Morgunblaðið - 13.03.2021, Page 31

UMRÆÐAN 31
Messur á morgun
MORGUNBLAÐIÐ LAUGARDAGUR 13. MARS 2021
AKUREYRARKIRKJA | Guðsþjónusta í Akureyrarkirkju kl.
11. Prestur er sr. Jóhanna Gísladóttir. Emilía Dögg Guðmunds-
dóttir leikur á orgel. Aðalheiður Jóna K. Liljudóttir leikur á bás-
únu. Félagar úr Kór Akureyrarkirkju syngja. Organisti er Sigrún
Magna Þórsteinsdóttir.
Sunnudagaskóli í Safnaðarheimilinu kl. 11. Biblíusaga, söng-
ur og leikur verður á sínum stað. Benedikt búálfur kemur í
heimsókn. Umsjón Sonja Kro og Sigríður Hulda Arnardóttir.
ÁRBÆJARKIRKJA | Guðsþjónusta kl. 11. Sr. Þór Hauksson
prédikar og þjónar fyrir altari. Félagar úr kór Árbæjarkirkju
syngja undir stjórn Krisztinu Kalló Szklenár. Sunnudagaskól-
inn er á sama tíma í safnaðarheimilinu í umsjá Andreu Önnu
Arnardóttur og Thelmu Rósar Arnardóttur. Við minnum á grímu-
skylduna fyrir fullorðna og höfum eins metra regluna í heiðri.
ÁSKIRKJA | Guðsþjónusta og barnastarf kl. 9.30. Athugið
breyttan messutíma. Þorgils Hlynur Þorbergsson cand. theol.
prédikar. Séra Sigurður Jónsson þjónar fyrir altari. Gunnbjörg
Óladóttir guðfræðingur annast samverustund sunnudagaskól-
ans. Jón Þorsteinsson, söngvari og söngkennari frá Ólafsfirði,
syngur einsöng. Kór Áskirkju syngur, orgelleikari er Bjartur Logi
Guðnason. Morgunverður í Ási, safnaðarheimili kirkjunnar, fyr-
ir guðsþjónustuna, kl. 9.
ÁSTJARNARKIRKJA | Fjölskylduvæn guðsþjónusta kl. 17.
Davíð Sigurgeirsson leiðir söng og annast tónlistina. Prestur
er sr. Arnór Bjarki Blomsterberg. Grímuskylda og eins metra
regla.
BESSASTAÐASÓKN | Plokkmessa í Bessastaðasókn. Mæt-
ing kl. 11 við Fógetatorg og gengin fjaran í átt að Bessastaða-
kirkju og rusl tínt. Í lokin verður öllum viðstöddum boðið upp á
heitt kakó undir kirkjuvegg.
Sunnudagaskólinn slæst í för með okkur í þessu góða verk-
efni.
BREIÐHOLTSKIRKJA | Messa kl. 11. Sr. Magnús Björn
Björnsson þjónar. Kór Breiðholtskirkju syngur organisti er Örn
Magnússon. Sunnudagaskóli á sama tíma. Alþjóðlegi söfn-
uðurinn: Guðsþjónusta kl. 14. Sr. Toshiki Toma þjónar.
BÚSTAÐAKIRKJA | Barnamessa og sunnudagaskóli sunnu-
dag kl. 11.
Sóley Adda og Jónas Þórir leiða stundina ásamt prestum.
Guðsþjónusta á sunnudaginn kl. 13. Kór Bústaðakirkju syngur
og kantor Jónas Þórir er við hljóðfærið. Messuþjónar aðstoða.
Sr. Pálmi Matthíasson messar.
Munum handþvott og grímur.
DÓMKIRKJAN | Messa kl. 11. Prestur séra Sveinn Valgeirs-
son, Dómkórinn og Kári Þormar dómorganisti.
FELLA- og Hólakirkja | Guðsþjónusta kl. 11. Sr. Guðmundur
Karl Ágústsson þjónar og predikar. Kór kirkjunnar syngur undir
stjórn Arnhildar Valgarðsdóttur organista. Nemandi úr tón-
skóla Sigurvins leikur á píanó. Kristín Ingólfsdóttir meðhjálp-
ari. Kaffisopi eftir stundina.
FRÍKIRKJAN Reykjavík | Fjölskylduguðsþjónusta sunnu-
daginn 14. mars kl. 14. Séra Hjörtur Magni Jóhannsson safn-
aðarprestur leiðir stundina. Barnakór Fríkirkjunnar syngur und-
ir stjórn Álfheiðar Björgvinsdóttur. Hljómsveitin Mantra og
Sönghópurinn við Tjörnina leiða tónlistina ásamt Gunnari
Gunnarssyni. Fermingarbörn og fjölskyldur þeirra eru hvött til
að mæta.
