Rit Mógilsár - 2000, Qupperneq 2

2
1 SAMANTEKT

Hreinn Óskarsson 2000. Hvenær á að bera á? Tímasetning
áburðargjafa. Tilraun frá 1998. Lýsing og niðurstöður
eftir þrjú sumur. Rit Mógilsár Rannsóknastöðvar Skógræktar
nr.1/2000. 28 s.

Árið 1998 var sett á stofn tilraun þar sem prófuð var mismunandi
tímasetning áburðargjafar. Markmið með tilrauninni var þvíþætt:
1) Að kanna hvaða tímasetning áburðargjafar gefur besta lifun og
vöxt?;
a) Áburðargjöf við gróðursetningu (í júní),
b) í miðjum júlí,
c) síðla ágúst eða
d) einu ári eftir gróðursetningu.
2) Er mismunur milli trjátegunda hvað varðar tímasetningu
áburðargjafar?
Tilraunirnar eru gerðar á þremur stöðum, tveim á Suðurlandi,
Markarfljótsaurum og Kollabæ og einum á Norðurlandi,
Végeirsstöðum. Vegna misheppnaðrar tilraunar á síðastnefnda
staðnum og mikilla affalla í staffuru sunnanlands, eru niðurstöður
aðeins birtar fyrir sitkagreni og ilmbjörk á Markarfljótsaurum og í
Kollabæ.
Það var ekki tölfræðilega marktækur munur milli tilraunaliða
hvað varðaði lifun birkis og grenis. Plöntur sem fengu áburð við
gróðursetningu voru hávaxnari og gildari en plöntur sem fengu
áburð á öðrum tíma. Auk þessa voru plöntur í þessum tilraunalið
með lengri árssprota en hinir. Þessi munur var sér í lagi áberandi
hjá birki en minna áberandi hjá greni. Mælingar á birki sýna að
plöntur sem enga áburðargjöf fá vaxa minna en plöntur úr öðrum
tilraunaliðum. Vöxtur var almennt mun meiri hjá birki en hjá greni.
Niðurstaða tilraunarinnar er; áburðargjöf snemmsumars gefur
mestan vöxt. Það gefur meiri vöxt að bera á ári eftir gróðursetningu
í stað þess að bera á miðsumars eða að hausti. Áburðargjöf, hvort
sem borið er að vori eða hausti, gefur betri vöxt en engin
áburðargjöf.
Lykilorð: tímasetning áburðargjafa, nýskógrækt, vöxtur, rótarháls
þvermál, greinabreidd, lifun, ilmbjörk, sitkagreni.