Morgunblaðið - 02.01.2021, Blaðsíða 38

38 MORGUNBLAÐIÐ TÍMAMÓT 2.1. 2021
FRÉTTAMYNDIR AF ERLENDUM VETTVANGI
Wuhan, janúar. Seint í janúar stöðvuðu kínversk stjórnvöld samgöngur
með opinberum farartækjum út úr Wuhan þar sem talið er að nýja kórónu-
veiran hafi átt upptök sín. Þá hafði kórónuveiran þegar breiðst út til ann-
arra landa víða um heim. Með samgöngutakmörkununum var veigamikilli
miðstöð fyrir iðnað og viðskipti með 11 milljón íbúum í raun lokað. Með
hinni fyrirvaralausu lokun var gengið lengra en í fyrri tilmælum stjórn-
valda um að forðast ferðalög til og frá Wuhan. Hún var tilkynnt rétt fyrir
áramót í Kína þegar margir eru á faraldsfæti. Alþjóðaheilbrigðisstofnunin
og aðrir alþjóðlegir sérfræðingar um heilbrigðismál sögðu viðbrögðin við
hæfi. Kínverskir forustumenn voru hins vegar gagnrýndir bæði heima fyr-
ir og erlendis fyrir að reyna að leyna umfangi faraldursins.
Noel Celis/Agence France-Presse Getty Images
Kínverjar skella í lás í Wuhan
Hannah Mckay/Reuters
Krafa um breytingar
eftir sprengingu
Beirút, ágúst. Minnst 190 manns létu lífið og þúsundir
særðust í tveimur sprengingum við höfnina í Beirút, höfuð-
borg Líbanons, 4. ágúst. Seinni sprengingin varð nokkrum
sekúndum á eftir þeirri fyrri og myndaðist mikill reykur og
brak þeyttist víða. Svo mikil höggbylgja myndaðist að fólk
flaug um koll, bílum hvolfdi og heilu hverfin létu á sjá. Yfir-
völd greindu síðar frá því að sprengingin hefði orðið í þús-
undum tonna af ammóníumnítrati, sem geymt var við höfn-
ina. Margir Líbanar eru þeirrar hyggju að sprengingin sé til
marks um spillingu og vanrækslu leiðtoga landsins. Eftir
sprenginguna komu mótmælendur daglega saman til að
láta í sér heyra. Til átaka kom við öryggissveitir, sem voru
eins og endurómur af mótmælum ársins á undan gegn
stjórnvöldum. Hassan Diaband forsætisráðherra og stjórn
hans sögðu af sé vegna reiðinnar út af sprengingunni.
Andrew Testa/The New York Times
Bretar ganga formlega úr ESB
London, janúar. Á miðnætti í Brussel og klukkan 11 að kvöldi í London 31. janúar gengu Bretar
formlega úr Evrópusambandinu eftir 47 ára aðild og rúmlega þriggja ára óvissu eftir að úrsögn
var samþykkt í þjóðaratkvæði. Mynd af klukku, sem taldi niður, var varpað á heimili forsætisráð-
herra við Downing-stræti 10. Stuðningsmenn útgöngu fögnuðu með fána á lofti á Þingtorgi á
meðan andstæðingar mótmæltu orðnum hlut. Boris Johnson forsætisráðherra, sem var áber-
andi stuðningsmaður útgöngu, kvaðst vongóður um betri tíð í þjóðarávarpi. Leiðtogar í Evrópu
sögðu að útganga Breta myndi krefjast umfangsmikillar aðlögunar innan ESB.
Kuala Lumpur, Malasíu, apríl. Hinn helgi mánuður ramadan hófst seint í apríl, mitt í örygg-
isráðstöfunum vegna kórónuveirunnar þar sem ferðalög voru takmörkuð og nándarreglur
settar. Stjórnvöld bönnuðu sameiginlegar bænastundir í múslimaríkjum eða settu fjöldatak-
mörk þannig að fólk varð að halda upp á ramadan, þegar fasta á yfir daginn og rjúfa föstuna
á kvöldin með vinum og vandamönnum, með því að færa sér netið í nyt. Flestum helgustu
stöðum íslams eins og moskunum í Mekka og Medínu í Sádi-Arabíu og á svæðinu við
Al-Aqsa-moskuna í Jerúsalem var lokað fyrir tilbiðjendum.
Alexandra Radu/The New York Times
Sýndar-ramadan