GRAFARVOGSKIRKJA | Sunnudaginn 14. mars kl. 11 verð-
ur guðsþjónusta í Grafarvogskirkju. Sr. Arna Ýrr Sigurðardóttir
prédikar og þjónar fyrir altari. Kór Grafarvogskirkju leiðir söng.
Organisti er Hákon Leifsson. Sunnudagaskóli er á sama tíma
á neðri hæð kirkjunnar. Umsjón hafa Ásta Jóhanna Harðar-
dóttir og Hólmfríður Frostadóttir. Undirleikari er Stefán Birki-
sson.
GRENSÁSKIRKJA | Messa kl. 11. Um tónlistina sjá nem-
endur úr Suzukitónlistarskólanum í Reykjavík ásamt Ástu Har-
aldsdóttur og Kirkjukór Grensáskirkju. Sr. María Guðrúnar.
Ágústsdóttir þjónar ásamt messuhópi. Þriðjudagur: Kyrrðar-
stund kl. 12. Fimmtudagur: Núvitundarstund kl. 18.15-18.45,
einnig á netinu.
GUÐRÍÐARKIRKJA í Grafarholti | Guðsþjónusta og barna-
starf sunnudaginn 14. mars kl. 11. Sr. Pétur Ragnhildarson
predikar og þjónar fyrir altari. Organisti er Hrönn Helgadóttir og
kór Guðríðarkirkju syngur. Barnastarf í safnaðarheimilinu í
umsjá Ástu Guðrúnar og Félaga. Við hvetjum fermingarbörn og
foreldra að koma í kirkju. Kirkjuvörður Lovísa Guðmundsdóttir.
HAFNARFJARÐARKIRKJA | Messa og sunnudagaskóli kl.
11. Sr. Jónína Ólafsdóttir, nýr sóknarprestur, þjónar fyrir altari
og prédikar. Guðmundur Sigurðsson organisti og félagar úr
Barbörukórnum sjá um tónlistina. Sunnudagaskólinn verður í
safnaðarheimilinu kl. 11 þar sem Bylgja Dís stýrir fjölbreyttri
dagskrá. Við gætum að sóttvarnareglum.
HALLGRÍMSKIRKJA | Guðsþjónusta og barnastarf kl. 11.
Sr. Sigurður Árni Þórðarson prédikar og þjónar fyrir altari.
Messuþjónar aðstoða. Organisti Steinar Logi Helgason. Fé-
lagar í Mótettukór Hallgrímskirkju syngja. Kristný Rós Gúst-
afsdóttir og Ragnheiður Bjarnadóttir stýra barnastarfinu.
HÁTEIGSKIRKJA | Guðsþjónusta kl. 11. Félagar úr Kordíu
kór Háteigskirkju leiða söng. Organisti er Guðný Einarsdóttir.
Prestur er Eiríkur Jóhannsson.
Miðvikudagur kl. 20 Passíusálmarnir að fornu og nýju í tónlist-
arflutningi Kordíu, kórs Háteigskirkju og Guðnýjar Einarsdóttur
organista. Sr. Eiríkur Jóhannsson og sr. Helga Soffía Konráðs-
dóttir lesa ritningarlestra á undan hverjum sálmi.
HJALLAKIRKJA Kópavogi | Sunnudaginn 14. mars kl. 17 er
guðsþjónusta í Hjallakirkju í umsjón sr. Gunnars Sigurjóns-
sonar. Matti Sax leiðir tónlistina.
ÍSLENSKA Kristskirkjan | Kl. 13 samkoma með lofgjörð,
bænum og vitnisburðum í samstarfi við Samband íslenskra
kristniboðsfélaga SÍK, en þar með lýkur formlega hinni árlegu
Kristniboðsviku Kristniboðssambandsins. Helga Vilborg
Sigurjónsdóttir leiðir stundina. Samkomunni verður streymt
beint á netinu. Minnum á samkomutakmarkanir stjórnvalda
sem í gildi eru.
KEFLAVÍKURKIRKJA | Sunnudagurinn 14. mars kl. 20.
Kvöldmessa í Keflavíkurkirkju. Rafn Hlíðkvist Björgvinsson
leikur og syngur. Sr. Erla Guðmundsdóttir þjónar.
Kirkjusel - Spönginni | Sunnudaginn 14. mars verður guðs-
þjónusta í Kirkjuselinu kl. 13. Sr. Arna Ýrr Sigurðardóttir pré-
dikar og þjónar fyrir altari. Vox Populi leiðir söng. Undirleikari er
Hilmar Örn Agnarsson.
