Bæjarins besta - 20.08.2003, Side 7

MIÐVIKUDAGUR 20. ÁGÚST 2003 7Lestu nýjustu fréttir daglega á www.bb.is
Tölvunarfræðingurinn
verðandi Tumi Þór Jóhanns-
son mun á næstunni leggja
lokahönd á smíði forrits sem
hermir eftir væntanlegri
hegðun tækis sem hefur ekki
enn verið smiðað. Þetta gerir
Tumi fyrir rafeindavoga-
framleiðandann Póls hf. á
Ísafirði. Vonar hann að verk-
efnið eigi eftir að gera lukku
og valda því að hann verði
ráðinn til frambúðar.
Tumi er fæddur á Ísafirði
en það má segja að hann
hafi búið til skiptis á Ísafirði
og í Reykjavík alla sína ævi.
„Ég bjó til þriggja ára aldurs
á Ísafirði en flutti þá til
Reykjavíkur. Þegar ég var
níu ára fluttum við aftur
vestur en síðan aftur suður
þegar ég var sautján ára. Síð-
an hef ég samt verið á Ísa-
firði öll sumur, öll jól og
alla páska, fyrst hjá ömmu
minni [Geirþrúði Charles-
dóttur, innskot BB] og síðar
hjá tengdafjölskyldu
minni.“
Gat illa verið
tekjulaus
Tumi Þór hefur undanfar-
in þrjú ár lært tölvunarfræði
í Háskóla Íslands og á von á
því útskrifast með B.S. gráðu
í haust. „Mig vantaði nokkrar
einingar upp á að geta
útskrifast. Ég hefði svo sem
getað skrifað eina góða heim-
spekiritgerð og fengið eining-
arnar þannig, en fannst snið-
ugra að vinna frekar að ein-
hverju verkefni sem hentaði
mínu námi og verða mér þann-
ig úti um starfsreynslu. Svo
hafði ég eiginlega ekki efni á
því að vera tekjulaus í sumar.
Það lá eiginlega beint við
að tala við þá hjá Póls, því ég
vann hjá þeim í fyrrasumar og
vissi að þar væri unnin forrit-
unarvinna. Í fyrstu reyndum
við að fá styrk frá Nýsköpun-
arsjóði námsmanna, en kom-
umst að því að þeir styrkja
ekki verkefni sem gefa eining-
ar. Því fór það svo að Póls þarf
eitt og sér að borga fyrir
verkefnið, sem ég vona og trúi
að eigi eftir að vera góð kaup
fyrir fyrirtækið.“
Undrandi á
áhugaleysi skólans
„Það kom mér svolítið á
óvart, og ég var eiginlega dá-
lítið vonsvikinn yfir áhuga-
leysi Háskólans þegar ég var
að reyna að finna mér verkefni.
Þrátt fyrir að það sé yfirlýst
stefna skólans að færa hann
nær atvinnulífinu virðast
margir kennarar ekki par hrifn-
ir af slíku. Mér sýnist þeir
sumir hverjir ekki vera par
hrifnir af því að fyrirtæki séu
með puttana í náminu. Menn
innan minnar skorar ráðlögðu
mér beinlínis frá því að vinna
þetta verkefni.
Ég gæti ímyndað mér að
þeir óttist að kennslan sé að
færast alltof mikið út úr skól-
anum, sem mér finnst persónu-
lega hið besta mál. Í það minn-
sta mættu fyrirtæki vera höfð
meira með í ráðum þegar kem-
ur að því að skipuleggja nám-
ið. Mig grunar líka að mörg
fyrirtæki séu ekki nógu dugleg
við að nýta sér krafta þeirra
sem eru í námi eða eru að
ljúka námi. Ég held að það sé
allra hagur að sem flest fyrir-
tæki nýti sér þessa starfskrafta
og fari á kaf í ýmiskonar rann-
sóknar- og þróunarvinnu, því
vinnuaflið er ódýrt og áhuga-
samt.“
Hannar stýrireiknirit
Þrátt fyrir að nokkurrar
tregðu hafi gætt hjá Háskól-
anum gat Tumi samt fengið
verkefni sitt metið í námið.
