Börn og menning - 01.09.2012, Page 5

Frá ritstjóra
5
Það var hægt að úða í sig barnabókakrásum
eins og hvern lysti í Norræna húsinu eina
langa helgi í september. Bókahátíðin Mýrin
hefur glatt barnabókaunnendur annað hvert
ár allt frá 2001 og (ár var þema hátíðarinnar
matur. Boðið var upp á margrétta dagskrá
frá laugardegi til mánudags og voru á
borðum bæði stórskotaliðið úr íslenskum
barnabókmenntum og áhugaverðir erlendir
gestir eins og Jutta Bauer, en langt viðtal er
við hana í þessu hefti Barna og menningar.
Bækur og lesendur voru krufin til mergjar
á málstofum höfunda og fræðimanna sem
báru nöfn eins og „Megrun, mannát og
afneitun í íslenskum barnabókum" og „Að
éta eða vera étinn". Ekki síst voru vinnustofur
höfunda matarmiklar; þar gátu börn t.d.
lært að búa til danskt smurbrauð eða
fengið kennslu í mynd- og sögugerð. Margt
annað var um að vera: upplestrar höfunda,
rnyndlistarsýningar og fleira.
Aðstandendur hátíðarinnar eru: IBBY
á Islandi, SÍUNG (Samtök barna- og
unglingabókahöfunda), Rithöfundasamband
íslands, Háskóli íslands, Borgarbókasafn
Reykjavíkur og Norræna húsið. Hátíðin
hefur náð að festa sig í sessi og er það
mikið gleðiefni því að hún hefur algera
sérstöðu í nokkuð fábreyttu landslagi
barnabókmenntahátíða hérlendis. Þó má
sjá þess teikn í norðri að nú sé öflugur
liðsauki kominn til sögunnar þar sem er
Barnabókasetrið á Akureyri. Brynhildur
Þórarinsdóttir fjallar í blaðinu um það
sem hefur áorkast á fyrstu mánuðunum í
starfsemi setursins, en meðal þess er fjölsótt
barnabókmenntahátíð sem haldin var nýlega
á Akureyri.
Blaðið er í þetta sinn mikið bóka- og
lestrarblað. í því má finna mikið af greinum
um nýjar og nýlegar bækur eins og grein
Ernu Erlingsdóttur um hinn gífurlega vinsæla
bókaflokk Hungurleikana og umfjöllun Sölva
Björns Sigurðssonar um barnabækur og
fortíðarþrá. Helga Birgisdóttir skrifar um
lestur og strákabækur og skoðar í því
samhengi Dagbækur Kidda klaufa. Lestur og
staða læsis hefur verið mikið í umræðunni og
fjallar Guðlaug Richter um lestrarhvetjandi
verkefni sem IBBY-samtökin hafa sinnt.
Einnig er birt gagnrýni um glænýja bók
Þórdísar Gísladóttur, Randaiín og Mundi, og
dómur um Dýrin í Hálsaskógi.
Ég óska lesendum alls hins besta á
komandi vetri.
Helga Ferdinandsdóttir