Heilbrigðisskýrslur - 01.12.1990, Blaðsíða 83

Þátttaka í bólusetningum er góð, eða á bilinu 90-99%, þrátt fyrir að foreldrum
er ekki skylt að færa börn sín til bólusetninga. Nánar er greint frá
ónæmisaðgerðum á hverri heilsugæslustöð í töflu B 5.5 í töfluhluta. Góð þátttaka í
bólusetningum hér á landi byggir án efa á mörgum þáttum, m.a. öflugu
ungbarnaeftirliti, vel upplýstum foreldrum og árvökru heilbrigðisstarfsfólki.
Auk þessara ónæmisaðgerða er ákveðinn áhættuhópur meðal heilbrigðis-
starfsmanna bólusettur gegn Hepatitis B, og á hverju ári er um 15% þeirra sem
eru 15 ára og eldri bólusettir gegn inflúensu.
5.7 Heilsugæsla í skólum
Heilsugæslustöðvar bera ábyrgð á heilsugæslu í skólum á viðkomandi heilsu-
gæslusvæði. Reykjavík hafði þó lengi vel sérstöðu þar sem Heilsuverndarstöð
Reykjavíkur annaðist að miklu leyti heilsuverndarstörf í Reykjavík, þ.m.t.
skólaheilsugæslu, sem annars fór fram á heilsugæslustöðvum annars staðar á
landinu (skv. lögum nr. 44/1955, sbr. lög nr. 28/1957). Uppbygging heilsugæslu-
stöðva hefur verið hægari í Reykjavík en annars staðar á landinu en eftir því
sem fleiri heilsugæslustöðvar hafa risið hefur hluti heilsuverndarstarfsins færst
af Heilsuverndarstöð Reykjavíkur á heilsugæslustöðvar.
Samkvæmt lögum um heilbrigðisþjónustu nr. 97/1990 skal heilsuverndarstarf
1 Reykjavík haldast óbreytt þar til heilsugæslustöðvar hafa verið skipulagðar til
að annast það en þó ekki lengur en til ársloka 1991.
Skólaárið 1989/1990 sá Heilsuverndarstöð Reykjavíkur um heilsugæslu í 21
skóla en skólaárið 1992/1993 voru þeir eingöngu 2.
Skólaheilsugæsla felur í sér læknisskoðanir, fylgst er með vexti, þroska, sjón
°g heyrn nemenda. Framkvæmd eru berklapróf og ónæmisaðgerðir. Margt
annað forvarnarstarf er unnið í skólaheilsugæslu, fræðsla um mataræði,
tannvernd, kynlíf, reykingar, vímuefni o.fl. Einnig er fylgst með félagslegum
nðbúnaði nemenda og veitt ráðgjöf og stuðningur.
I ársskýrslu heilsugæslustöðva til landlæknis er greint frá heilsugæslu í
skólum og eru birtar tölulegar upplýsingar í töflu B 5.4 í töfluhluta. Ekki skiluðu
aflar heilsugæslustöðvar skýrslu um heilsugæslu í skólum enda hafði verið
tekið í notkun nýtt eyðublað og gera verður ráð fyrir ákveðnum aðlögunartíma.
5.8 Tóbaksvarnir
Tóbaksreykingar eru aðalorsakavaldur lungnakrabbameins, en 9 af
hverjum 19 einstaklinum sem þjást af þessari tegund krabbameins deyja á
skömmum tíma. Tíðni lungnakrabbameins hefur aukist hratt á undanförnum
aratugum og er nú svo komið að það er langalgengasta krabbameinið bæði meðal
karla og kvenna. Reykingar eru jafnframt einn helsti áhrifaþátturinn í
myndun hjarta- og æðasjúkdóma, en árið 1990 voru 44% dauðsfalla af völdum
Þessara sjúkdóma. Að framansögðu má ljóst vera að allt kapp verður að leggja á
aö fækka ótímabærum dauðsföllum með því að draga eins mikið úr
tóbaksnotkun og mögulegt er.
I byrjun árs 1985 tóku gildi ný tóbaksvarnarlög hér á landi. Samkvæmt þeim
81