Bæjarins besta - 17.09.1997, Blaðsíða 11
MIÐVIKUDAGUR 17. SEPTEMBER 1997 11
Sigurður Aðalsteinsson, flugrekstrarstjóri FÍ skrifar
Athugasemdir við skrif
Hálfdáns Ingólfssonar
Hálfdán Ingólfsson, flug-
maður á Ísafirði hefur skrifað
grein, sem birtist í Bæjarins
besta 10. september s.l. Þar
sem málið varðar starfsemi
Flugfélags Íslands og skrif
Hálfdáns byggja ekki á réttum
upplýsingum, tel ég mig knú-
inn, sem flugrekstrarstjóri F.Í.
til þess að koma veigamiklum
leiðréttingum á framfæri.
Í fyrsta lagi eru mest öll
skrif um atburðinn í Ísafjarð-
ardjúpi eftir aðra en talsmenn
Flugfélags Íslands, eins og
efnistökin bera með sér. Fé-
lagið hefur ítrekað, en árang-
urslítið, reynt að benda á að
ekki megi tengja atburðinn
landfræðilegum eða veður-
farslegum aðstæðum í næsta
nágrenni flugvallarins inni í
Skutulsfirði. Því miður leggst
Hálfdán enn á sömu sveif og
margir aðrir og vekur sjálfur
athygli á misvindi og þrengsl-
um Skutulsfjarðar. Það er
einnig mjög leitt til þess að
vita að Metro-flugvélar hafa
nánast verið dæmdar ónot-
hæfar, þótt ekkert bendi til
þess að aðrar vélategundir
hefðu sloppið betur úr þessari
raun.
Upplýsingar Hálfdáns af
flugritanum eru alrangar og
þykir mér leitt að Hálfdán hafi
myndað sér skoðun, sem ekki
byggir á staðreyndum. Hvorki
var álag á flugvél eða farþega
jafn mikið og hann telur, né
heldur upplýsingarnar um
flughraðann réttar. Flugvélin
náði aldrei að minnka hraðann
svo að hætta væri á ofrisi og
mesti hraði fór aldrei yfir
hámarkshraða.
Metro-flugmenn eins og
aðrir eru þjálfaðir í að bregðast
við ofrisi. Eftir að byrjandi
hefur tileinkað sér rétt við-
brögð tekur ekki nema 500
fet að ná fullhlaðinni Metro-
vél út úr ofrisi. Báðir flug-
mennirnir höfðu hlotið sína
þjálfun í vor og voru þegar
komnir með talsverða reynslu
á Metro-flugvélarnar, þegar
atvikið átti sér stað. Flugstjór-
inn er þar að auki þaulreyndur
í flugi tveggja hreyfla flugvéla
með bækistöð í Vestmanna-
eyjum um árabil. Þar hefur
hann kynnst mest öllu, sem
íslenskt veðurfar hefur upp á
að bjóða. Þegar það er auk
þess haft í huga, að Metro-
flugvélin fór a.m.k. tvisvar
sinnum í gegnum mikla og
óviðráðanlega hækkun og
síðan lækkun er augljóst að
atburðarásin verður ekki rakin
til ofriss og verður að telja
útilokað annað en að sterkir
utanaðkomandi kraftar hafi
verið að verki.
Hálfdán útilokar, að um-
ræddan dag hafi getað verið
skilyrði fyrir stórkostlegu
upp- eða niðurstreymi í Ísa-
fjarðardjúpi. Við sem höfum
flogið allan okkar starfsaldur
vitum flestir að ekki er nokk-
urn tímann á vísan að róa,
þegar móðir náttúra er annars
vegar. Sameiginlega höfum
við komið upp eins konar
gagnabanka, sem enn er ann-
að slagið að bætast í. Rann-
sóknarnefnd flugslysa er að
safna öllum hugsanlegum
gögnum, sem varpað gætu
ljósi á umrætt atvik. Meðal
annars hefur nefndin óskað
eftir skýrslu frá Veðurstofu
Íslands um hugsanleg áhrif
vinda og fjallabylgja yfir Ísa-
fjarðardjúpi laugardaginn 16.
ágúst og er skýrslunnar að
vænta á næstunni.
Álit fagmanna á borð við
Hálfdán, er ætíð vel þegið, ef
það er byggt á réttum upplýs-
ingum og komið á framfæri
við rétta aðila. Ég tel þó ekki
að fjölmiðlar séu heppilegur
vettvangur fyrir slík heilræði.