KÓPAVOGSKIRKJA | Guðsþjónusta kl. 11. Dr. Sigurjón Árni
Eyjólfsson héraðsprestur prédikar og þjónar fyrir altari. Fé-
lagar úr Kór Kópavogskirkju syngja undir stjórn Lenku Má-
téová. Sunnudagaskólinn verður á sama tíma í safnaðarheim-
ilinu Borgum.
LANGHOLTSKIRKJA | Messa kl. 11. Guðbjörg Jóhannes-
dóttir sóknarprestur þjónar. Góðir Grannar leiða sönginn undir
stjórn Egils Gunnarssonar og undirleik Magnúsar Ragnars-
sonar. Pétur og Marta taka vel á móti börnunum í sunnudaga-
skólanum.
LAUGARNESKIRKJA | Guðsþjónusta kl. 11. Kór Laugarnes-
kirkju og Elísabet Þórðardóttir organisti. Sr. Sigurður Jónsson
þjónar.
Mánudagurinn 15. mars: Kyrrðarkvöld kl. 20. Kirkjan opnar kl.
19.30.
Miðvikudagurinn 17. mars: Foreldrasamvera í safnaðarheim-
ilinu kl. 10 til 12. Helgistund með sr. Davíð Þór og Elísabetu
organista í Félagsmiðstöðinni Dalbraut 18 - 20 kl. 14.
Fimmtudagur 18. mars: Opið hús í Áskirkju kl. 12. Helgi-
stund, hádegisverður og samvera. Helgistund með sr. Hjalta
Jóni í Hásalnum, Hátúni 10, kl. 16. Virðum sóttvarnareglur.
LINDAKIRKJA í Kópavogi | Sunnudagaskóli kl. 11. Guðs-
þjónusta kl. 20. Kór Lindakirkju leiðir lofgjörð undir stjórn
Óskars Einarssonar. Sr. Dís Gylfadóttir þjónar.
NESKIRKJA | Guðsþjónusta og barnastarf kl. 11. Félagar úr
Kór Neskirkju leiða safnaðarsöng. Organisti Steingrímur Þór-
hallsson. Prestur sr. Skúli S. Ólafsson. Sunnudagaskólinn
hefst kl. 11. Hrafnhildur Guðmundsdóttir leiðir stundina og
Ari Agnarsson leikur undir. Kaffi og samfélag á Torginu að
stundunum loknum.
ÓHÁÐI SÖFNUÐURINN | Galdramessa verður sunnudag-
inn 14. mars kl. 14 . Séra Pétur Þorsteinsson þjónar fyrir alt-
ari og Kristján Hrannar kórstjóri sér um tónlistina. Vegna sótt-
varnareglna þarf að skrá við kirkjudyr nöfn og kt. allra sem
fæddir eru 2006 og fyrr. Bjargarkaffi verður ekki eins og venja
er en þeir sem vilja styrkja sjóðinn geta lagt inn frjáls framlög.
0137-15-371033, kt.680800-2350.
SELJAKIRKJA | Sunnudagaskóli kl. 11. Biblíusaga, söngur
og gleði, ávaxtahressing í lokin. Guðsþjónusta kl. 13 með
þátttöku eldriborgararáðs Reykjavíkurprófastsdæma. Sr.
Bryndís Malla Elídóttir prédikar og þjónar fyrir altari ásamt
Þóreyju Dögg Jónsdóttur djákna og framkvæmdastjóra eldri-
borgarráðs. Kór Seljakirkju syngur undir stjórn Tómasar
Guðna Eggertssonar. Messukaffi í lokin.
SELTJARNARNESKIRKJA | Fræðslumorgunn kl. 10. Úr
hugarheimi sr. Matthíasar. Dr. Gunnar Kristjánsson talar.
Sunnudagaskóli og guðsþjónusta kl. 11. Sr. Bjarni Þór
Bjarnason þjónar. Friðrik Vignir Stefnánsson er organisti.
Leiðtogar sjá um sunnudagaskólann. Nemendur úr Tónlistar-
skóla Seltjarnarness leika á þverflautur. Félagar úr Kammer-
kórnum syngja. Kaffiveitingar í safnaðarheimil eftir athöfn.
VÍDALÍNSKIRKJA | Guðsþjónusta kl. 11. Sr. Henning Emil
Magnússon predikar og þjónar fyrir altari. Félagar í kór Vídal-
ínskirkju syngja og organisti er Jóhann Baldvinsson. Sunnu-
dagaskóli á sama tíma í safnaðarheimili Vídalínskirkju undir
stjórn Matthildar Bjarnadóttur æskulýðsfulltrúa. Sunnudaga-
skóli í Urriðaholtsskóla kl. 10.
