Skessuhorn - 30.06.2021, Qupperneq 26

MiðVikuDAGur 26. MAí 202126
Ensk-íslenska bluegrass sveitin
jæja mun á leið sinni á Þjóðlagahá-
tíð á Siglufirði halda tvenna tón-
leika á Vesturlandi á næstu dög-
um. Þá fyrri í Landnámssetrinu í
Borgarnesi sunnudaginn 4. júlí kl.
16 og hina síðari í Frystiklefanum
í rifi mánudaginn 5. júlí kl 20:30.
jæja samanstendur af fjórum ung-
um mönnum úr ensku bluegrass-
senunni. Þeir eru Bragi Þór Ólafs-
son (gítar), Evan Davies (mandól-
ín), kieran Towers (fiðla) og Sam
Quintana (bassi). Bluegrass er spil-
að á órafmögnuð strengjahljóð-
færi. Tónlistin á rætur að rekja
til breskrar þjóðlagatónlistar sem
barst með fólksflutningum til Am-
eríku á 17. öld.
í kentucky-fylki Bandaríkjanna
árið 1939 stofnaði 28 ára gamall
mandólínleikari og söngvari hljóm-
sveit, Bill Monroe and his Blue
Grass Boys. Þeir spiluðu og sungu
lög um lífið í sveitum og fjalla-
byggðum Suðurríkjanna. Bandið
og tónlistarstíllinn nutu vinsælda
og síðan er tónlistin í daglegu tali
nefnd bluegrass. Þetta er fjörug
tónlist sem gaman er að dilla sér
við.
Á dagskránni eru sungin marg-
rödduð bluegrasslög, bandarísk
fiðlutónlist og frumsaminn bræð-
ingur af bluegrass, jazz og þjóð-
lagatónlist. Og kannski fá gestir að
heyra eitthvað íslenskt!
Þess má geta að þetta er ekki í
fyrsta sinn sem hljómsveitin spilar
á íslandi, en bandið hélt tónleika í
Hörpu vorið 2019 við góðar und-
irtektir. Miðaverð á tónleikana er
2.500 kr og eru miðar seldir við
inngang. Hægt er að sjá meira um
bandið á jaejamusic.com
mm
Þrátt fyrir að samkomutakmörkun-
um hafi formlega verið aflétt hér á
landi á miðnætti síðastliðinn föstu-
dag var tekin ákvörðun um að halda
ekki Lopapeysuna á írskum dögum
á Akranesi. Að öllu óbreyttu hefðu
tónleikarnir farið fram laugardag-
inn 3. júlí nk. ísólfur Haraldsson
hjá Vinum hallarinnar sagði í sam-
tali við Skessuhorn að það hefði
verið of bratt að stofna til samkomu
af þessari stærðargráðu strax í kjöl-
far afléttingar samkomutakmark-
ana. „Þjóðin er búin að vera nánast
í sóttkví í hálft annað ár og nú þarf
fólk í rólegheitunum að byrja að
skemmta sér upp á nýtt. Það væri
óráðlegt að blása til samkomu af
þessari stærðargráðu strax í kjölfar
afléttingarinnar,“ segir ísólfur. „Við
munum hins vegar blása í lúðra að
ári og það verður Lopapeysa haldin
með stæl árið 2022.“ mm
reynir Hauksson flamenco gít-
arleikari frá Hvanneyri heldur af
stað í tónleikaferðalag um land-
ið á morgun, fimmtudaginn 1.
júlí, ásamt hljómsveit. reynir hef-
ur undanfarin ár búið á Granada
á Spáni þar sem hann spilar fla-
menco gítarleik. undanfarin ár
hefur hann komið reglulega til ís-
lands þar sem hann hefur kynnt
íslendinga fyrir flamenco tón-
listinni. Árið 2019 gaf hann út
sína fyrstu plötu sem ber titilinn
El reino de Granada sem þýð-
ir konungsríkið Granada. „Þetta
er tilvitnun í arabíska konungsrík-
ið sem þarna var til ársins 1492,
en þá tóku kaþólikkar yfir,“ út-
skýrir reynir þegar blaðamaður
heyrði í honum. „Við ætluðum að
fylgja þessari plötu eftir með tón-
leikum í apríl á síðasta ári. Það var
allt planað, búið að bóka flug og
tónleikastaði og við byrjaðir að
selja miða. En svo kom kóvid og
það fór eins og það fór. Við þurft-
um að fresta tónleikunum en nú
er loksins komið að þessu,“ segir
reynir.
