Börn og menning - 01.04.2003, Síða 36

34
Börn og menning
Ingibjörg Margrét Magnúsdóttir
„Akureyri - bærinn minn"
Menningarstarf fyrir börn og unglinga
1. hluti
fréttir atf landsbyggftimii
Margbreytilegt menningarstarf sem ætlað er
fyrir börn og unglinga fer fram á Akureyri.
[ þessari grein er ætlunin að kynna
það menningarstarf sem fram fer
á Amtsbókasafninu á Akureyri og
samstarfsverkefni Amtsbókasafnsins og
Minjasafnsins á Akureyri. [ næsta blaði
kemur svo önnur grein héðan að norðan
þar sem haldið verður áfram að kynna
menningarstarf fyrir börn og unglinga.
Leshringur og sumarlestur er meðal þeirra
nýjunga sem bryddað hefur verið upp á
fyrir börn og unglinga á Amtsbókasafninu á
Akureyri á undanförnum árum.
Sumarlesturinn er lestrarhvetjandi námskeið
með sérstaka áherslu á grenndarkennslu.
Sumarið 2001 var í fyrsta skipti boðið upp
á sumarlestursnámskeiðið hér fyrir norðan
en hugmyndin er fengin frá Bæjar- og
héraðsbókasafni Selfoss. Þetta námskeið
er samstarfsverkefni Amtsbókasafnsins og
Minjasafnsins á Akureyri og stendur í einn
mánuð að sumrinu. Þátttakendum er skipt
í hópa þannig að aldrei eru fleiri en 15 í
hverjum hóp. Með þessu móti fær hver og
einn meira út úr námskeiðinu. Krakkarnir
mæta einu sinni í viku og takast á við hin
ýmsu viðfangsefni. Lesturinn fer að mestu
fram heimafyrir en þegar þau mæta til okkar
reynum við að blanda saman skemmtun og
fræðslu.
[ fyrstu vikunni er haldin kynning í máli og
myndum á gömlum sögufrægum húsum
í innbæ Akureyrar, bæði húsum sem enn
standa og húsum sem ekki eru til lengur. í
þessari heimsókn kynnast krakkarnir svolítið
innbyrðis. Það finnst okkur mikilvægt upp á
framhaldið.
í annarri viku er farið í vettvangsferð/
ratleik. Gengið er frá Amtsbókasafninu
að Minjasafninu en húsin sem rætt er
um í fyrstu vikunni eru öll á þessari leið.
Á leiðinni skoðum við húsin að utan auk
þess sem við fáum að skoða Sigurhæðir,
hús Matthíasar Jochumssonar og leikhúsið
að innanverðu. Á leiðinni þurfa börnin
að leysa ýmsar þrautir til að komast á
leiðarenda. Þegar komið er að Minjasafninu
skoðum við eina af grunnsýningum safnsins
sem ber nafnið „Akureyri - bærinn við
pollinn" sem er sýning á þáttum úr sögu
Akureyrar frá upphafi til nútímans. Margrét
Björgvinsdóttir safnkennari leiðir okkur
í gegnum sýninguna en hún er fulltrúi
Minjasafnsins í samstarfinu.
[ þriðju viku er ráðist í leikfangagerð. Á
undanförnum árum höfum við búið til hin
ýmsu leikföng. Má þar nefna þeytispjöld,
sprellikarla og skip. Þetta er oft mjög
skemmtilegur dagur þar sem sköpunargleði
krakkanna ræður ríkjum.
[ fjórðu og síðustu vikunni er svo ráðist í að
sigla bátunum á pollinum við Minjasafnið.
Einnig er farið er ( útileiki í garðinum við
Minjasafnið með tilheyrandi ærslum og
látum. Við reynum að kenna þeim gamla
og góða útileiki eins og Fuglaleikinn og
Útilegumannaleik. Að endingu er svo farið
inn í Minjasafnskirkjuna þar sem veitt eru
viðurkenningarskjöl, sungið og dregið í
happdrætti.
Myndin er tekin á minjasafninu á Akureyri.
Greinarhöfundur er með krökkunum á
Meðan á námskeiðinu stendurfylla krakkarnir
út lestrarmiða fyrir hverja bók sem lesin er.
Miðarnir eru síðan teknir og límdir á líkan
af húsi sem staðsett er á Amtsbókasafninu.
Markmiðið er að þekja allt húsið með miðum
fyrir lok námskeiðsins.
Námskeiðin hafa fengið góð viðbrögð og
þátttaka verið góð.
Leshringur fyrir unglinga er nýjung sem
hleypt var af stokkunum í vetur. Um 550
nemendum ( 7. og 8. bekkjum bæjarins
var boðið að taka þátt. Á kynningarfund
sem haldin var á Amtsbókasafninu mættu
fjórtán krakkar á aldrinum 12-15 ára. Þetta
voru áhugasamir krakkar sem höfðu löngun
til að lesa krefjandi bækur og ræða um þær
að lestri loknum í góðra vina hópi. Afráðið
var að byrja á að lesa spennusögu eftir
íslenskan höfund, en taka svo ákvörðun
um framhaldið í samráði við þátttakendur.
Hópurinn ætlar að hittast einu sinni í
mánuði. Höfundar verða kynntir, rætt um
innihald bókanna og farið yfir þá gagnrýni
á viðfangsefnunum sem komið hefur
fram opinberlega. Hugmyndin er sú að
umsjónarmaður barna- og unglingadeildar