Morgunblaðið - 16.02.2021, Side 4

Bíll sem rokksöngvarinn Elton John keypti splunkunýj-
an árið 2005 er kominn á uppboð. Hann var skradd-
arasniðinn að þörfum söngvarans og sagður sem nýr,
svo vel hafi verið með hann farið.
Um er að ræða tiltölulega lítt ekinn Maserati
Quattroporte af 2005-árgerðinni. Hann býðst á netupp-
boði hjá uppboðshúsinu The Market. Stendur uppboðið
yfir á netinu í eina viku frá næstkomandi fimmtudegi,
18. febrúar.
Bíllinn er með 4,2 lítra V8-vél og með aukabún-
aðinum var um margfalda lúxus- og þægindamikla bif-
reið að ræða. Þar á meðal var afþreyingarbúnaður ým-
iss konar og hljómtæki s.s. geisladiskaspilari sem hlaða
mátti sex diskum í.
Sómdi bíllinn sér einkar vel í hinu mikla bílasafni El-
tons. Segir talsmaður uppboðshaldaranna að svo vel
hafi verið farið með bílinn að engu líkara sé en hann
hafi verið meðhöndlaður og umgenginn sem sjálfur
væri hann stórstjarna.
Núverandi eigandi þessa merka Maserati Quattro-
porte-stássgrips eignaðist hann árið 2016. Sparlega
hefur hann farið með bílinn, honum aðeins ekið 1.600
kílómetra á fjórum árum. Frá upphafi vega árið 2005
standa 28.493 mílur á hraðamælinum, eða sem svarar
45.590 km.
Búist er við því að bíllinn seljist á 15 til 40 þúsund
pund, jafnvirði 2,6 til 7,1 milljónar króna.
agas@mbl.is
Bíll Eltons Johns undir hamarinn
Uppboðsbíll Eltons Johns,
Maserati Quattroporte.
Ásgeir Ingvarsson
ai@mbl.is
E
ftir því sem rafbílamenn-
ingin á Íslandi þroskast
vakna nýjar spurningar
hjá bíleigendum, svo sem
um hvað má til bragðs taka þegar
rafhlaðan á gömlum rafbíl er orðin
þróttlítil og hvort eitthvað kunni
að koma á óvart þegar kemur að
tryggingum og langtímaviðhaldi
rafmagnsbíla.
Tómas Kristjánsson er formaður
Rafbíla-
sambands Ís-
lands og segir að
viss misskilnings
gæti um endingu
rafhlaðna í raf-
bílum og endur-
nýtingu þeirra.
Nokkur tilvik
hafi komið upp
þar sem raf-
hlaðan í sumum
elstu rafbílum
landsins hafi ekki haldið nægilega
mikilli hleðslu og því óttist sumir
að ef þeir kaupa nýjan rafmagnsbíl
í dag gæti þurft að ráðst í kostn-
aðarsöm rafhlöðuskipti að áratug
liðnum. „En rafhlöðutæknin í tíu
ára gömlum rafmagnsbílum er eins
og steinaldarverkfæri í saman-
burði við tæknina í þeim bílum sem
eru á markaðnum í dag og næsta
víst að rafhlaðan í glænýjum rafbíl
muni duga lengur en sjálfur bíll-
inn.“
Tómas minnir líka á að jafnvel
þó að elstu rafbílar kunni, eftir
mikla notkun, að halda hleðslu sem
nægir ekki fyrir daglegar sam-
gönguþarfir eigandans, þá sé raf-
hlaðan verðmæt og mikill misskiln-
ingur að sá sem eigi gamlan rafbíl
standi frammi fyrir því að neyðast
til að borga hátt förgunargjald fyr-
ir rafhlöðuna. Eru aðrir mögu-
leikar í stöðunni en að greiða end-
urvinnslustöð fyrir að taka við
rafhlöðunni.
„Við sjáum að í Evrópu eru að
spretta upp fyrirtæki sem nánast
sitja fyrir þeim sem þurfa að losa
sig við gamla eða skemmda rafbíla
því rafhlöðurnar er hægt að nýta í
marga hluti. Sumir nota þær t.d. í
sumarbústaðnum, hlaða með sól-
arsellum yfir daginn og hafa nægi-
lega orku fyrir sjálfa sig á kvöldin.
Þá geta rafhlöðurnar líka nýst í
sjálfu rafdreifikerfinu og safnað á
sig orku þegar eftirspurn er minni
til að beina svo út í kerfið þegar
toppar koma í rafmagnsnotkun,“
útskýrir Tómas. „Það er t.d. þekkt
í Bretlandi að þegar landsmenn
koma heim eftir vinnu, kveikja þeir
á tekatlinum og setjast við sjón-
varpið til að horfa á EastEnders
og þurfa raforkuverin að vera í við-
bragðsstöðu vegna þessa. Með því
að nota kerfi gert úr bílarafhlöðum
er næg orka til staðar til að hleypa
út á kerfið við slíkar aðstæður.“
Auðvelt að nálgast varahluti
Ýmsar sögusaganir eru á kreiki,
t.d. um að það geti valdið vandræð-
um að ekkert sjálfstætt bílaverk-
stæði á Íslandi sé fært um að sinna
viðgerðum á rafhlöðum rafbíla og
eigendur því upp á umboðin komn-
ir með þess háttar þjónustu. Þá er
annar kvittur á sveimi þess efnis
að rafbílaframleiðendurnir kæri
sig ekki um að selja sjálfstæðum
verkstæðum varahluti.
