Morgunblaðið - 13.03.2021, Blaðsíða 27

UMRÆÐAN 27
MORGUNBLAÐIÐ LAUGARDAGUR 13. MARS 2021
NÝTT
HLAUP FRÁ
NEW NORDIC
Vegan fjölvítamínhlaup
Inniheldur 9 mikilvæg vítamín
sem eru nauðsynleg fyrir úthald,
orku og öflugt ónæmiskerfi.
Útsölustaðir:
Apótek og heilsuhillur
stórmarkaða.
Þ
að var þungu fargi létt af
Guðmundi Kjartanssyni er
hann stóð upp frá borðinu
á fimmtudagskvöldið eftir
seinni kappskák sína gegn Hjörvari
Steini Grétarssyni í 4-manna úrslit-
um Íslandsbikarsins. Með sigri jafn-
aði hann metin og hélt sér „inni“ í
keppni sem snýst um að velja full-
trúa Íslands í heimsbikarmót FIDE
í haust, en meira var um vert að
þarna komst hann yfir 2.500 elo-
stiga markið og þar með var síðustu
hindruninni rutt úr vegi. Guð-
mundur er nýjasti stórmeistari Ís-
lendinga og er vel að því kominn því
að enginn íslenskur skákmaður hef-
ur verið jafn duglegur að tefla und-
anfarin ár. Hann hefur áður komist
nálægt þessu marki og var t.d. bú-
inn að ná stigatölunni 2.499,4 elo-
stig og þurfti þá jafntefli í skák við
Peter Svidler, einn fremsta stór-
meistara heims. Það gekk ekki og
stundum fjarlægðist hann markið
en hélt þó sínu striki, varð Íslands-
meistari í þriðja sinn í sumar, lét
Covid-faraldurinn ekki stöðva sig
og hefur teflt grimmt hér innan-
lands undanfarið.
Í átta manna útsláttarkeppni Ís-
landsbikarsins vann Guðmundur
Kjartansson báðar skákir sínar
gegn Margeiri Péturssyni. Það
gerðu einnig Hjörvar Steinn Grét-
arsson og Hannes Hlífar Stefánsson
sem unnu Vigni Vatnar Stefánsson
og Braga Þorfinnsson. Helgi Áss
Grétarsson vann svo Jóhann Hjart-
arson 2½:1½ eftir tvær skákir með
styttri umhugsunartíma. Jóhann
hafði komist yfir í byrjun, Helgi Áss
jafnaði og vann svo þriðju skák
þeirra sem tefld var með styttri um-
hugsunartíma.
Eitt umtalaðasta atvik keppn-
innar átti sér svo stað í fyrstu um-
ferð 4-manna úrslitanna á mið-
vikudagskvöldið. Helgi Áss
Grétarsson og Hannes Hlífar sátu
að tafli og sá síðarnefndi hafði
grandalaus leikið 16. … g5-g4. Þá
kom þessi staða upp:
Íslandsbikarinn 2021:
(SJÁ STÖÐUMYND 1)
Helgi Áss – Hannes Hlífar
Hér lék Helgi Áss 17. Rd2 en gat
knúið fram mát í tveimur leikjum
með 17. Dxe6+ fxe6 18. Bg6 mát.
Hannes vann síðan skákina í 37
leikjum. Það er engin ástæða til að
draga of víðtækar ályktanir af þessu
augnabliki skákarinnar en mér sýn-
ist í fljótu bragði að hér sé komið
furðu algengt fyrirbrigði gagn-
kvæmrar skákblindu. Hefði það
flögrað að Hannesi hversu vitlaus
16. leikurinn hans var í raun og veru
er aldrei að vita nema sú vitneskja
hefði „flust yfir“ til andstæðingsins
eftir yfirskilvitlegum leiðum.
Það var dálítill hávaði á sam-
félagsmiðlum út af þessu atviki og
meðal þeirra sem „tístu“ um málið
var enski stórmeistarinn Nigel
Short.
Helgi Áss lét það ekki slá sig út af
laginu, byggði upp vinningsstöðu í
næstu skák, missti hana að vísu nið-
ur í tímahraki en náði vopnum sín-
um aftur og vann. Í gær áttu þessir
fjórir því eftir að tefla a.m.k. tvær
skákir með styttri umhugs-
unartíma.
Helgi Áss var ekki sá eini sem
setti kíkinn fyrir blinda augað í við-
ureign við Hannes. Það gerði líka
Bragi Þorfinnsson í seinni skákinni
við Hannes í 1. umferð Íslandsbik-
arsins:
Íslandsbikarinn 2021:
Bragi Þorfinnsson – Hannes
Hlífar
Hannes átti vinningsstöðu en
uggði ekki að sér þegar hann lék a-
peðinu fram í 28 leik. Hvítur verður
að hafa hraðann á og 31. Rh5! blasir
við – og vinnur strax. Eftir 31. …
gxh5 kemur 32. Dg3+ Kh8 33.
Hb8+. En Bragi valdi að leika 31.
Df6 og tapaði eftir 37 leiki.
Slagkrafts er þörf.
Guðmundur
Kjartansson náði
takmarkinu
Skák
Helgi Ólafsson
helol@simnet.is
Morgunblaðið/Ómar Óskarsson
Stórmeistari Guðmundur Kjartansson við taflið.
Nýlegar jarðhrær-
ingar á Reykjanesi
hafa verið okkur Ís-
lendingum áminning
um nálægð nátt-
úruaflanna. Við búum
á eyju elds og ísa sem
okkur hefur verið fal-
in til varðveislu.
Ábyrgð okkar felst í
því að varðveita landið
og náttúruna, en á
sama tíma verðum við að nýta þær
auðlindir sem okkur hefur verið
treyst fyrir á skynsamlegan hátt.
