Bæjarins besta - 30.04.1997, Blaðsíða 8

8 MIÐVIKUDAGUR 30. APRÍL 1997
Fyrirhuguð atvinnuvegasýning Atvinnuþróunarfélags Vestfjarða
Búist við að fjórðungur
fyrirtækja taki þátt
Helgina 7.-8. júní n.k. mun
Atvinnuþróunarfélag Vest-
fjarða standa fyrir atvinnuvega-
sýningu í íþróttahúsinu á
Torfnesi. Björn Garðarsson
hefur verið ráðinn verkefnis-
stjóri og verður hlutverk hans
m.a. að skipuleggja sýninguna
og kynna hana fyrir væntan-
legum þátttakendum.
„Við stefnum á að ná saman
sem flestum atvinnufyrir-
tækjum til að kynna hversu
fjölbreytt viðskiptaflóran er á
Vestfjörðum. Markmiðið með
sýningunni er að efla ímynd
Vestfjarða en væntanlega mun
hún vekja athygli á hinu já-
kvæða í atvinnulífi Vestfjarða
og beina sjónum landsmanna
að atorku og metnaði fyrirtækja
hér. Það er full þörf á að snúa
hinni neikvæðu umræðu um
Vestfirði í jákvæða umfjöllun,“
sagði Björn í samtali við blaðið.
Nú þegar hafa milli 30-40
fyrirtæki skráð sig til leiks og
er þar um að ræða fyrirtæki í
ýmsum framleiðslu-, versl-
unar- og þjónustugreinum. Um
400 bréf voru send til fyrirtækja
víðs vegar um Vestfirði til að
kynna þeim atvinnuvegasýn-
inguna og vonast Björn til að
um, fjórðungur þeirra skrái sig
til þátttöku. Hann segir tilgang-
inn með sýningunni vera að
sýna fram á fjölbreytni vest-
firsks atvinnulífs og hvað sé í
boði á svæðinu.
„Þetta verður fyrst og fremst
ímyndasýning og þarna er verið
að búa til, skapa og selja
ákveðna ímynd af Vestfjörð-
um. Þegar ég hóf vinnu við
þetta verkefni, þá kom mér á
óvart hvað fjölbreytnin í vest-
firsku atvinnulífi er gífurleg
mikil. Handverksfólk vinnur að
að mjög fjölbreyttum verkefn-
um og ýmis smáiðnaður á veg-
um einstaklinga er á ýmsum
sviðum auk þess sem stór og
öflug fyrirtæki eru að vinna að
ýmsum nýjungum.“
Björn segir að fyrirvarinn sé
það skammur að sýningin verði
ekki markaðssett mikið erlend-
is, enda sé hún fyrst og fremst
hugsuð fyrir heimamarkað.
Hann vonast þó til að fyrirtæki
sjái grundvöll til að bjóða
vestur viðskiptavinum s.s. full-
trúum sölusamtaka og dreif-
ingaraðila, til að þeir sjái m.a.
í hvernig umhverfi fyrirtæki
starfa hér.
„Við leggjum áherslu á að
þetta sé sýning en ekki götu-
markaður, en við bönnum að
sjálfsögðu ekki fólki að selja
þarna inni og viljum t.d. að
handverki og smáiðnaði verði
gert hátt undir höfði. Til þess
að gera smáum aðilum kleift
að vera með, höfum við komið
fram með þá hugmynd að þeir
geti sent muni sem yrðu settir
upp fyrir þá og hefur verið rætt
um að krakkarnir í vinnuskól-
anum yrðu fengnir til þess, en
þeir myndu þá sjá um viðkom-
andi bása undir eftirliti sýning-
arstjórnar.“
Björn segir að ætlunin sé að
reyna að fá þingmenn og ráð-
herra til að sækja sýninguna og
fjölmiðlum og erlendum sendi-
ráðum verði boðið að senda
fulltrúa. Hann segir að það sé í
raun ekkert fyrirtæki sem eigi
ekki heima á sýningunni því
að mikilvægt sé fyrir öll fyrir-
tæki að gera sig sýnileg til að
þau hverfi ekki í fjöldann. Hann
segir að markmiðið með sýn-
ingunni hljóti að vera að gera
hana sem glæsilegasta þannig
að eftir henni verði tekið og
tilgangi hennar verði þar með
náð.
„Þátttakendur geta fengið
bása í öllum stærðum og einnig
er hægt að fá sýningarpláss án
bása, ef um viðameiri kynningu
er að ræða eins og t.d. vélar. H-
prent og Ísprent veita þeim sem
taka þátt í sýningunni afslátt af
prentun kynningarefnis, s.s. á
nafnspjöldum og dreifibréfum.
Framangreindir aðilar taka
jafnframt að sér að aðstoða við
gerð kynningarefnis og fram-
stillingu á sýningarbásum,
ásamt Tölvuþjónustu Vest-
fjarða á Patreksfirði, Kol og
salt á Ísafirði og Dagrúnu
Magnúsdóttur á Ströndum.
Fyrirtæki geta skráð þátttöku
til 5. maí,“ sagði Björn.
Björn Garðarsson, verkefnisstjóri Atvinnuþróunarfélags Vestfjarða.
Kristján Pálsson, alþingismaður skrifar
Línutvöföldun og kvótaveð
Í leiðara BB 16. þ.m. tekur
leiðarahöfundur til umfjöllunar
afnám línutvöföldunar sem
samþykkt var á Alþingi fyrir
tæpu ári síðan. Í umfjöllun
höfundar gætir nokkurs mis-
skilnings um hvernig afgreið-
slu þessa máls var háttað af
hálfu einstakra þingmanna og
er því haldið fram að ég
undirritaður beri ábyrgð á henni
með stuðningi mínum við
stefnu sjávarútvegsráðherra við
stjórnun fiskveiða.
