Morgunblaðið - 02.01.2021, Qupperneq 34

34 MORGUNBLAÐIÐ TÍMAMÓT 2.1. 2021
FRÉTTIR AF INNLENDUM VETTVANGI
Blaðamannafundir vegna kór-
ónuveirufaraldursins urðu nán-
ast daglegt brauð þegar mest
lét. Þar voru Alma Möller land-
læknir og Þórólfur Guðnason
sóttvarnalæknir alla jafna í for-
svari ásamt Víði Reynissyni
yfirlögregluþjóni og fengu þau
viðurnefnið þríeykið.
Morgunblaðið/Eggert
Stöðugt
streymi
upplýsinga
Ferðamönnum snarfækkaði á Íslandi vegna kórónuveirufaraldursins. Þar sem áður hafði verið
urmull ferðamanna, hvort sem það var á Skólavörðuholti eða við Gullfoss og Geysi, var oft vart
mann að sjá. Flug dróst að sama skapi saman og suma daga var ekkert flogið hvorki til landsins né
frá því. Þetta hafði gríðarleg áhrif á fyrirtæki í ferðaþjónustu og varð atvinnuleysi mikið í greininni.
Morgunblaðið/Kristinn Magnússon
Ferðamönnum snarfækkaði
Þrír voru í bíl sem fór fram af Óseyrarbryggju í Hafnarfjarðarhöfn 16. janúar. Drengirnir
voru lengi í kafi. Einum þeirra tókst að komast upp úr af sjálfsdáðum og hinir tveir náðust
með hjálp kafara. Þeir voru lengi á sjúkrahúsi en það þykir ganga kraftaverki næst að þeir
skyldu bjargast.
Morgunblaðið/Kristinn Magnússon
Bíll í höfnina
Steinunn Guðný Einarsdóttir stendur á
skafli fyrir utan heimili sitt við Ólafstún á
Flateyri eftir að snjóflóð féllu þar og á
Suðureyri með skömmu millibili 14. jan-
úar. Snjórinn lagðist að bíl hennar og
bíllinn hinum megin við garðinn kast-
aðist brott.
Í öðru flóðinu á Flateyri féll flóðið á
hús. Unglingsstúlku var bjargað úr hús-
inu og reyndist hún heil á húfi.
Snjóflóðin náðu allt niður í höfnina á
Flateyri og urðu bátar fyrir skemmdum.
Mældist flóðið 265 þúsund tonn. Mikil
mildi var að engan skyldi saka í flóð-
unum, en þau minntu óþægilega á snjó-
flóðin mannskæðu á Flateyri 1995 og á
mikilvægi góðra snjóflóðavarna um allt
land.
Í kjölfar flóðanna kviknaði umræða um
að peningar ætlaðir til ofanflóðavarna
hefðu ekki ratað rétta leið. „Skattar og
gjöld í ákveðnum tilgangi eiga að rata til
síns heima,“ sagði Bjarni Benediktsson
fjármálaráðherra. Morgunblaðið/RAX
Snjóflóð féllu
á Flateyri