Kópavogsblaðið - 27.10.2016, Blaðsíða 10

KÓPAVOGSBLAÐIÐ10 Fimmtudagur 27. október 2016
XKosningar 2016
XKosningar 2016
KÓPAVOGSBLAÐIÐ
KÓPAVOGSBLAÐIÐ
Lofum að vanda okkur
BJÖRT FRAMTÍÐ
Í pólitík gærdagsins skipti öllu máli að leggja fram góða stefnu fyrir kosningar. Smíðuð voru loforð
sem skiluðu stjórnmálaflokkum
býsna ríflegu fylgi sem voru svo ekki
alltaf í takti við efndir eða öll þar
sem þau voru séð. Í Bjartri framtíð
nálgumst við hlutina með öðrum
hætti. Við lítum ekki á stjórnmála-
flokka sem valdastofnanir heldur
þjónustumiðstöðvar og höfum sett
okkur skýra framtíðarsýn í því verk-
efni.
Gildi Bjartrar framtíðar og þau
vinnubrögð sem við við höfum eru
okkar einu eiginlegu loforð. Við
tökum hagsmuni heildarinnar fram
yfir sérhagsmuni fárra við alla
ákvarðanatöku. Við lofum að sýna
ábyrgð, skilning og hlýju. Við viljum
gagnsærra og manneskjulegra sam-
félag þar sem öllum á að geta liðið
vel. Við beitum okkur fyrir kerfis-
breytingum með frjálslynda, græna
miðjustefna að leiðarljósi. Við viljum
breyta úreltum kerfum samfélagsins
sem þjóna gamla Íslandi. Kerfin er
að finna í sjávarútvegi, landbúnaði,
menntastofnunum, stjórnmálaflokk-
unum, stjórnsýslunni og stundum
í hugsunarhætti okkar sjálfra. Við
viljum líka eiga samtal um útfærslur
á því sem skiptir máli, við þá sem
málin varða. Þess vegna gefum við
ekki loforð um ókeypis peninga. Við
lofum ekki stöðugleika fyrir alla ef
hann í raun gildir bara fyrir fáa. Hlut-
verk stjórnmálamanna er, að okkar
mati, fyrst og fremst að fanga hug-
myndir og raungera þær í þjónustu
við almenning. Heiðarlegt samtal,
samráð, gagnsæi og opin stjórnsýsla
skilar okkur öllum miklu betri árang-
ri en einvaldsboð að ofan.
Það þýðir ekki að Björt framtíð sé
stefnulaus. Við vitum hvað við viljum
þó við setjum ekki fram nákvæmlega
útfærð loforð í krónum og aurum.
Við viljum nefnilega breyta áherslum
í samfélaginu með meiri fjölbreytni,
minni sóun, meiri stöðugleika og
meiri sátt. Þannig teljum við að unnt
verði að byggja betra samfélag með
minna fúski og meiri bjartri framtíð.
Viljum við að tekjur af sameiginleg-
um auðlindum skili sér til samfélags-
ins í meira mæli? Já. Viljum við sinna
betur þeim sem standa höllum fæti
í samfélaginu og gera þeim kleift að
lifa mannsæmandi lífi? Já. Viljum við
gera betur í umhverfismálum? Já.
Miklu betur. Viljum við móta heild-
stæða stefnu í ferðamálum? Já. Það
er afar aðkallandi. Viljum við tryggja
að ungt fólk geti menntað sig hér á
landi í samkepnishæfum háskólum
og búið sér og börnum sínum heim-
ili? Já. Hvort við viljum. Viljum við
tryggja að þeir sem veikjast eigi alltaf
völ á bestu þjónustu og lyfjum? Það
geturðu stólað á. Og að við lofum að
vanda okkur.
Meiri bjarta framtíð.
Minna fúsk.
Theodóra Þorsteinsdóttir, skipar 2.
sæti á lista Bjartrar framtíðar í
Suðvesturkjördæmi.
Við getum þetta
núna!
