Börn og menning - 01.04.2003, Blaðsíða 18

16
Börn og menning
Helga Rut Guðmundsdóttir
Tónleikur
leiklist
Möguleikhúsið sýnir nú nýjan leikþátt
sem nefnist Tónleikur. Leikþátturinn
fjallar um raunir sellóleikara sem er að
halda tónleika. Áhorfandinn fylgist með
því hvernig sellóleikarinn kemur sér fyrir
og hefur tónleikana. En brátt fara ýmis
utanaðkomandi áreiti að hrella hann.
Það byrjar með saklausri flugu sem truflar
einbeitingu sellóleikarans en svo verða
uppákomurnar æ skrýtnari þannig að
áhorfandinn færá tilfinninguna að þærséu
sprottnar úr ímyndunarafli sellóleikarans
frekar en að vera raunverulegir atburðir.
Verkið er leikið án orða en höfundar þess
nota samspil tónlistar, hljóða og látbragðs.
Allir aldurshópar
Tónleikur er markaðssettur fyrir 10 ára og
eldri, en mun yngri börn geta haft gaman
af sýningunni. Dætur mínar, 10 ára og
4 ára, fengu báðar að sjá sýninguna og
höfðu mjög gaman af. Sú 4 ára gamla skildi
leikritið á annan hátt en eldri systir hennar
en skemmti sér síst minna. Kosturinn við
Tónleik er sá að þar koma fram margar
skoplegar hugmyndir sem vekja mikla kátínu
hjá áhorfendum á öllum aldri. Þá skiptir ekki
máli hvort allir aldurshópar skilji þráðinn á
sama hátt.
Samspil tóna og lábragðs
Sellóleikarinn er leikinn af Stefáni Erni
Arnarsyni sem sjálfur er sellóleikari og
samdi verkið ásamt Pétri Eggerz. Stefán
Örn túlkar gleði og raunir sellóleikarans af
sannfæringu. Hann kemur tilvistarkreppu
hins nákvæma og sjálfsgagnrýna listamanns
vel til skila með sjálfhæðnu skopskyni sínu.
Honum tekst að vekja samúð með persónu
sellóleikarans og fær því áhorfendur til að
hlæja með persónunni en ekki að henni
þegar hlutirnir ganga brösuglega fyrir sig.
Farsakenndar uppákomur eru vel
útfærðar. Talsvert reynir á samspil Stefáns
Arnar og hljóðmannsins í nokkrum atriðum.
Hljóð og tónar sem heyrast í hátölurum
leikhússins eru stundum í beinum tengslum
við látbragð sellóleikarans á sviðinu. í
þessum atriðum verða skilin óljós milli hins
raunverulega og þess sem gerist í hugskoti
sellóleikarans. Samkvæmt 10 ára dóttur
minni var sellóleikarinn að ímynda sér það
sem gerðíst en 4 ára systir hennar fullyrti að
hann hefði verið að galdra.
Gæði barnaefnis
Galdurinn við að setja saman vandað efni
fyrir börn er ekki fólginn í því að setja sig
niður á eitthvert annað plan sem við hin
fullorðnu teljum henta fyrir börn. Galdurinn
heppnast best þegar viðfangsefnið snertir
þætti mannlegs veruleika sem allir þekkja á
sinn hátt hvort sem þeir eru fullorðnir eða
börn. Þetta tekst í Tónleik.
Kosturinn við Tónleik er sá að þar koma
fram margar skoplegar hugmyndir sem
vekja mikla kátínu hjá áhorfendum á
öllum aldri. Þá skiptir ekki máli hvort allir
aldurshópar skilji þráðinn á sama hátt.
Galdurinn við að setja saman vandað
efni fyrir börn er ekki fólginn í því að
setja sig niður á eitthvert annað plan
sem við hin fullorðnu teljum henta fyrir
börn. Galdurinn heppnast best þegar
viðfangsefnið snertir þætti mannlegs
veruleika sem allir þekkja á sinn hátt
hvort sem þeir eru fullorðnir eða börn.
Þetta tekst í Tónleik.