Eins og áður sagði gengur það
út á að hanna og smíða forrit
sem hermir eftir væntanlegri
hegðun græju sem ekki hefur
enn verið búin til.
„Ég veit ekki alveg hversu
mikið ég má segja um tækið,
en þetta er ákveðin tegund
sjálfvirks flokkara með viss-
um eiginleikum. Í rauninni er
mitt starf að hanna stýrireikni-
rit fyrir tækið til að hægt verði
að finna út hvað þarf af vél-
búnaði í það.
Forritunin sem slík er ekkert
voðalega flókin. Það er erfið-
ara að átta sig á raunhæfum
stærðum í vélinni sjálfri, hraða
á færanlegum hlutum og svo
framvegis. Þetta þarf að gera
til að fá fram raunhæfa virkni.“
Enginn skilur forritið
– Það er þá kannski erfitt að
færa raunheima yfir í tölvu-
heima svo að menn skilji hvað
er um að vera. Þarf forritið
ekki að vera notendavænt?
„Það þarf náttúrlega að vera
skiljanlegt, en eins og er getur
ekki nokkur maður notað það
og skilið, nema ég, að sjálf-
sögðu. Það horfir nú allt til
betri vegar þegar ég verð búinn
að skila skýrslu um verkefnið.
Þá ættu fleiri að geta notað
forritið. Það verður samt í mín-
um verkahring að nota það og
fá þær niðurstöður sem menn
þurfa áður en framleiðsla á
tækinu hefst.“
Ómetanleg reynsla
– Og sér fyrir endann á
þessu verkefni?
„Ég er að leggja lokahönd á
þetta um þessar mundir. Að
vísu tefst ég aðeins því vegna
peningagræðgi fór ég að vinna
sem afleysingamaður hjá Póls.
Þar er ég í flestu, prófa prent-
plötur, vinn í samsetningu og
pökkunum og í raun öllu því
sem til fellur og ég ræð við.
Mér finnst mjög fínt að
vinna í þessu og kynnast þann-
ig sem flestum þáttum starf-
seminnar hjá Póls. Forrits-
smíðin er samt mín aðalvinna
í sumar. Ég held að þessi reyn-
sla sé alveg ómetanleg þegar
til langs tíma er litið.“
Sestur að fyrir vestan
– En eftir að þú klárar verk-
efnið, hver er þá stefnan?
„Ég vonast náttúrlega til að
fá vinnu hjá fyrirtækinu í fram-
haldinu svo að ég geti verið
hérna fyrir vestan. Ég, unnusta
mín og sonur fluttum aftur
til Ísafjarðar í haust og ætl-
um að setjast hérna að. Það
stendur og fellur náttúrlega
með því að ég fái vinnu. Í
þeim efnum eru því miður
ekki margir staðir sem koma
til greina en þó eru vissulega
til spennandi tækifæri á
svæðinu.“
Aðspurður segir Tumi að
vissulega gæti hann reynt
að búa sér sjálfur til eitthvert
starf. „Það er samt betra að
vinna með öðrum, sérstak-
lega þegar maður er nýút-
skrifaður og býr yfir lítilli
sem engri reynslu.“
Óvíst með
frekara nám
– En hefurðu hugsað þér
að halda áfram námi?
„Að minnsta kosti ekki
strax. Ég er rétt að byrja að
vinna við það sem ég var að
læra og veit þess vegna
voðalega lítið um það hversu
gaman ég hef af því. Ég
stefni þó á að halda áfram
námi einhvern tímann en er
ekki viss hvenær eða ná-
kvæmlega hvað. Ég býst þó
við að það verði eitthvað
tengt vélaverkfræði.“
Smíðar forrit sem hermir eftir tæki
sem ekki hefur enn verið smíðað
33.PM5 18.4.2017, 11:367