KSK-blaðið - 01.12.1991, Side 22

KSK ■ BLAÐIÐ gg
Knattspyrnukappinn Sigurður Björgvinsson í kjötborðinu í Samkaup:
Engin knattspyrna á
föstudögum
„Fólk á Suðurnesjum er
kröfuharðara, það vill fá kjötið
meira unnið sem við bjóðum
upp á í kjötborðinu í Samkaup.
Fyrir helgar erum við með
60-70% tilbúna rétti, á pönn-
una eða í ofninn. A höfuð-
borgarsvæðinu er miklu
minna um þetta" segir Sigurð-
ur Björgvinsson, deildarstjóri
í kjötborðinu í Samkaup.
Suöurnesjamenn
opnir
Sigurður hefur starfað í kjöt-
inu hjá Kaupfélaginu frá 1980.
Flann byrjaði þá í stórmarkaði
síns tíma, Sparkaup. Þar var
hann í 3 ár en næsta eina og
hálfa árið á eftir starfaði hann
í Víkurbæ. Leið hans lá aftur til
Kaupfélagsins, í Samkaup, sem
opnaði 1982, en þar hefur
hann starfað síðan.
„Suðurnesjamenn eru mjög
opnir hvað það varðar að prófa
eitthvað nýtt. Fyrir okkur sem
vinnum í þessu daglega er það
mjög gott. Það er skemmtilegt
að fikra sig áfram og bjóða
alltaf upp á einhverjar nýj-
ungar."
-En hvað er svo vinsælasta
kjöttegundin?
„Svínakjötið er vinsælast.
Lambið stendur alltaf fyrir sínu
en þar sem að það er mikið
tekið frosið þá sækir fólk meira
í svínakjötið í kjötborðinu."
-En borðar fólk ennþá jafn
mikið kjöt?
„Já, kjötneysla hefur ekki
minnkað að neinu ráði. Það
hefur hins vegar aukið græn-
metisneyslu með mat og nú
orðið vill fólk hafa það ferskt
en ekki í dósum."
-Nú hefur þú starfað í mat-
vöru í 11 ár. Hvernig finnst þér
þróunin hafa orðið?
Þróunin til baka
„Þróunin hefur á síðustu
mánuðum og árum verið til
baka. Þegar ég var að byrja í
Sparkaup var vörunum stillt
upp á brettunum og í köss-
unum. Nokkrum árum seinna
var farið að huga meira að út-
litinu í búðunum og öllu raðað
í hillur og rekka. Nú hugsar
fólk fyrst og fremst um vöru-
verðið og kröfur um gæði og
sérstakar vörutegundir orðnar
minni. Brettin eru komin að
hluta til aftur inn í búðirnar og
bara rifið ofan af kössum.
Þannig er auðvitað hægt að
bjóða betra vöruverð."
Góður skilningur
Sigurður hefur frá því hann
var polli stundað knattspyrnu
af miklu kappi og leikið í
meistaraflokki síðustu 16 árin,
lengst af með ÍBK en nú síðast
með KR. Sigurður er mikill
keppnismaóur, hefur m.a.
leikið með landsliði íslands og
segist enn eiga nokkur góð ár
eftir. En hvernig er að stunda
keppnisíþrótt með erfiðri
vinnu eins og hann er í? „Þetta
gengi ekki upp nema til kæmi
góður skilningur vinnuveit-
anda. Honum hef ég mætt alla
tíð hjá Kaupfélaginu þannig að
ég hef getað stundað fótbolt-
ann af kappi. En auðvitað
truflar svona krefjandi vinna
alltaf eitthvað. Föstudagarnir
sem oft eru mjög erfiðir hér í
Samkaup og brjálað að gera,
eru ekki miklir knattspyrnu-
dagar hjá mér. Oftast kemst ég
ekki á æfingu á þeim dögum.
Það hafa orðið miklar breyt-
ingar í þessum málum. Stærri
félögin eru farin að gera miklu
meira fyrir leikmenn, með því
að útvega þeim þægilega
vinnu ásamt því að veita ýmis
hlunnindi."
Of mikil samkeppni
Að lokum Sigurður, hver er
þín skoðun á þeirri miklu
samkeppni sem á sér stað á
matvörumarkaðnum á Suð-
urnesjum?
„Hún er of mikil að mínu
mati. Ég er hræddur um að
þetta geti endað illa, svæðinu
ekki til hagsbóta. En við erum
líka alltaf að berjast við
Reykjavíkurferðir. Ef allir
myndu taka sig saman og
versla hér heima stæðu versl-
anir og fyrirtæki betur og
mundu þá jafnframt geta boðið
enn betri verð og þjónustu. Ég
er ansi hræddur um að fólk taki
ekki allt með L réikninginn
þegar það fer út fýrir svæðið.
Það er ekki bara bensín-
kostnaður heldur einnig mikill
tími. Talandi um íþróttir má
ekki gleyma þvf að helstu
stuðningsaðilar íþróttarinnar
eru fyrirtækin. Erfiðleikar í fyr-
irtækjum hér á Suðurnesjum
þýða einfaldlega það að þau
geta ekki stutt eins vel við
bakið á íþrótta- og-félagsl ífi o'g
þau vildp" ságði Sigurður
Björgvinssó'n áð endingú.
„Föstudagarnir eru oft mjög erfiðir hér í Samkaup og þá er
lítið um knattspyrnu hjá mér“ segir Sigurður Björgvinsson.
22