Græn markmið á öllum sviðum
Ábyrg auðlindanýting felst ekki í
því að láta verðmæti liggja óhreyfð
og ónýtt. Hún felst miklu heldur í því
að nýta auðlindir með sjálfbærum
hætti og nýta arðinn og rentuna til
að byggja í haginn fyrir komandi
kynslóðir. Það er á ábyrgð okkar
sem nú mótum stefnuna að skila Ís-
landi í betra ástandi til komandi kyn-
slóða. Í því felst bæði sjálfbær nýt-
ing náttúruauðlinda,
verðmætasköpun og uppbygging
innviða. Þessi markmið fara vel sam-
an.
Látum verkin tala
Undirritaður hefur notið þeirrar
gæfu að fá tækifæri til að láta verkin
tala, þá bæði sem þingmaður Norð-
austurkjördæmis og forystumaður
bænda. Öflugur stuðningur við skóg-
rækt og landgræðslu í takti við verð-
mætasköpun og innviðauppbygg-
ingu skilar bæði núlifandi og
komandi kynslóðum hámarkslífs-
gæðum. Það eru forréttindi að vera í
stöðu til að láta verkin tala.
Græn forysta
Sauðfjárrækt var fyrsta atvinnu-
greinin á Íslandi til setja sér stefnu
um fulla kolefnisjöfnun. Verkið var
unnið af bestu fagmönnum sem tóku
út kolefnisfótspor greinarinnar og í
kjölfarið fylgdi raunhæf og metn-
aðarfull tímasett áætlun. Það var
meðal annars byggt á reynslu af
verkefnum eins og „Bændur græða
landið“ og gæðastýringu í sauð-
fjárrækt en yfir 90% bænda hafa
unnið landbótastarf undir merkjum
þeirra.
Kerfið þarf að virka
Því miður hefur gengið
hægar að hrinda kolefn-
isjöfnunarverkefninu í
framkvæmd en að var
stefnt. Sama má segja
um hugmyndir um stór-
fellda beitarskógaræktun
sem undirritaður keyrði
af stað í samvinnu við
skógræktarfólk fyrir fá-
einum árum. Eina skýr-
ingu fyrir þessu er meðal
annars að finna í því að boðleiðir og
verkaskipting í stjórnsýslunni er ekki
með þeim hætti sem best væri á kosið
til að ná hámarksárangri í kolefn-
isjöfnun.
Samvinna er lykillinn
Eftirfylgni undirritaðs á Alþingi,
meðal annars með því að vera fyrsti
flutningsmaður þingsályktun-
artillögu þingmanna úr ýmsum flokk-
um um þjóðarátak í landgræðslu og
skógrækt, hefur hjálpað til við að
halda þessum málaflokki á dagskrá.
Sú tillaga miðaðist við að leitað yrði
víðtækrar samvinnu, stjórnvalda, al-
mennings, atvinnulífs og bænda,
stærstu landeigenda á Íslandi.
Nýtt ráðuneyti umhverfis og
landbúnaðar
Það er mikilvægt fyrir komandi
kynslóðir að kolefnisjöfnun verði for-
gangsverkefni á Íslandi. Öflugt þjóð-
arátak í landgræðslu og skógrækt í
samvinnu við bændur getur einnig
leitt til nýrra atvinnutækifæra um allt
land. Áður en lengra er farið þá þarf
að stokka upp í stjórnsýslunni. Eftir
næstu kosningar þarf að setja upp
nýtt ráðuneyti umhverfismála og
landbúnaðar. Það er kominn tími til
að láta verkin tala og gera Ísland
grænna.
Eftir Þórarin Inga
Pétursson
» Áður en lengra er
farið þarf að stokka
upp í stjórnsýslunni.
Eftir næstu kosningar
þarf að setja upp nýtt
ráðuneyti umhverf-
ismála og landbúnaðar.
Þórarinn Ingi Pétursson
Höfundur er þingmaður Framsóknar
í Norðausturkjördæmi.
Grænna Ísland
Sigurður Ágústsson var fædd-
ur 13. mars 1907 í Birtingaholti
í Hrunamannahr., Árn. For-
eldrar hans voru hjónin Ágúst
Helgason, f. 1862, d. 1948,
alþm. og b. þar, og Móeiður
Skúladóttir, f. 1869, d. 1949.
Sigurður var bóndi í Birt-
ingaholti 1934-1964. Hann var
skólastjóri barnaskólans á
Flúðum 1950-51 og 1955-64,
kennari í Reykholti í Bisk-
upstungum, í barna- og ungl-
ingaskólanum á Stokkseyri og
við Gagnfræðaskólann á Sel-
fossi. Sigurður var skólastjóri
Tónlistarskóla Árnessýslu
1974-78.
Sigurður var hreppstjóri
Hrunamannahrepps 1947-58,
var formaður Búnaðarfélags
Hrunamanna 1939-63, formað-
ur Nautgriparæktarfélags
Hrunamanna 1935-50 og for-
maður Ræktunarfélags Hruna-
manna 1946-56. Hann var for-
maður sóknarnefndar Hrepp-
hólasóknar 1943-51, organisti
Hrepphólakirkju frá 1925 og
síðar einnig við Hrunakirkju.
Eftir hann liggja fjölmargar
tónsmíðar. Sigurður fékk lista-
mannalaun 1980 og fálkaorð-
una. Hann var heiðursborgari
Hrunamannahrepps.
Kona Sigurðar var Sigríður
Sigurfinnsdóttir, f. 1906, d.
1983, og eignuðust þau sjö
börn.
Sigurður lést 12.5. 1991.
Merkir Íslendingar
Sigurður
Ágústsson