Morgunblaðið - 17.02.2021, Qupperneq 11

MORGUNBLAÐIÐ MIÐVIKUDAGUR 17. FEBRÚAR 2021 11FRÉTTIR
Á dögunum tók María Kristjáns-
dóttir við nýju starfi sem fram-
kvæmdastjóri GH Sigurgeirsson
IP sem er sjálfstætt dótturfélag í
eigu LEX á sviði hugverkaréttar.
Fram undan eru ýmis skemmtileg
verkefni.
Hverjar eru helstu áskoranirnar í
rekstrinum þessi misserin?
Allar áskoranir í rekstri fela
jafnframt í sér tækifæri. Rekstur
GH Sigurgeirssonar IP byggir að
stórum hluta á verkefnum frá er-
lendum viðskiptavinum þar sem
viðskiptasambönd eru byggð upp
og viðhaldið á ráðstefnum og fund-
um sem haldnir eru erlendis. Slíkar
samkomur hafa eðlilega ekki farið
fram undanfarið ár. Þetta ástand
felur í sér að beita verður öðrum
leiðum og aðferðum við samskipti
við viðskiptavini sem verið er að
þróa. Takist þetta vel ætti það að
leiða til lægri viðskiptakostnaðar til
framtíðar.
Önnur áskorun sem jafnframt
hefur í för með sér mikil tækifæri
eru áhrif hinnar svokölluðu fjórðu
iðnbyltingar á nýsköpun, tækni-
þróun og verðmætasköpun á næstu
árum. Það er ljóst að hugverkarétt-
indi munu leika stórt hlutverk í iðn-
byltingunni og afar mikilvægt að
eigendur slíkra réttinda hugi vel að
vernd þeirra.
Hver var síðasta ráðstefnan
sem þú sóttir?
Síðasta ráðstefnan sem ég fylgd-
ist með var janúarráðstefna Festu,
miðstöðvar um samfélagsábyrgð.
Yfirskrift ráðstefnunnar var „Nýtt
upphaf“. Ráðstefnan var mjög
áhugaverð og vel útfærð, en sam-
félagsleg ábyrgð fyrirtækja er mér
sérstakt áhugaefni allt frá því ég
starfaði sem starfsnemi á skrifstofu
Global Compact í New York árið
2006. Global Compact er sá hluti af
Sameinuðu þjóðunum sem hefur
með samfélagslega ábyrgð að gera.
Mér finnst sérstaklega áhugavert
að fylgjast með tengslum á milli
eigenda stærstu vörumerkjanna og
aukinni kröfu á þátttöku þeirra í
samfélagslegum málefnum, en slík-
ar kröfur hafa aukist verulega á
undanförnum árum.
Hvernig heldurðu
þekkingu þinni við?
Ég sæki ráðstefnur og fyrir-
lestra þar sem farið er yfir helstu
nýjungar og þróun í faginu, les fag-
tímarit og fylgist vel með efni sem
kemur frá löggjafanum og stjórn-
völdum á þeim sviðum lögfræðinn-
ar sem helst varða starfið. Þá er ég
í góðum tengslum við lögmenn víða
um heim sem starfa á sviði hug-
verkaréttarins og við erum dugleg
að skiptast á upplýsingum um þró-
un mála í faginu á hverjum stað.
Hugsarðu vel um líkamann?
Ég er algerlega háð líkamsrækt
og mæti í ræktina 5-6 sinnum í
viku. Ég fer alltaf í hádeginu og
finnst það ómissandi partur af deg-
inum þar sem hreyfingin heldur
mér í jafnvægi og ég kem full orku
til baka inn í daginn. Lokun líkams-
ræktarstöðva árið 2020 hafði
nokkrar áskoranir í för með sér en
hamlaði mér ekki á nokkurn hátt í
hreyfingunni. Ég fór að hlaupa úti í
fyrsta sinn og nýr heimur opnaðist
fyrir mér þegar ég uppgötvaði ut-
anvegahlaup. Þá fannst mér ég
hafa unnið í happdrætti að ná að
verða mér úti um nokkrar ketil-
bjöllur og útbjó aðstöðu til lyftinga
í bílskúrnum. Það jafnast samt ekk-
ert á við góðan hóptíma í Hreyf-
ingu.
Hvað myndirðu læra ef þú fengir
að bæta við þig nýrri gráðu?
Ég er viss um að það væri mjög
gagnlegt að fara í MBA-nám, ann-
aðhvort hérlendis eða erlendis.