Akureyri, 11. sept. 1997,
Sigurður Aðalsteinsson,
flugrekstrarstjóri.
Uppskeruhátíð Boltafélags Ísafjarðar
Húsfyllir var á uppskeruhátíð Boltafélags
Ísafjarðar sem haldin var í Félagsheimilinu
í Hnífsdal á laugardag. Á hátíðinni var knatt-
spyrnuvertíðin gerð upp, veittar voru viður-
kenningar fyrir prúðmennsku í leik, fram-
farir og viðleitni auk þess sem knattspyrnu-
menn ársins voru kjörnir í karla- og kvenna-
flokki. Knattspyrnukona ársins var valin
Anna Soffía Sigurlaugsdóttir og Sólberg
Ásgeirsson var kjörinn knattspyrnumaður
ársins 1997.
Eftirtaldir krakkar fengu viðurkenningar
á uppskeruhátíðinni fyrir prúðmennsku á
keppnistímabilinu: Rakel Helena Kristjáns-
dóttir, Drífa Guðmundsdóttir, Áslaug Inga
Barðadóttr, Heiðar Kristinsson Lyngmó,
Einar Birgisson, Einar Birkir Sveinbjörns-
son, Pétur Þ. Gunnarsson og Kristján Gunn-
arsson. Þá fengu eftirtaldir krakkar viður-
kenningar fyrir framfarir og viðleitni: Pálína
Jóhannsdóttir, Brynja Ólafsdóttir, Tinna
Hermannsdóttir, Atli Kristinsson, Karvel
Pálmason, Pétur Gestsson, Einar Ási Guð-
mundsson, Steinþór Jón Gunnarsson og
Ásgeir Gíslason.
Daginn áður en uppskeruhátíðin fór fram
var gengið frá ráðningu á yfirþjálfara
félagsins fyrir næsta keppnistímabil. Sá sem
fyrir valinu var, er Zelzko Sankovic, en
hann mun stjórna þjálfun á öllum knatt-
spyrnuflokkum félagsins. Aðstoðarþjálfari
hans verður Heiðar Birnir Torleifsson.
Anna Soffía og Sólberg
knattspyrnumenn ársins
Anna Soffía Sigurlaugsdóttir var kjörin knattspyrnukona BÍ’88 fyrir árið
1997. Ljósmyndir: Reynir Helgason.
Húsfyllir var á uppskeruhátíð Boltafélags Ísafjarðar sem haldin var í
Félagsheimilinu í Hnífsdal á laugardag.
Uppsagnir grunn-
skólakennara
Grunnskólinn er nú komin á hendur sveitarfélagannna. Sú
ráðstöfun var þáttur í því að auka sjálfsforræði þeirra með
flutningi verkefna frá ríki til sveitarfélaganna. Sú þróun er rétt
hugsuð. Sveitarstjórnir eru það stjórnsýslustig sem standur
kjósendum næst. Jafnframt er nauðsynlegt að sveitarfélög stækki
og þeim fækki verulega. Sveitarfélögum hefur fækkað nokkuð
síðustu árin. Nauðsyn ber til að þeim fækki enn og þau stækki og
styrkist. Greinilegt er að miklar breytingar eru að gerjast með
íslenzku þjóðinni undir lok tuttugustu aldarinnar, þótt ekki séu
þær neitt viðlíka þeim breytinmgum sem urðu fyrir rúmri öld. Þá
flykktist stór hópur þjóðarinnar til Vesturheims, Kanada og
einnig til Bandaríkjanna. En sú þróun sýnist stöðug að fólki
fækki á landsbyggðinni og það flytji til Reykjavíkur og nágrennis.
Ekki er nokkur vafi á því að fólk telur sig sækja fjölbreyttara
mannlíf í fjölmennið. Hvort það stenst að öllu leyti skal látið
liggja milli hluta hér og nú. En um leið óttast þeir sem búa á
landsbyggðinni veikari stöðu sína. Því færri sem
eftir sitja þess lakari tækifæri hugsa margir. Löngu
má vera orðið ljóst að fjöldi þingmanna á
landsbyggðinni hefur engin úrslitaáhrif á þróun
byggðar. Krafturinn sem býr í íbúunum
sjálfum mun ráða mestu um framtíðina
ásamt styrk atvinnulífs. Svo má ekki
gleyma því að til er fólk sem lætur
sig litlu varða um byggð utan
Reykjavíkur. Þeim er hollt að
minnast þess að fækki fólki á
landsbyggðinni mun störfum í
Reykjavík jafnfrmat fækka.
