Bæjarins besta - 22.08.2001, Page 9
MIÐVIKUDAGUR 22. ÁGÚST 2001 9
Undirbúningur þegar hafinn fyrir Landsmót UMFÍ á norðanverðum Vestfjörðum sumarið 2004
Spannar allt svæðið frá Þingeyri
til Súðavíkur og Bolungarvíkur
– rætt við Magnús Reyni Guðmundsson, formann undirbúningsnefndar, um fyrstu skrefin á langri leið
Landsmót Ungmennafé-
lags Íslands er fjölmennasta
íþróttamót sem haldið er á
Íslandi. Fjöldi keppenda
hefur verið allt að 2.000 á
seinni árum en þeir sem
koma og fylgjast með eru
að jafnaði á bilinu 12.000
til 20.000. Mótin hafa
stundum verið nefnd hinir
íslensku Ólympíuleikar.
Næsta mót verður haldið
sumarið 2004 á norðan-
verðum Vestfjörðum en það
hefur aldrei áður verið hald-
ið í fjórðungnum. Miðað
við fjölda keppenda og
áhorfenda má telja ljóst að
mótinu fylgi ýmis sóknar-
færi fyrir það hérað þar sem
það er haldið.
Fyrst var Landsmót
UMFÍ haldið árið 1909 en
síðan 1940 hefur það oftast
verið haldið þriðja hvert ár.
Á Landsmótum er keppt í
fjölmörgum greinum hefð-
bundinna íþrótta auk ým-
issa starfsíþrótta.
Margt á eftir
að breytast
Magnús Reyni Guð-
mundsson þarf naumast að
kynna fyrir a.m.k. Ísfirð-
ingum enda hefur hann
komið víða við og meðal
annars var hann bæjarritari
á Ísafirði um tveggja ára-
tuga skeið. Fyrir nokkru var
hann fenginn til að gegna
formennsku í undirbún-
ingsnefnd Landsmótsins
2004.
„Já, ég hef fallist á að
leggja mitt af mörkum við
undirbúning þessa verkefn-
is“, segir Magnús Reynir.
„Nefndin er skipuð tveimur
fulltrúum frá Héraðssam-
bandi Vestfirðinga (HSV)
og tveimur frá Ungmenna-
félagi Bolungarvíkur. Það
eru þessir tveir aðilar sem
fengu mótið til sín og bera
því ábyrgð á mótshaldinu.
Auk þess eiga Súðvíkingar
aðild að nefndinni en þeir
hafa starfað undir merkjum
Héraðssambands Vestfirð-
inga. Í nefndinni er einnig
fulltrúi frá Ungmennafélagi
Íslands og bæjarsjóði Ísa-
fjarðarbæjar. Síðan getur
verið að þarna komi inn
fulltrúar frá Bolungarvík-
urkaupstað og Súðavíkur-
hreppi.
Héraðssamband Vestfirð-
inga spannar svæðið frá
Þingeyri til Súðavíkur og
Bolungarvíkur og þetta
svæði allt ætlum við okkur
að virkja. En þetta er allt
saman á frumstigi og margt á
enn eftir að skýrast. Ég vil
taka það fram að þessar hug-
myndir sem ég segi frá hér
eru frumhugmyndir og enginn
endanlegur sannleikur. Margt
á eflaust eftir að breytast mik-
ið “
Landsmót 2001
Landsmót 2001 var haldið
á Egilsstöðum í sumar og
stóðu Vestfirðingar sig þar
áberandi vel. Magnús Reynir
fór ásamt öðrum nefndar-
mönnum á mótið til að kynna
sér undirbúninginn og fram-
kvæmdina.
„Mótið á Egilsstöðum var
mjög glæsilegt og ljóst var að
þar hefur verið vel staðið að
undirbúningi. Það er ekki
spurning að við getum tekið
mótshaldarana þar til fyrir-
myndar í sambandi við undir-
búning mótsins 2004. Við fór-
um austur til að geta fylgst
með hvernig þetta fer fram og
til að spjalla við þá sem störf-
uðu að undirbúningi. Við
verðum að leita víða í smiðju
til að geta gert þetta eins og til
er ætlast.“
Mikill fjöldi fólks fylgir
slíkum mótum. „Á Landsmót-
inu á Egilsstöðum voru eitt-
hvað um 1.500 keppendur,
sem var nokkru færra en á
mótinu þar á undan þannig að
við getum búist við á bilinu
1.500-2.000 keppendum. Svo
eru auðvitað margir sem
fylgja keppendunum þannig
að það eru mörg þúsund
manns sem koma á svona
mót.“
Sundlaug og
leikvangur
Margt þarf að framkvæma
hér vestra til að geta haldið
landsmót svo vel sé. „Já, það
sem þarf að gera er óhemju-
mikið“, segir Magnús. „Þar
eru fyrst og fremst tveir þættir
sem við þurfum að leysa ef af
þessu mótshaldi á að geta
orðið. Það er annars vegar
gerð 25 metra sundlaugar og
hins vegar bygging leikvangs
með allri þeirri aðstöðu sem
er nauðsynleg fyrir frjálsar
íþróttir.“
Vegna landsmótsins var á
Egilsstöðum byggður mjög
glæsilegur leikvangur sem
nefndur er Vilhjálmsvöllur eft-
ir Austfirðingnum Vilhjálmi
Einarssyni sem fékk silfur-
verðlaun á Ólympíuleikunum
1956. Byggt var við íþrótta-
húsið og nýtt gólfefni lagt.
Miklar framkvæmdir áttu sér
stað við frjálsíþróttavöllinn.