Þeir sem hafa farið í slíkt nám láta
mjög vel af því. Ég er einnig nokk-
urs konar sagnfræðinörd og hef
mikinn áhuga á ákveðnum tímabil-
um mannkynssögunnar. Ég gæti
alveg hugsað mér að skrá mig í
sagnfræði einhvern tíma á lífsleið-
inni.
Hvaða kosti og galla sérðu
við rekstrarumhverfið?
Eins og í öðrum rekstri þá geng-
ur starfsemi GH Sigurgeirssonar
út á það að þjónusta viðskiptavini
félagsins á sem hagkvæmastan
hátt. Við kaup LEX á félaginu fyrir
nokkrum árum er hægt að nýta á
mjög hagkvæman hátt bæði ýmsa
stoðþjónustu fyrir félagið og lög-
mannsþjónustu fyrir viðskiptavini,
sem dregur úr föstum kostnaði og
skapar félaginu sveigjanleika til
þess að þjónusta viðskiptavini á
sem hagkvæmastan hátt.
SVIPMYND María Kristjánsdóttir, framkvæmdastjóri GH Sigurgeirsson IP og lögmaður á LEX
Hugverkaréttur mun leika stórt hlutverk
Morgunblaðið/Kristinn Magnússon
NÁM: Verzlunarskóli Íslands 2002; Háskólinn í Reykjavík, ML í
lögfræði 2007; Fordham University, School of Law, LL.M. í Int-
ernational Business and Trade Law 2008.
STÖRF: Flugfreyja hjá Icelandair 2005-2007; starfsnemi hjá
United Nations Global Compact 2006; lögmaður á LEX frá 2008;
framkvæmdastjóri GH Sigurgeirssonar IP frá 2021.
ÁHUGAMÁL: Frá því ég man eftir mér hef ég haft mikinn áhuga á
ferðalögum og þá sérstaklega til útlanda. Undanfarin ár hef ég
hins vegar gert mikið af því að ferðast um Ísland og fór hringinn
með fjölskyldunni bæði sumrin 2019 og 2020. Stangveiði er í
miklu uppáhaldi hjá mér og ein besta hugleiðsla sem ég hef
prófað. Þá hef ég mjög gaman af því að ganga á fjöll, fara á skíði
og nýjasta áhugamálið eru gönguskíði. Búandi með þremur karl-
mönnum sem halda með Liverpool kemst ég síðan varla hjá
öðru en að hafa áhuga á fótbolta.
FJÖLSKYLDUHAGIR: Gift Jóhannesi Bjarna Guðmundssyni
flugstjóra. Við eigum tvo syni, Guðmund Alex (9) og Kristján
Bjarna (4). Auk þess á ég tvö stjúpbörn, Söru Margréti (24) og
Kristján Helga (17).
HIN HLIÐIN
Hagnaður leigufélagsins Heimsta-
den dróst lítillega saman milli ára.
Samtals nam hann rétt ríflega einum
milljarði króna á árinu 2020 sam-
anborið við hátt 1,4 milljarð króna
árið áður. Skýrist minni hagnaður af
samdrætti í tekjum og minni hagn-
aðar af sölu eigna. Þannig minnkuðu
hreinar leigutekjur Heimstaden um
nær 350 milljónir króna milli ára og
námu samtals tæplega 2,1 milljarði
króna. Að sama skapi nam hagnaður
af sölu eigna 412 milljónum króna
árið 2019 en var einungis um 74
milljónir króna á nýafstöðnu ári.
Morgunblaðið/Kristinn
Gauti Reynisson er framkvæmda-
stjóri Heimstaden á Íslandi.
Hagnaður
minnkaði
Snjallari lausnir í
greiðslumiðlun á
Íslandi
Fjártæknilausnir Rapyd bjóða þér
upp á snjallari greiðslumiðlun.
Við bjóðum upp á fjölmargar
greiðsluleiðir og virðisaukandi
þjónustur sem henta þínum
rekstri. Við setjum þjónustu
við söluaðila í fyrsta sæti.
Vertu í sambandi
558 8000 | hallo@rapyd.net | rapyd.net/is
Einfaldari
Snjallari
Betri
Leyfðu okkur að
þjónusta þig.
Vatnagörðum 14 104 Reykjavík
litrof@litrof.is 563 6000
Sterkari
saman
í sátt við
umhverfið
Allt um
sjávarútveg
María uppgötvaði utanvegahlaup í far-
aldrinum og nýr heimur opnaðist henni.