Bæði þau og
forráðamenn þeirra eru dugleg að
hafa samband og við erum öll að gera
okkar besta, starfsmenn skólans og
nemendur,“ segir hún. Síðasti
kennsludagur í MS á haustönn var
sl. föstudag og ætti fljótlega að koma
í ljós þegar einkunnir verða birtar
hvernig nemendum hefur reitt af á
þessari óvenjulegu önn fjarnáms og
takmarkana.
Erfiðara en síðastliðið vor
Of snemmt er að segja til um hvort
brotthvarf úr skólum muni aukast í
þessu erfiða námsumhverfi en enn
eru þó fáar vísbendingar um aukið
brotthvarf úr námi. Alls voru 22.644
nemendur í framhaldsskólum 1.
október sl. skv. nýrri samantekt
Menntamálastofnunar.
„Það er mun erfiðara að vera í
námi í fjarnámi en í dagskólanum.
Þau eru í mörgum fögum og þess
vegna verður dagurinn langur og
engin skil á milli skóla og heimilis,
þannig að þau eru að veltast í þessu
allan daginn og þeim finnst þau vera
í skólanum frá því að þau vakna og
þangað til þau fara að sofa.
Við sem erum fullorðin vitum að
það er erfitt að vera lengi fyrir fram-
an skjáinn og þess vegna erum við að
reyna að skipta kennslunni til helm-
inga þannig að þau þurfi að vera við
skjáinn helming tímans og sinni síð-
an verkefnavinnu en kennarinn er
viðlátinn til að veita aðstoð. Þannig
reynum við að að leysa þetta en þeg-
ar nemendur eru í fullu námi er
skóladagurinn þeirra frá átta til
rúmlega fjögur og það er bara ansi
langur tími þegar þau eiga svo eftir
að læra heima,“ segir Fríður Reyn-
isdóttir, námsráðgjafi við MH. Nær
öll kennsla við skólann fer fram í
fjarnámi.
Hún telur að yfirstandandi önn sé
mun erfiðari en síðastliðið vor, þá
var komin upp rútína í náminu þegar
faraldurinn reið yfir en núna hafa
nemendurnir ekki fengið þá festu
sem þarf alla önnina. „Mín upplifun
er sú að þetta sé mun erfiðara og
flóknara núna en var þá,“ segir hún.
Flestir í MH segjast stefna
á áframhaldandi nám
Kannanir sem hafa verið lagðar
fyrir nemendur við MH í haust og
Bóas Valdórsson, sálfræðingur við
skólann, hefur birt í hlaðvarpinu
Dótakassanum leiða í ljós að nem-
endur sofa mun betur og upplifa
minni kvíða í haust. Þeir upplifa þó
meira álag í tengslum við námið og
vanlíðan þeirra er meiri en í fyrra.
Þó ekki verri en árin þar á undan og
bera þau sig vel. Athygli vekur að
sögn Fríðar að flest segjast stefna á
að koma aftur í skólann á næstu önn.
Farið að bera á zoom-þreytu
„Þetta hefur gengið ágætlega,“
segir Heimir Haraldsson, námsráð-
gjafi við Menntaskólann á Akureyri,
um fjarvinnu nemenda og starfs-
manna en öll samskipti hafa vita-
skuld breyst. Er farið að bera á
zoom-þreytu meðal nemenda eftir
alla fjarfundina sem þeir þurfa að
taka þátt í frá heimilum sínum, sem
reynir á, ekki síst vegna verkefna-
álagsins, en kennarar skólans eru
allir af vilja gerðir að finna leiðir og
lausnir.
„Nemendur sækja kannski minna
til okkar þegar þeir eru ekki á staðn-
um en við finnum fyrir því að mesta
breytingin er fyrir nemendurna
sjálfa og það álag sem þeir upplifa
núna í þessu ástandi,“ segir hann.
Fjarkennslan við þessar kringum-
stæður hefur þó ekki eingöngu nei-
kvæðar afleiðingar. Heimir bendir á
að nemendur muni búa að því síðar
að hafa þurft að tileinka sér meira
sjálfsnám og sjálfstæð vinnubrögð
og að vinna á annan hátt en þau eru
vön undir álagi og með minni leið-
sögn kennara. Það muni skila sér
síðar meir, ekki síst þegar háskóla-
nám tekur við.
Hann segir þó ljóst að líðan nem-
enda sé ekki góð, ekki síst fyrir þær
sakir að þau fara á mis við félagslega
þáttinn í skólanum sem hefur nánast
verið tekinn frá þeim. „Heilt yfir tel
ég að þetta hafi frekar vond áhrif á
andlega líðan nemenda, þótt þeir séu
líka til sem eru dauðfegnir að geta
sinnt náminu með þessum hætti.“
Aðspurður á Heimir ekki von á
miklu brottfalli nemenda úr MA
þrátt fyrir þessar aðstæður. MA er
bóknámsskóli og flestir nemendur
einbeita sér að því að undirbúa sig
fyrir háskólanám. „Í venjulegu ár-
ferði er mjög lítið brotthvarf hjá
okkur og þeir sem hætta í námi eru
flestir komnir í skóla innan árs,“ seg-
ir hann.
Fjölbreyttur hópur
Elísabet Vala Guðmundsdóttir,
námsráðgjafi við Fjölbrautaskólann
í Breiðholti, segir mikilvægt að hafa í
huga að nemendahópurinn er mjög
fjölbreyttur og staða þeirra því mjög
mismunandi. „Ég hef beina reynslu
af því að það eru margir sem standa
sig mjög vel og gengur vel,“ segir
hún.
Námsráðgjafarnir við FB hafa tal-
að við alla nýnema skólans til að fara
yfir stöðu hvers og eins og segir El-
ísabet að komið hafi ánægjulega á
óvart hvað mörgum gengur vel þrátt
fyrir þessar námsaðstæður.
„Ég dreg ekki úr því að þetta
ástand er mjög erfitt fyrir marga,“
segir hún. Sumir nemendur eigi í
erfiðleikum og séu í viðkvæmri
stöðu. Þá hefur nemendum sem þurfi
meiri undirbúning og eru á fram-
haldsskólabraut verið gert kleift að
koma inn í skólann og stunda námið
að hluta til þar auk fjarnámsins.
„Sumum líður bara vel og það eru
nemendur sem myndu gjarnan vilja
fara í skólann en höndla samt að-
stæðurnar og svo eru nemendur sem
eiga mjög erfitt með þetta,“ segir
hún. Að sögn hennar var ekki meira
brottfall síðastliðið vor úr skólanum
en á umliðnum árum þrátt fyrir lok-
anirnar í fyrstu bylgju kórónuveiru-
faraldursins.
Sýna seiglu við erfiðar aðstæður
Meira álag og óvissa meðal framhaldsskólanema að sögn námsráðgjafa Skóladagurinn er langur í
fjarnámi og engin skil á milli skóla og heimilis Í miklu sambandi við nemendur og stappa í þá stálinu
Morgunblaðið/Eggert
Grímuskylda Jón Arnór Styrmisson og Sveinbjörn Skúli Óðinsson í kennslustund í ljósmyndun í Borgarholtsskóla.