Alvarlegir örðugleikar blasa við
sveitarfélögum í upphafi skólaárs.
Ósamið er kaup og kjör grunn-
skólakennara. Nú hafa kenn-
arar byrjað að segja upp starfi
í hópum. Á Ísafirði hafa 20
kennarar sagt starfi sínu lausu.
Reyndar er það athyglisvert að
til uppsagna virðist fyrst og
fremst gripið utan Reykjavíkur. Sveitarstjórnum er mikill vandi
á höndum. Kennarar munu brátt ganga til atkvæðagreiðslu um
verkfall.
Uppnám grunnskóla á Ísafirði
Við þessar aðstæður byrjar skólaár barna um allt land.
Leikskólakennarar standa einnig í kjarabaráttu og hafa boðað
verkfall næsta mánudag, 22. september. En jafnframt segjast
þeir munu halda uppi kröftugri vekfallsvörslu. Ekki er það
öfundsvert að standa í sporum sveitarstjórnarmanna fremur en
kennara og leikskólakennara. Öllum má vera það ljóst að launamál
hins opinbera og reyndar almennt þarfnast endurskoðunar við.
Verkföll færa engum neitt. Hollt væri að hugsa til þess að heil
kynslóð fólks er að alast upp við það, að verkföll kennara séu
eðlilegur hluti af skólagöngu þess. Þvílíkt og annað eins getur
ekki gengið. Lausnin virðist þó ekki í sjónmáli. Kennarar eru
þreyttir á lágum launum sínum. Flestir geta unnt þeim betri
launa, en þá verða þeir líka að hætta öllum feluleik með vinnutíma
sinn. Hvort sem það hefur við rök að styðjast eða ekki, þá er það
svo að almenningur veit ekki betur en vinnutími þeirra sé
tveimur mánuðum skemmri á ári en annarra launamanna.
Við þessar aðstæður kemur það eins og köld vatnsgusa í andlit
foreldra grunnskólabarna á Ísafirði, að allt sé uppnámi vegna
húsnæðismála grunnskólans. Fyrir all mörgum vikum var að því
spurt á þessum vettvangi í tengslum við útkomu skattskrár hvort
almenningur, kjósendur, vildu að fulltrúar þeirra í bæjarstjórn
settu skattpeningana í frystihús til þess að láta börn ganga þar í
skóla. Af umfjöllun um kaup Ísafjarðarbæjar á frystihúsi Norður-
tanga h.f. fyrir eldri bekki grunnskóla má ráða að kjósendur séu
lítt hrifnir. Nú skal því ekki haldið fram á þessu augnabliki að
hugmyndin sé alvond. En af hálfu bæjarráðs er hún illa unnin,
illa kynnt og gleymst hefur að fjalla um hana með eðlilegum
hætti í bæjarstjórn, sem er margklofin í málinu. Eini meirihlutinn
innan bæjarstjórnar, sem til er í málinu, er á móti því. Borgara-
fundurinn var ótrúlega illa tímasettur. Tveimur dögum áður en
til stóð að afgreiða málið í bæjarstjórn var hann haldinn. Um það
má margt segja. Eitt stendur þó upp úr. Ekki stóð til að skiptast
á skoðunum og fara eftir því sem borgararnir vildu leggja til
máls. Sú niðurstaða verður ráðin af hinum skamma tíma á milli
fundanna. Svona mikilvægar hugmyndir og breytingar á að
vanda miklu betur og kynna, ekki síst innan bæjarstjórnar.
Fækkun sveitarfélaga og sveitarstjórnir
Sveitarfélögum hefur fækkað á rúmum tíu árum úr 223 í 165.
Þau eru nú álíka mörg og árið 1703, fyrir nærri þremur öldum. Ef
sameining verður samþykkt í boðuðum kosningum á Austur- og
Norðurlandi gætu þau orðið 158 í kosningum eftir 8 mánuði.
Nauðsynlegt er að þeim fækki um að minnsta kosti 100 á næstu
árum. Þá verður hugsanlegt að hæfileikafólk hafi meiri áhuga á
að bjóða sig fram til sveitarstjórna og því verði gert kleift að
sinna störfum í umboði kjósenda á annan hátt en sem algeru
frístundastarfi. Kannski mun sú hagræðing bæta skólamál, laun
kennara og margt fleira.
Stakkur