Víðförli - 01.12.2003, Side 7

DESEMBER 2003
VÍÐFÖRLI
7
Kirkjurnar í borginni
Sextán þúsund gestir heimsóttu kirkjur Reykjavíkur-
prófastsdæmis vestra vikuna 5. til 11. október síðastliðinn.
Þetta kemur fram í könnun á fjölda kirkjugesta sem unnin
var á vegum prófastsdæmisins. Þetta jafngildir því að
fimmti hver íbúi hafi sótt kirkju í prófastsdæminu þessa
viku. Niðurstöður könnunarinnar voru sem hér segir:
Helgihald og athafnir: 5949
Barna-, unglinga- og fjölskyldustarf: 2560
Fullorðinsfræðsla og hópastarf: 2250
Tónlistarstarf: 1832
Ferðamenn: 3415
Samtals: 16006
Alls eru íbúar á svæðinu 67334.
Könnunin var kynnt á fundi í Bústaðakirkju þann 22.
október síðastliðinn. Þar töluðu Rálmi Matthíasson, Björn
Bjarnason, Þórólfur Árnason og Jón Dalbú Hróbjartsson.
í máli sr. Rálma Matthíassonar, sóknarprests í Bústaða-
kirkju, kom fram að prófastsdæmið vildi gera þessa könn-
un vegna þess að borgarkirkjan fer oft svo hljótt. í þeirri
viku sem könnunin var gerð voru engir sérstakir viðburðir
á vegum kirkjunnar í Reykjavíkurprófastsdæmum. Því ættu
niðurstöður hennar að gefa góða vísbendingu um fjölda
kirkjugesta í dæmigerðri viku í vetrarstarfi borgarkirkjunnar.
Ef gengið er út frá niðurstöðum könnunarinnar þá má
leiða að því líkum að á höfuðborgarsvæðinu öllu sæki alls
1 milljón manns kirkjur á ársgrundvelli. Til samanburðar
nefndi Pálmi að sundstaðina alla sækja um 1,8 milljón
manns, rúmlega 90000 manns sækja knattspyrnuleiki í
meistaraflokki og í leikhús landsins koma um 30-40000
manns á haustönn.
Það er því Ijóst að starf borgarkirkjunnar er mjög viða-
eru iðandi af mannlífi
mikið og að það er vel sótt. Og það er rangt sem oft er
haldið fram að allar kirkjur séu tómar. Með þessari könnun
hefur fengist vísir að haldbærum tölum um þessi mál.
Björn Bjarnason, dóms- og kirkjumálaráðherra, sagði að
þessar tölur sýndu að kirkjan stæði traustum fótum í borg-
inni og að Ijóst væri að hún höfðaði til margra. Honum
finnst þetta jafnframt sýna fram á að það er með öllu
ástæðulaust fyrir kirkjuna að vera í vörn.
Þórólfur Árnason, borgarstjóri, sagði að kirkjurnar í
Reykjavíkurprófastsdæmum gegndu veigamiklu hlutverki,
ekki síst með tilliti til starfs með börnum og unglingum,
líknarstarfs og menningarmála. Hann sagði að kirkjan væri
veigamikill hlekkur í þeirri þjónustu sem veitt er reykvískum
fjölskyldum. Þá nefndi hann að fleiri tækifæri gætu leynst
fyrir kirkjuna í þjónustu við ferðamenn.
Jón Dalbú Hróbjartsson, prófastur í Reykjavíkur-
prófastsdæmi vestra, steig síðastur í pontu. Hann sagði að
það væri mikill vöxtur í starfi kirkjunnar. Kirkjan hefur á að
skipa afar hæfu starfsfólki og hún býður upp á fjölbreytt
helgihald sem höfðaði til stórs hóps fólks. Hún býður upp
á fjölbreytt starf fyrir ungt fólk, unga foreldra og fyrir full-
orðna svo að fátt eitt sé nefnt.
Innan kirkjunnar á sér einnig stað fjölbreytt menningar-
starf sem unnið er af mikilli fagmennsku. Kirkjan á einnig
gott samstarf við skóla, íþróttafélög, ÍTR, lögreglu, KFUM
og fleiri félög og stofnanir innan borgarinnar. Allt þetta
skiptir miklu máli og stuðlar að því að sífellt fleiri geta fund-
ið eitthvað við sitt hæfi innan kirkjunnar.
Jón lauk máli sínu með því að ítreka það enn einu sinni
að kirkjurnar eru ekki tómar - þær eru þvert á móti iðandi
af mannlífi.
Árni Svanur Daníelsson