Tómas segir að aðeins þurfi að
heimsækja sérhæft verkstæði þeg-
ar átt er við sjálfa rafhlöðuna en að
hvaða bifreiðaverkstæði sem er
geti t.d. skipt um bremsur á raf-
magnsbílum. „Og það er í rauninni
það eina sem þarf að hugsa um:
skipta um dekk reglulega og huga
að bremsunum,“ útskýrir hann.
„Tesla er eini framleiðandinn sem
ég veit um sem var tregur til að
selja varahluti til þriðja aðila en
fyrirtækið var á endanum skikkað
til þess. Allir aðrir framleiðendur
hafa engar takmarkanir á sölu
varahluta, a.m.k. ef um er að ræða
almenna íhluti en ekki sjálfan raf-
hlöðubúnaðinn.“
Þarf nýja rafhlöðu
eftir árekstur?
En hvað með ástand rafbíla eftir
árekstur? Er eitthvað til í því að
skipta verði um rafhlöðu ef bíll
lendir í tiltölulega hörðum
árekstri? „Eini framleiðandinn
sem ég veit til að læsi rafhlöðunni
sjálfkrafa í árekstri er BMW,
a.m.k. fyrir bílinn i3, og gerist það
þá aðeins ef þeir mörgu skynjarar
sem eru í bílnum greina að mikið
tjón hafi átt sér stað. Þarf þá
meira til en að einn loftpúði blási
út.“
Að því sögðu þá gæti verið
ástæða til að skipta út rafhlöðu eft-
ir árekstur rafbíls þó að ekki þætti
nauðsynlegt að skipta um vél í
bensínbíl sem lenti í sambæri-
legum árekstri. Tómas segir raf-
hlöðurnar hannaðar til að þola
harkalega árekstra en að skemmd-
ir geti þó leitt til þess að áfram-
haldandi notkun sé óskynsamleg.
„Framleiðendurnir vilja vitaskuld
ekki að bílar séu áfram í notkun ef
rafhlaðan hefur orðið fyrir miklu
hnjaski enda væri verulega óheppi-
legt ef það t.d. leiddi til þess að
kviknaði í bílnum.“
Hafa sumir bent á að þetta gæti
leitt til hærri iðgjalda en ella fyrir
rafbíla enda muni reglur og viðmið
framleiðenda verða til þess að í
vægari árekstrum finni trygginga-
félögin sig knúin til að ýmist borga
fyrir nýja rafhlöðu eða kaupa hinn
skemmda rafbíl af tryggingataka.
Tómas á þó ekki von á að sú verði
raunin. „Við getum verið viss um
það að allir sérfræðingar trygg-
ingafélaganna eru á kafi í því að
skoða hvert raunverulegt tjón fé-
laganna er vegna tjóna þar sem
rafbílar koma við sögu. Ég hef
enga trú á því að útkoman verði
hærri iðgjöld á rafbíla enda væri
það mjög óvinsælt í ljósi þess að
ekki hefur tíðkast fram til þessa að
hafa misjöfn iðgjöld eftir því hvort
um er að ræða tryggingu fyrir raf-
magns-, bensín- eða díselbíl.“
Rafbílar ættu að eldast vel
Er nokkuð hætta á að
verði dýrara að tryggja
rafbíla, erfiðara verði
að kaupa í þá varahluti
eða að skipta verði um
rafhlöðuna eftir minni-
háttar árekstur?
Rivian er einn af mörgum verulega spenanndi rafmagnsbílum sem væntanlegir eru á markað á komandi miss-
erum. Tómas Kristjánsson segir ósennilegt að rafmagnsbílar verði til sérstakra vandræða þegar þeir eldast.
Tómas
Kristjánsson
4 | MORGUNBLAÐIÐ
Þjóðverjar telja sig framleiða
gæðamestu bíla heims og nægir þá
að nefna merki eins og VW,
Mercedes-Benz, BMW og Porsche.
En köttur komst nýverið í ból
bjarnar.
Undir lok nýliðinnar viku var
nefnilega ítalski stallbakurinn
Maserati Ghibli útnefndur besti
bíll ársins í Þýskalandi af hálfu
bílaritsins Auto Motor und Sport.
Að baki valinu, sem háð var 45.
árið í röð, er atkvæðagreiðsla
meðal rúmlega hundrað þúsund
áskrifenda blaðsins. Í „pottinum“
voru alls 378 bílar í 11 stærð-
arflokkum.
Formlega heitir titill flokksins
sem Ghibli vann „besti innflutti
meðalstóri bíllinn 2021“.
Ghibli er flaggskip Maserati og
hafa á annað hundrað þúsund ein-
taka af bílnum verið seld frá því
hann kom fyrst á götuna 2013.
Hann mun gegna lykilhlutverki er
bílsmiðurinn ítalski hefur rafvæð-
ingu framleiðslubíla sinna.
Í fyrra sendi Maserati frá sér
tvinnútgáfu af Ghibli, fyrsta hy-
brid-bílinn í 106 ára sögu Mase-
rati. Með honum var stigið fyrsta
skrefið til rafvæðingar flotans.
Slagrými vélarinnar er 2,0 lítrar,
hestöflin 330, strokkarnir fjórir og
rafmótorinn 48 volt. Hámarks-
hraði tvinnbílsins er 255 km/klst.
og hröðunin úr kyrrstöðu í hundr-
aðið 5,7 sekúndur.
Þá er nú í fyrsta sinn í boði val-
útgáfa af Ghibli, Trofeo, með V8-
vél. Er slagrými hennar 3,8 lítra
og 580 hestafla og knýr hún bílinn
úr kyrrstöðu í hundraðið á aðeins
4,3 sekúndum. Hámarkshraðinn er
326 km/klst.
agas@mbl.is
Maserati Ghibli valinn
sá besti í Þýsklandi
Ghibli er flaggskip
Maserati.