Morgunblaðið - 17.02.2021, Qupperneq 9

MORGUNBLAÐIÐ MIÐVIKUDAGUR 17. FEBRÚAR 2021 9FRÉTTIR
arionbanki.is Einkabankaþjónusta Arion banka
Einkabankaþjónusta Arion banka veitir efnameiri einstaklingum og lögaðilum víðtæka
fjármálaþjónustu með áherslu á persónuleg tengsl og árangur til langs tíma.
Hafðu samband við sérfræðinga okkar á einkabankathjonusta@arionbanki.is
eða í síma 444 7410.
Náðu lengra
– verum samferða
Í janúar skaust ég í lítið ferðalag frá
bækistöð minni í Mexíkóborg yfir til
Flórída. Þótt vistin sé ágæt hjá
Mexíkóunum mætti úrvalið af
lúxusvíni vera ögn fjölbreyttara svo
að við lendingu í Miami setti ég
stefnuna beint á áhugaverða vínbúð
til að finna mér spennandi kampa-
vín.
Eins og margir lesendur vita er
kollegi minn á viðskiptadeildinni
sérlegur kampavínsspekúlant og að
fengnum hans ráðleggingum varð
fyrir valinu forláta flaska af Charles
Heidsieck – Blanc de Blancs. Þegar
ég kom að afgreiðsluborðinu hélt
ungi maðurinn á kassanum að hér
væri komin mikill smekkmaður á
heimsins fínustu vín – loksins hafði
einhver haft vit á því að velja eina
allra bestu flöskuna í búðinni.
Það var árið 1851 að franski at-
hafnamaðurinn Charles Heidsieck
setti sitt eigið maison á laggirnar,
aðeins 29 ára gamall. Hann var af
víngerðarfólki kominn og skorti
greinilega ekki viðskiptavit og hæfi-
leika sem sölumaður því snemma
hugkvæmdist honum að sækja inn á
Bandaríkjamarkað. Vestanhafs sló
hann rækilega í gegn enda nærri
óplægður akur fyrir kampavíns-
framleiðendur. Mætti segja að
Heidsieck hafi verið nokkurs konar
Elon Musk síns tíma því honum
tókst að láta á sér bera í bandarísku
samfélagi og í hvert skipti sem hann
hann gerði sér ferð yfir hafið voru
stórar veislur haldnar honum til
heiðurs og skrifað um gestinn í
blöðunum. „Champagne Charlie“
var hann kallaður og reyndist mark-
aðurinn einstaklega móttækilegur
fyrir franska lúxusnum.
En svo gerðist það einn daginn að
fréttir af borgarastyrjöld í Banda-
ríkjunum bárust til Frakklands. Sá
Heidsieck sig tilneyddan að fara
með fyrsta skipi vestur um haf til að
innheimta ógreiddar kröfur. Varð
það mikil háskaför sem endaði með
því að hann var handsamaður af
hermönnum sambandsstjórnarinnar
sem fundu á honum viðkvæm skjöl
frá franska konsúlnum í Mobile og
stungu í steininn fyrir njósnir. Upp
úr þessu spruttu harðar deilur á
milli Frakka og Bandaríkjamanna
svo að Heidsieck var á end-
anum sleppt lausum eftir sjö
mánaða fangelsisdvöl. Hann
hélt heim á leið heilsulítill og
auralaus, en tókst að endur-
reisa veldi sitt nokkrum árum
síðar, þökk sé óvæntri gjöf frá
bróður fyrrverandi umboðs-
manns hans í New York sem
þótti óviðunandi að Heidsieck
hefði ekki fengið þá greiðslu
sem honum bar. Fyrir kampa-
vínsflöskur sem löngu var búið
að klára fékk Heidsieck stóra
spildu í Colorado, einmitt
þar sem borgin Denver var
byrjuð að taka á sig
mynd, og gat selt á háu
verði.
Var lífshlaup Heid-
siecks svo ævintýra-
legt að árið 1989 var
gerð um hann alveg
hreint afleit frönsk-
kanadísk sjónvarps-
kvikmynd með 29
ára gamlan Hugh
Grant í aðal-
hlutverki og má
finna hana í heild
sinni á YouTube.
Huggulegheit á
hótelherbergi
Sagan ein og sér
gerir kampavín Charles Heidsiecks
að áhugaverðum drykk en gæðin
eru líka framúrskarandi. Þótti fyrir-
tækið taka stökk í gæðum
fyrir þremur áratugum undir
stjórn nýs víngerðarmeist-
ara, Daniels Thibaults heit-
ins. Blanc de Blancs er ein af
sex tegundum sem húsið
framleiðir og ágætlega lýsandi
fyrir gæðin: hreint Char-
donnay og ferskleikinn áber-
andi með angan af sítrónu og
kóríander og bragð sem býr
yfir tónum úr ýmsum áttum,
s.s. sítrusávexti og ferskju,
með mjúka áferð og gott
jafnvægi.
Kampavínið frá Char-
les Heidsieck var svo
sannarlega ánægjuleg
uppgötvun og held ég
að eftirleiðis muni ég
hafa það fyrir reglu
í utanlandsferðum
að leita uppi vín-
búðir með sérlega
gott úrval og prufa
þar eitthvað alveg
spes. Fór afskap-
lega vel um mig og
eiginmanninn þar
sem við hreiðruð-
um um okkur uppi
á herbergi á hræ-
ódýru flugvallar-
hóteli með skyndi-
bita og kælda
kampavínsflösku. Gott ef herbergið
breyttist ekki í forsetasvítu rétt á
meðan. ai@mbl.is
Eðalkampavín með svakalega sögu
HIÐ LJÚFA LÍF
Charles Heidsieck
þótti litríkur og hríf-
andi og efri lög
bandarísks sam-
félags tóku honum
opnum örmum.