PÍRATAR
Hvað var það við Pírata sem hreif mig? Af hverju gekk ég í stjórnmálaflokk og fór
í framboð til Alþingis? Hljómar
svolítið klikkað. Ef ég á að vera hrein-
skilinn var það ekki stefna Pírata
sem slík. Það var heiðarleikinn og
einlægnin. Hvernig Helgi Hrafn,
Birgitta, Jón Þór og Ásta töluðu bara
hreint út. Það skein í gegn. Þau
Andri Þór Sturluson skipar 3. sæti í
Suðvesturkjördæmi fyrir Pírata.
reyndu að eiga samræðu, jafnvel
við aðra flokka. Þau sýndu í verki að
pólitík þarf ekki að vera ömurleg,
eilífur skotgrafarhernaður.
Píratar tóku sér stöðu gegn
spillingunni. Þar liggur rót vandans.
Andstæðan við heiðarleg stjórnmál.
Það er ekki hægt að endurreisa
traust á stjórnmálum nema að tækla
spillinguna. Spillinguna sem birtist
okkur í einkavæðingunni, Panama-
skjölunum, skipanir í opinber
embætti og svo mætti lengi telja. Það
er einmitt eitt af fimm áherslumál-
unum okkar, að endurheimta traust
og tækla spillingu. Ný stjórnarskrá
er lykilatriði í því að færa völdin til
fólksins. Við viljum að þú ráðir, við
viljum hlusta á og tala við þig. Ekki
bara á fjögurra ára fresti, heldur allt
kjörtímabilið.
Þótt það hafi ekki verið stefnan
sem fékk mig í starfið, þá erum við
með mjög góða stefnu. Stefnu sem
kemur frá grasrótinni. Þess vegna er
hún í takt við fólkið en ekki sérhags-
munaöflin. Við viljum líka tryggja
gjaldfrjálsa heilbrigðisþjónstu. Um
það er rík þjóðarsátt. Því má ekki
gleyma að þeir sem hafa farið með
völdin undanfarin ár bera ábyrgð
á ástandinu. Ákall almennings um
endurreisn heilbrigðiskerfisins er
ekki að ástæðulausu. Hið sama má
segja um réttláta dreifingu arðs
af auðlindum sem Píratar leggja
ríka áherslu á. Fólkið í landinu á
auðlindirnar og á að njóta góðs af
þeim.
Þetta er fullreynt. Við verðum
að gera breytingar. Þú getur treyst
Pírötum til þess. Við ætlum að halda
áfram að stunda heiðarleg stjórnmál.
Tala hreint og beint. Tala við fólk.
Leita bestu lausnar. Við látum það
ekki trufla okkur hvaðan hugmyn-
dir koma. Og ég vil að þú getir verið
með í lýðræðinu. Ég vil eiga samtal
við þig. Og ég vona að þú mætir til
að kjósa. XP.
Bætum líðan fólks
og spörum útgjöld
FRAMSÓKN
Við alla stefnumótun og ákvörð-unatöku eru gífurleg verðmæti fólgin í því að geta stuðst við
rannsóknir. Hérlendis hafa vísinda-
menn háskólanna rannsakað um
langt skeið áhættuhegðun barna- og
unglinga, rannsóknir sem hafa fengið
verðskuldaða athygli á alþjóðavett-
vangi. Fyrir þessar kosningar kepp-
ast framboð stjórnmálaflokkanna við
að lofa auknum útgjöldum til heil-
Willum Þór Þórsson, alþingismaður,
skipar 2. sæti á lista Framsóknar í
Suðvesturkjördæmi.
brigðismála og í raun enginn ágrein-
ingur um það. Hér þarf að fara saman
þarfagreining fagfólksins og svo
pólitísk ákvörðunataka um forgangs-
röðun og meðferð skattpeninga. Það
á að vera keppikefli til framtíðar að
draga úr álagi á heilbrigðiskefið og
um leið óhjákvæmilegum útgjalda-
auka.
Forvarnir og lýðheilsa
Við ættum í raun að vera að huga að
því hvernig við getum dregið úr út-
gjaldaaukningu til heilbrigðismála,
það ætti að vera hluti af okkar
stefnumótun samhliða því að sinna
þá betur þeim sem óhjákvæmilega
þurfa á þjónustunni að halda. Þess
vegna þarf að ráðast í markvissar
aðgerðir á sviði lýðheilsu og for-
varna. Rannsóknir segja okkur að
samvera fjölskyldu og skipulagt
íþrótta- og æskulýðsstarf sé besta
forvörnin. Þá hafa athyglisverðar
rannsóknir dr. Janusar Guðlaugs-
sonar staðfest mikilvægi skipu-
lagðarar þjálfunar þegar kemur á
efri ár.
