Fréttablaðið - 12.03.2021, Blaðsíða 26

Það
sigr-
ar enginn
heiminn á
einni viku.
Þórdís Lilja
Gunnarsdóttir
thordisg@
frettabladid.is
KÍKTU Í HEIMSÓKN!
OSSUR.IS
ÖSSUR VERSLUN & ÞJÓNUSTA
Grjóthálsi 1-3 | S. 515 1300
Opið virka daga | kl. 8.30-16
6 kynningarblað 12. mars 2021 FÖSTUDAGURHEILSUR ÆKT
Ólöf Steingrímsdóttir er 39 ára
einkaþjálfari. Hún er fljót að sjá
hvað líkaminn þarf þegar hún
sér manneskju ganga, standa eða
sitja en segir veginn að heilbrigð-
ari lífsstíl og varanlegum árangri
snúast um eitt skref í einu.
Ólöf er íturvaxin, með eftirtektar-
verðan fagran vöxt, en hvernig fær
maður líkama eins og hennar?
„Með því að mæta alltaf í
ræktina og gera æfingar að reglu-
bundinni rútínu í hverri viku. Þá
skiptir máli að hafa gaman af því
að æfa. Um leið og líkamsrækt
fer að verða baggi og við röðum
henni inn á ranga tíma í vikunni
verður alltaf erfitt að mæta. Svefn
og rétt næring skipta líka sköpum.
Við þurfum að líta á fæðu sem
eldsneyti fyrir verkefni dagsins og
borða nægilega oft til að viðhalda
orku út daginn, en ekki svo mikið
að við liggjum úrvinda á meltunni.
Svo þarf líka að leyfa sér að njóta
af og til,“ svarar Ólöf sem býr yfir
miklum sjálfsaga og viljastyrk
þegar kemur að líkamsræktinni.
„Öll verkefni lífsins krefjast
sjálfsaga. Að vakna og mæta til
vinnu, hugsa um börnin, elda mat,
fara í búðina, þrífa heima og borga
reikninga, en allt telst það sjálf-
sagður hluti af rútínu og skyldum
sem við þurfum að sinna og beita
sjálfsaga til. Foreldrar okkar og
kennarar kenndu okkur það allt
sem hluta af því að vera ábyrgur
samfélagsþegn, en lýðheilsa er
líka mikilvægur þáttur í því að
vera ábyrgur samfélagsþegn. Við
Öll lífsins verk krefjast sjálfsaga 
Ólöf leggur alúð og aga í líkamsræktina. MYND/ARNALDUR
þurfum að hugsa um eigin heilsu
því öll erum við mikilvæg.“
Enginn sýnir meiri hvatningu
Ólöf útskrifaðist sem einkaþjálfari
í fyrra.
„Ég gæti ekki hugsað mér að
starfa við neitt annað. Hjarta
mitt er í hreyfingu, íþróttum og
lýðheilsu. Ég lít á líkamann eins
og plönturnar mínar. Þegar ég sé
manneskju ganga, standa eða sitja
sé ég strax hvað líkaminn þarf.
Að sjá líkama sem hefur verið
boginn eða bugaður rétta úr sér,
og að sjá lifna yfir manneskju sem
verið hefur verkjuð eða þreytt, eða
manneskju sem hefur burðast með
þyngd en nær að losna við hana og
styrkjast; það er allt fyrir mér.“
Margir eru feimnir við að stíga
skrefið til einkaþjálfara en Ólöf
segir ekkert að óttast, þvert á móti.
„Það er alltaf stórt skref að fara
til þjálfara í fyrsta sinn. Flestir
vita ekki við hverju á að búast, eru
kannski óöruggir með holdafar
sitt, úthald eða kraftleysi, og telja
sig ekki nógu góða til að fara í
þjálfun. Á sama tíma get ég lofað
að einkaþjálfarar eru einstaklingar
sem þrá að hjálpa fólki við að ná
settum markmiðum og einsetja
sér að koma því í mark. Enginn
þjálfari sem ég þekki dæmir nokk-
urn né lítur niður á neinn. Þetta er
hópur fólks sem vill ekkert frekar
en að stuðla að lýðheilsu og fagnar
komu skjólstæðinga sinna heils
hugar.“
Einkaþjálfun gagnist öllum.
„Ekki síst þeim sem kunna ekki
að beita líkamanum í æfingum
eða að raða upp réttum æfingum
fyrir sig og þurfa hvatningu.
Einkaþjálfun er líka mikilvæg fyrir
einstaklinga sem hafa upplifað
verki, lent í slysi eða stríða við
heilsufarsvandamál. Sjálf leita ég
í þjálfun af og til. Ég hef átt í enda-
lausum meiðslum í fimleikum,
lyftingum, bardagaíþróttum og
eftir bílslys, en líkami minn finnur
ekki fyrir neinu af því í dag því ég
sinnti því að byggja hann upp og
vandaði mig. Ég treysti mér því í
f lest meiðsl sem fólk vinnur með
og fer mjög varlega því ég þekki vel
að styrkja líkamshluta sem þurfa
varkárni við styrktarþjálfun.“
Heilsuræktin þarf að gefa gleði
Nú er hárréttur tími til að standa
upp úr sófanum og temja sér heil-
brigðan lífsstíl, segir Ólöf.
„Það er enginn sem kemur fólki
í gang eins fljótt og einkaþjálfari
sem hvetur það til dáða, bíður eftir
því og tekur fagnandi á móti því,
í fullri trú á getu þess. Allt snýst
það um eitt skref í einu enda sigrar
enginn heiminn á einni viku. Það
þarf að aðlagast nýjum lífsstíl og
takast á við heilsuræktina þannig
að hún gefi gleði,“ segir Ólöf.
Árangur erfiðisins láti svo ekki á
sér standa.
„Eftir að hafa mætt samvisku-
samlega í heila viku veistu að
þú getur mætt og gerir það líka í
næstu viku og koll af kolli. Í kjöl-
farið kemur löngun til að borða
hollar og huga betur að líkam-
anum. Þannig kemur árangur í ljós
í hverjum mánuði,“ segir Ólöf sem
tekur daginn alltaf snemma enda
mikið að gera hjá henni við þjálfun
í World Class og á TacticalTrain-
ing. is. þar sem hún gefur skjól-
stæðingum sínum nýjar æfingar
og matarplan í hverri viku, með
gómsætum uppskriftum sem hún
sníður að þörfum hvers og eins.