Bæjarins besta - 17.09.1997, Blaðsíða 16

Bæjarins besta
ÓHÁÐ Á VESTFJÖRÐUMFRÉTTABLAÐ
Stofnað 14. nóvember 1984• Sími 456 4560 •Fax 456 4564 • Netfang: hprent@snerpa.is • Verð kr. 200 m/vsk
Flugatvikið yfir Ísafjarðardjúpi
Nokkrar vikur í niðurstöðu
Nokkrar vikur munu líða til
viðbótar þar til niðurstaða
Rannsóknarnefndar flugslysa,
vegna flugatviksins yfir Ísa-
fjarðardjúpi, þegar Metro
flugvél Flugfélags Íslands
lenti í erfiðleikum, liggur fyrir.
Beðið er lokagagna frá sér-
fræðingum sem eru að störf-
um fyrir nefndina. Skúli Jón
Sigurðarson, formaður Rann-
sóknarnefndar flugslysa, segir
í viðtali við Morgunblaðið,
að samkvæmt gögnum sem
nefndin hafi undir höndum,
sé ljóst að flugvélin hafi tekið
þrjár dýfur í atvikarás sem
hefði tekið um tvær mínútur.
,,Hún var á eðlilegum klif-
urhraða og í eðlilegri flug-
stöðu þegar atvikarásin hófst.
Flughraðinn var vel yfir skil-
greindum ofrishraða flugvél-
arinnar þegar hann varð minn-
stur en nálægt hámarkshraða
þegar hann var mestur. Í mestu
dýfunni varð hæðartap flug-
vélarinnar rúmlega 2.000 fet
og hún fór ekki niður fyrir
3.100 feta hæð yfir sjó,” sagði
Skúli Jón í samtali við Morg-
unblaðið og bætti við að
vangaveltur um orsakir flug-
atviksins væru ótímabærar og
óviðeigandi þar sem allar
staðreyndir málsins lægju
ekki fyrir.
Í síðasta tölublaði BB var
grein eftir Hálfdán Ingólfsson,
flugmann á Ísafirði, þar sem
fjallað er um atvikið. Í grein
sinni leiðir Hálfdán að því
líkur að vélin hafi t.d. fallið
vegna ofriss og hann segist
sannfærður um að helsta
orsökin fyrir atvikinu séu
,,óvenjulegir flugeiginleikar
vélarinnar og reynsluleysi
flugmannanna á þessa flug-
vélategund”. Páll Halldórs-
son, framkvæmdastjóri Flug-
félags Íslands segir í samtali
við Morgunblaðið að upplýs-
ingar Hálfdáns, sem eiga að
vera komnar úr flugrita vélar-
innar, séu kolrangar og því
félli það sem haldið væri fram
í greininni um sjálft sig.
Sigurður Aðalsteinsson,
flugrekstrarstjóri Flugfélags
Íslands, segir mjög margt við
grein Hálfdáns að athuga og
að það sé mjög alvarlegur
hlutur, að jafn mikilsmetinn
flugmaður á Ísafirði og hann
blandi sér í málið með þessum
hætti án þess að hafa réttar
upplýsingar. Sjá nánar grein
eftir Sigurð Aðalsteinsson á
bls.11 í blaðinu í dag.
Akstursstefnum breytt í miðbæ Ísafjarðar
Kynningin hefði mátt vera betri
Á miðnætti á sunnudags-
kvöld tóku í gildi breytingar á
akstursstefnum í miðbæ Ísa-
fjarðar. Akstursstefna um
Hafnarstræti og Aðalstræti var
breytt þannig að nú er ein-
stefna niður Eyrina, frá Mána-
götu að Pollgötu. Þá er bannað
að leggja ökutækjum í Hafn-
arstræti, milli Mánagötu og
Hrannargötu og einstefnu um
Mánagötu hefur verið breytt
þannig að í stað þess að ekið
sé frá Fjarðarstræti inn Mána-
götu, er ekið frá Hafnarstræti
og út Mánagötu.
Vegna breytinga á umferð-
arstefnu í Hafnarstræti og
Aðalstræti var talið nauðsyn-
legt að skipta götunni í þrjár
akgreinar, þ.e. tvær niður Eyr-
ina og eina upp. Breyting
þessi hefur í för með sér að
ekki er heimilt að leggja
ökutækjum í Hafnarstræti,
milli Mánagötu og Hrann-
argötu. Til að gera breyting-
arnar mögulegar og til að gera
umferðina öruggari hafa verið
settar upp þrjár umferðareyjar
auk þess sem merkingar verða
auknar á gatnamótum Skutul-
sfjarðarbrautar, Hafnarstrætis
og Pollgötu. Þegar breytingin
tók gildi á miðnætti á sunnu-
dagskvöld, vantaði mikið á
að merkingar væru til staðar
auk þess sem þriðju umferðar-
eyjuna vantaði.
Að sögn lögreglunnar á Ísa-
firði, gekk umferðin um mið-
bæinn vel á mánudag og voru
aðeins örfá tilfelli þess efnis
að ökumenn ækju samkvæmt
gömlum vana þ.e. gegnt nú-
verandi umferðarskipulagi.
Ökumenn stærri ökutækja
munu hafa átt í vandræðum
með að beygja úr Sólgötu nið-
ur Hafnarstræti vegna umferð-
areyju sem þar hefur verið sett
upp, og mun þeim hafa verið
bent á að aka aðrar leiðir s.s.
um Túngötu. Íbúar við þá götu
munu vera lítt hrifnir af auk-
inni umferð stórra bifreiða um
götuna, enda mikið um ung
börn að leik í næsta nágrenni
við götuna.
,,Allar umferðarmerkingar
í Ísafjarðarbæ er yfir höfuð
lélegar og ég er sammála því
að kynningin á breytingunum
hefði mátt vera betri. Í upphafi
var talað um að senda dreifirit
í hús þar sem breytingarnar
yrðu kynntar en af einhverjum
orsökum varð ekki af því. Slíkt
hefði verið til mikilla bóta þar
sem þessi breyting er í raun
mun stærri, heldur ef ein-
stefnum á Hverfisgötu og
Laugarvegi hefði verið
breytt,” sagði Önundur Jóns-
son, yfirlögregluþjónn á Ísa-
firði í samtali við blaðið.
Ökumaður þessarar bifreiðar átti í vandræðum með að beygja úr Sólgötu og niður í Hafnarstræti á dögunum og þurfti að
aka upp á umferðareyjuna til að komast leiðar sinnar.