Í upphafi skal ég fúslega
viðurkenna að ég hef stutt svo-
nefnda aflastýringu frá upphafi
og tel að hún hafi leitt til bættrar
afkomu þjóðarinnar í heild. Ég
hef þó alltaf talið eðlilegt að
við hliðina á þessu kerfi mætti
fóstra aðra stjórnunarhætti sem
hlúðu að ýmsum grundvallar
atvinnu- og útgerðarháttum
sem sannarlega færa okkur
besta hráefnið. Að fóstra
línuútgerð dagróðrabáta með
línutvöföldun og krókabáta
með sérreglum, er því réttlæt-
anlegt þótt notuð sé sóknar-
stýring. Sóknarstýring hefur
aftur á móti reynst ónothæf við
stjórnun veiða togara og neta-
báta, aflastýringakerfið hefur
aftur á móti gjörbreytt meðferð
Ísafirði sem og annars staðar
um landið. Þetta er ekki lands-
byggðavæn breyting.
Ég vona að gamli bærinn
minn, Ísafjörður, þar sem ég
átti heima til 18 ára aldurs,
haldi sínum hlut í þeirri keppni.
Með kærri kveðju og ósk um
gleðilegt sumar.
Kristján Pálsson,
alþingismaður.
aflans um borð í þeim skipum,
aukið með því þjóðarhag og
bætt afkomu fyrirtækjanna.
Þegar tillögur um breytingar
á lögum um stjórn fiskveiða
voru lagðar fram á Alþingi fyrir
tæpu ári síðan, náðu þær aðeins
til breytinga á veiðistjórnun
krókabáta. Þeim tillögum var
síðan vísað til umfjöllunar í
sjávarútvegsnefnd. Þegar sjáv-
arútvegsnefnd skilaði málinu
frá sér var búið að bæta inn
tillögu um afnám línutvöföld-
unarinnar. Þetta kallaði ég ,,að
læða þessu inn”. Þetta er engin
,,afsökun” af minni hálfu, ég
studdi ekki þessa tillögu sjávar-
útvegsnefndar í atkvæða-
greiðslunni í þinginu né annar
þingmaður Sjálfstæðisflokks-
ins, Guðjón Guðmundsson. Það
hefur ekkert með stuðning
minn að gera við aflastýringa-
kerfið, ég var þarna að hugsa
um hagsmuni hinna dreifðu
byggða og atvinnusjónarmiða,
sem fyrirsjáanlega breyttust í
kjölfar þessa og það sagði ég
við afgreiðslu málsins á Al-
þingi.
Mínar aðvaranir að þessu
leyti hafa því miður, fyrir
Vestfirðinga og fleiri, reynst á
rökum reistar. Þetta vona ég að
leiðarahöfundur BB skilji og
túlki mínar skoðanir eftirleiðis
eins og þær eru sannastar.
Veðsetning kvótans
Þar sem ég er farinn að
skrifast á við vini mína fyrir
vestan, þá langar mig til að
drepa á annað mál sem afgreitt
verður úr þinginu fljótlega, en
það eru heimildir til að veðsetja
kvótann. Ég hef eins og ein-
hverjir vita, lagst eindregið
gegn þessari heimild og tel það
fyrirkomulag sem hingað til
hefur viðgengist, fullnægjandi,
og bankastofnanna að meta
trúverðugleika og hæfni sinna
viðskiptavina.
Ég tel einnig að slík veð-
setning torveldi allar breytingar
á núverandi fiskveiðistjórn-
unarkerfi. Þetta segi ég ekki
vegna þess að ég hafi ekki trú á
aflastýringakerfinu, heldur
vegna þess að ekkert kerfi getur
verið svo fullkomið að það
réttlæti það að löggjafinn afsali
sér rétti til breytinga. Þetta mun
leiða til þess að lánadrottnar
sjávarútvegsins munu krefjast
enn frekari samruna sjávarút-
vegsfyrirtækja á valda staði svo
auðveldara verði að flytja
veðskuldir sjávarútvegsins á
aflaheimildirnar. Það mun enn
frekar festa í sessi eignarrétt
útgerðanna og lánadrottna yfir
kvótanum. Að veðsetja óveidd-
an fisk í sjónum er í hrópandi
ósamræmi við það ákvæði í
fiskveiðistjórnunarlögunum
um að fiskistofnarnir séu sam-
eign íslensku þjóðarinnar. Í
mínum huga breytir þá engu
hvaða fiskveiðistjórnunarkerfi
er notað til að stýra sókninni í
fiskistofnana.
Ég þykist vita að ýmsir góðir
menn segi þessa röksemdar-
færslu mína tóma vitleysu, það
sé ekki verið að veðsetja
kvótann. Lagaprófessorinn,
Sigurður Líndal, hefur þó sömu
skoðun og sama segja tveir
nafnkunnir hæstaréttarlög-
menn. Því miður er allt útlit
fyrir að frumvarpið verði sam-
þykkt, sem mun leiða til enn
meiri keppni um fyrirtækin á
Afmæli
85 ára
Hrólfur
E i n a r s -
son, Aðal-
stræti 22,
Bolungar-
vík, fædd-
ur á Fola-
fæti við
Ísafjarðardjúp, verður 85
ára 7. maí nk.
Hann mun taka á móti
ættingjum og vinum í safn-
aðarheimilinu milli kl.
16:00 og 19:00 á afmælis-
daginn.