Áhorfendasvæði voru endur-
byggð og byggt var vallarhús
sem hýsir stjórnstöð og tíma-
tökubúnað auk búningsað-
stöðu fyrir keppendur.
Mestar hafa þó fram-
kvæmdirnar verið við hlaupa-
brautirnar. Völlurinn hefur nú
sex tartanlagðar hlaupabrautir
og eru fjórar þeirra upphitaðar.
Þetta er væntanlega svipað því
sem Vestfirðingar vilja gera.
En hvar er hægt að koma fyrir
slíkum mannvirkjum, svo
ekki sé talað um sundlaug?
Horft til Tungudals
„Við höfum, nokkrir í
nefndinni og aðrir aðstand-
endur þessa mótshalds, séð
það fyrir okkur að þetta gæti
rúmast mjög vel og orðið
mjög glæsilegt frammi í
Tungudal. Þar yrði gerður
leikvangur og sundlaugar-
svæði en þetta myndi síðan
styrkja ferðaþjónustu og upp-
byggingu svæðisins sem úti-
vistarsvæðis. Til dæmis yrði
sólbaðsaðstaða og ýmsilegt
fleira í kringum þetta.
En það er annað sem mælir
með Tungudalnum. Þar getum
við sjálfsagt fengið ódýra
orku. Við vitum að það er heitt
vatn í Tungudal, þótt það hafi
ekki ennþá fundist, og Orku-
búið hefur lýst því yfir að
áfram verði haldið að reyna
að finna það. Svo erum við
einnig með orku frá sorp-
brennslustöðinni Funa sem
gæti nýst þarna allt árið. Það
er ljóst að íþróttasvæðið á
Torfnesi er alltof lítið til að
fullnægja þeim kröfum sem
gerðar eru til þessa móts þann-
ig að það verður að byggja
upp framtíðarsvæði og við
höfum þar staðnæmst við
Tungudalinn.“
Er þetta mögulegt?
Talsverðar rökræður hafa
farið fram hér vestra hvort
þetta sé í raun og veru mögu-
legt. Efasemdir hafa verið
uppi um fjárhagslega burði og
aðra getu svæðisins til að
takast á við þetta verkefni.
„Við getum þetta með góð-
um vilja“, segir Magnús
Reynir. „Það er ljóst að ríkis-
sjóður mun taka þátt í upp-
byggingu mannvirkja eins og
hann gerði fyrir síðustu lands-
mót í Borgarnesi og á Egils-
stöðum. Ísafjarðarbær hefur
lýst yfir vilja sínum að koma
að málinu. Ef sveitarfélögin
og aðrir hér heima eru tilbúnir,
þá getum við byggt upp fram-
tíðarsvæði fyrir okkar unga
fólk. Þetta er tækifæri sem
við ættum að grípa, tækifæri
sem býðst ef til vill ekki aftur.
Ísafjarðarbær er eina sveit-
arfélagið sem kemur inn í
þetta verkefni með það fyrir
augum að leggja í þetta fé
ásamt ríkissjóði. Bolungar-
víkurkaupstaður hefur ekki
fallist á að leggja fram peninga
og ekki heldur Súðavíkur-
hreppur. Þetta kemur því til
með að mæða mest á Ísafjarð-
arbæ þannig að það er eðlilegt
að mesta uppbyggingin sem
nauðsynleg er sérstaklega
vegna mótsins fari fram hér.
Það eru að vísu ágæt íþrótta-
svæði hérna í nágrenni við
okkur sem myndu þá standa
undir ýmsum öðrum greinum,
til dæmis knattspyrnu, þar
sem við horfum til Bolungar-
víkur.“
Jákvætt fyrir svæðið
„Þetta er spennandi verk-
efni og það er nauðsynlegt að
gera eitthvað til að bæta ímynd
svæðisins og fá fram jákvæðar
raddir og umræðu heima í
héraði. Nóg er nú að gert í
sambandi við hnignun at-
vinnulífsins án þess að þetta
tækifæri verði látið fram hjá
fara. Þarna er keppt í ótal
keppnisgreinum, til dæmis í
öllum boltagreinum, sundi –
við áttum einmitt mjög gott
sundlið á Egilsstöðum – frjáls-
íþróttum og mörgum öðrum
greinum.
Þá má nefna að oft kemur
landsmótshaldari með nýj-
ar greinar inn á mótið. Það
er hugmynd okkar að kynna
sérstöðu okkar hér vestra
og bjóða upp á keppni í
sjósportgreinum, til dæmis
kajakróðri sem er mjög vin-
sæll um þessar mundir.“
Fulltrúar ríkisins
jákvæðir
„Þetta er geysimikið
verkefni sem þarfnast mik-
ils undirbúnings. Mótið
verður haldið eftir þrjú ár
og strax þarf að byrja und-
irbúninginn, ræða við sveit-
arstjórnir um skipulagsmál
og fjármál og svo auðvitað
að leggjast á eitt til að fá
fjármagn frá ríkinu sem geti
staðið undir þessu að veru-
legu leyti. Við vonum að
hægt verði að ná endum
saman í þessu og viljum
gera þetta vel.
Það er ljóst að þátttaka
ríkisins skiptir sköpum í
þessu verkefni. Fulltrúar
ríkisins hafa verið mjög já-
kvæðir í þeim frumviðræð-
um sem hafa farið fram.
Þótt þær séu ekki miklar,
þá hafa menn átt persónuleg
samtöl við ráðamenn og
þeir hafa verið mjög já-
kvæðir gagnvart þessu
verkefni.“
34.PM5 19.4.2017, 09:409