Skipulagt íþrótta- og
æskulýðsstarf „fyrir alla“
Við eigum því láni að fagna hér í
Kraganum að í krafti öflugs sjálfboða-
liðastarfs höfum við byggt upp
gríðarlega öflug félög, ungmenna-
félög, æskulýðsfélög og íþróttafélög.
Hvort heldur snýr að afreksíþróttum
eða skipulögðu barna- og unglinga-
starfi. Sú jákvæða þróun hefur átt
sér stað að iðkendum fer fjölgandi
og þar er fjölbreytnin mikilvæg og
þátttaka foreldra fer vaxandi. Til þess
að halda áfram á þessari braut þarf
að hlúa að sjálfboðaliðastarfinu og
styðja við mannvirkjagerð til þess að
efla skipulagt starf og félagsstarfið
sem ekki er síður mikilvægur þáttur.
Samþykkt var á Alþingi nýverið að
vísa frumvarpi þessa efnis, sem ég
og fleiri þingmenn stjórnarflokkanna
stóðum að, til ríkisstjórnarinnar. Ég
vil endilega fá tækifæri til þess að
beita mér og berjast áfram fyrir þess-
um áherslum.
Lækkum útgjöld
heimilanna
DÖGUN
Hvað ætli venjulegur íbúi í Kópavogi meti mest hjá stjórnmálaflokki? Sennilega
minnkuð útgjöld heimila og þá sér
í lagi lækkun skatta. Það er margt
annað „skattar“ en þeir hefðbundnu
sem við þekkjum. Vaxtakostnaður er
stór hluti af útgjöldum heimilanna.
Fræðimaðurinn Margrit Kennedy
hefur rannsakað og skrifað mikið um
Gunnar Skúli Ármannsson, læknir og
frambjóðandi Dögunar.
vexti. Hún tók sig til og reiknaði út
mismuninn á kostnaði samfélags
með eða án vaxta. Hún komst að því
að vextir eru 40% af rekstrakostnaði
venjulegs heimilis í Þýskalandi árið
2006. Sennilega er þessi kostnaður
meiri á Íslandi vegna verðtryggingar-
innar og hærri vaxta. Hún tók saman
allan vaxtakostnað allra þeirra sem
framleiða vörur eða þjónustu fyrir
heimilin. Hún gat sýnt fram á að
ef það væru engir vextir þá myndu
ráðstöfunartekjur heimilanna hækka
um 40%.
Vextir er sá kostnaður sem við
borgum bönkum fyrir að nota pen-
inga. Hér er augljóslega möguleiki
fyrir heimilin að bæta hag sinn því
gróði bankanna er gríðalegur.
Dögun er stjónmálaflokkur sem
vill afnema verðtrygginguna og setja
þak á vexti. Auk þess viljum við stofna
samfélagsbanka sem er ekki hagn-
aðardrifinn og greiðir ekki bónusa.
Þá eru heimilin að minnsta kosti laus
við þann kostnað strax en hagnaður
íslensku bankanna eftir hrun er um
500 milljarðar.
Sparkasse er samfélagsbanki í
Þýskalandi og er meira en 100 ára
gamall. Hann hefur í viðskiptum
meira en 50 milljón Þjóðverja af
80 milljón. Skoðanakannanir sýna
endurtekið mjög mikla ánægju
viðskiptavina (>90%). Aftur á móti þá
treystir enginn Deutsche bank sem
er tæknilega gjaldþrota. Ef Sparkasse
græðir þá skilar hann öllum hagnað-
inum til samfélagsins aftur. Þannig
þjónar hann nærsamfélaginu. Það
er í raun stórfurðulegt að líta á það
sem náttúrulögmál að bankastarf-
semi megi innheimta allan þennan
gróða til fárra útvaldra.
Við í Dögun teljum gróða bankanna
algjörlega galinn kostnaðarlið í rekstri
heimila á Íslandi og viljum minnka
hann með stofnun Samfélagsbanka.