Gaman að halda
tónleika aftur
Auk reynis er hljómsveitin skipuð
þeim Paco De Andrea, josue Her-
edia Triguero, jacob De Carmen
og jorge Sánchez Pisao. Spurð-
ur hvort flamenco tónlistin sé að
ryðja sér til rúms hér á landi segir
reynir að íslendingar séu núna á
fyrstu skrefunum og að áhuginn sé
til staðar. „Það hefur verið áhugi
og ef það væri meiri ástundun hjá
fleirum gæti þessi tónlist náð sér
á strik hér heima,“ svarar reyn-
ir. Hann segir hópinn afskaplega
spenntan að fá að halda tónleika á
ný eftir langa pásu. „Þetta er ótrú-
lega gaman. Við erum búnir að
bíða mjög lengi,“ segir hann og
bætir við að á Spáni hafi ástand-
ið verið nokkuð erfiðara en hér á
íslandi. „Ég hef sjálfur verið hér á
íslandi næstum því allt síðasta ár.
En strákarnir hafa ekki verið að
vinna í meira en ár og kóvid hef-
ur haft mun meiri áhrif á Spáni
en hér. Það verður ótrúlega gam-
an að halda tónleika aftur,“ segir
reynir.
Auk þess að halda tónleika verð-
ur líka boðið upp á fjögurra daga
námskeið í flamenco dansi í Dans-
verkstæðinu í reykjavík. Hægt er
að skrá sig á það námskeið á Fa-
cebook viðburðinum Flamenco
Dansnámskeið. Miðar á tónleikana
eru nú í sölu á tix.is. Dagskrá tón-
leikaferðalagsins er eftirfarandi:
Tónleikar reynis og félaga hér
á Vesturlandi verða í Frystiklef-
anum í rifi föstudaginn 9. júlí kl.
21:00 og á Hvanneyri Pub laugar-
daginn 10. júlí kl. 21:00
arg/ Ljósm. aðsendar
Dagskrá írskra daga á Akranesi
verður með svipuðu sniði og í fyrra.
Hátíðin hefst með Álmanninum
í dag miðvikudag kl. 18 og setn-
ing írskra daga verður klukkan 14
á morgun, fimmtudag. Dagskráin
er ansi fjölbreytt og að sögn Fríðu
kristínar Magnúsdóttur, verkefn-
isstjóra Akraneskaupstaðar, hef-
ur undirbúningurinn gengið mjög
vel og margir dagskrárliðir og all-
ir ættu að geta fundið eitthvað við
sitt hæfi. Fyrir utan helstu liði eins
og best skreyttu götuna, götugrill-
in, karnivalið á Merkurtúni og tón-
leikana á þyrlupallinum að þá eru
helstu nýjungar Sundlaugarpartý
á jaðarsbökkum fyrir ungmenni
fædd 2008 og eldri og Froðubolti
í Garðalundi fyrir 16 ára og eldri.
Þetta er gert í samvinnu með ung-
mennaráði Akraness og er skemmti-
leg viðbót við hátíðina. Þess ber þó
að geta að Lopapeysan fellur niður
að þessu sinni eins og fram kemur í
annarri frétt í blaðinu.
Sjá má alla dagskrá írskra daga í
opnuauglýsingu í blaðinu.
vaks
Þessir verða í stuði um næstu helgi.
Írskir dagar á Akranesi hefjast í dag
Engin lopapeysa á Írskum dögum í ár
Bluegrass í Landnáms-
setri og Frystiklefanum
Æfing á pallinum í bústaðnum. Dansinn er mikilvægur partur af flamenco tónlist-
inni.
Reynir Hauksson fer um landið með flamenco tónleika
Reynir og hljómsveitin í pottinum í Kjós þar sem þeir tóku út sína sóttkví eftir komuna til landsins.