VÍÐISTAÐAKIRKJA í Hafnarfirði | Guðsþjónusta kl. 11.
Kirkjuferð Frímúrarastúkunnar Hamars. Bjarni Atlason syng-
ur, Ólafur W. Finnson leikur á orgel og Bragi J. Ingibergsson
sóknarprestur þjónar fyrir altari.
Þær hittust fyrir tilviljun í Hörpu
stöllurnar Jóna, Björg og Fjóla, allar
á leið á tónleika hjá Sinfóníunni. Eru
komnar í ellilaunaáskrift hjá Trygg-
ingastofnun sögðu þær og hlógu. Nú
var það aðeins ánægjan sem dró þær
að tónlistinni. Jóna hafði verið í
strengjasveit sinfó, leikið á víólu,
Björg lék á hörpu og hafði alltaf
hjálpað strákunum sínum með skrif-
stofustörfin í vélsmiðj-
unni, meðfram hörpu-
hlutverkinu, sem hefur
jafnan verið stopult.
Fjóla er „freelance“
söngkona og hafði í
nokkur skipti fengið
hlutverk á vínartónleik-
unum hjá hljómsveit-
inni. Nægur tími var
fyrir kaffisopa og spjall
áður en tónleikarnir
byrjuðu.
Allar höfðu þær sér-
staka ástæðu fyrir að
vera mættar á þessa
tónleika og hver með
sitt áhugamál á efnis-
skránni. Jóna hefur miklar mætur á
verkum Franz Schuberts, Björg vildi
heyra aftur og sjá Xavier de Maistre
hörpuleikara, sem hún hafði áður séð
á Listahátíð 2013, og Fjóla hefur
fylgst með Þuríði Jónsdóttur frá því
að hún var í Skólakór Kársness og
síðar í Dómkórnum.
Þegar spjallið barst að daglega líf-
inu og brauðstritinu kom í ljós að þótt
þær sætu við sama borð í Hörpu var
það sama ekki upp á teningnum hjá
Tryggingastofnun. Þar sat Jóna í
sömu súpunni og flestir kollegar
hennar í sinfó lenda í þar eð þau
greiða iðgjöld í lífeyrissjóð. Þessar
100 þúsund krónur sem hún fær frá
lífeyrissjóðnum á mánuði lækka elli-
launin um 45 þúsund krónur. Björg
sagði enga lækkun hjá sér, hún hefði
nú mest verið heimavinnandi fyrir ut-
an það sem hún hjálpaði strákunum.
Þeir legðu núna alltaf inn hjá henni
vasapening og segðu að það væru eft-
irlaunin hennar því hún hefði engan
lífeyrissjóð. Þetta væru eitthvað um
100 þúsund krónur á mánuði, svo
taka þeir skatt af því. Fjóla, sem er 68
ára, fær líka um 100 þúsund krónur á
mánuði í atvinnuleysisbætur núna út
af Covid, en oftast þegar hún hefur
vinnu er það einhver svipuð tala. Hún
vissi ýmislegt um þessi ellilaunamál
og sagði þeim að ef þú hefðir vinnu,
eftirlaun eða atvinnuleysisbætur
fengirðu frítekjumark vegna atvinnu-
tekna upp á 100 þúsund krónur á mán-
uði hjá TR. Hún vissi líka að af ein-
hverjum ástæðum fengju þeir sem fá
eftirlaun frá lífeyrissjóðum ekki þetta
frítekjumark atvinnutekna.
Nú hringdi bjallan. Þær höfðu alveg
gleymt sér í brauðstritsspjallinu, en
tónlistin var málið í kvöld. Fjóla vildi
borga kaffið. Hver fór í sitt sæti í saln-
um. Jóna var hugsi yfir
þessu misrétti sem hún
þarf að sæta hjá Trygg-
ingastofnun. Hún var
annars hugar þær rúm-
lega 30 mínútur sem
hljómsveitin og Xavier
spiluðu þessa þrjá þætti
hörpukonserts Albertos
Ginastera. Það eru um
80 hljóðfæraleikarar í
hljómsveitinni. Ef allt
þetta fólk væri á elli-
launum hjá Trygg-
ingastofnun fengi það
þremur milljónum og
sex hundruð þúsund
krónum minna í ellilaun
á mánuði en sami fjöldi ellilaunaþega
sem ættu rétt á og fengju atvinnuleys-
isbætur. Getur þetta verið rétt? Alla
vega ekki réttlátt. Bíddu, er einhver
munur á eftirlaunum frá lífeyrissjóði
eða eftirlaunum frá fyrirtæki? Hugs-
anir Jónu sveifluðust með villtu tón-
verkinu og öðru hvoru datt hún inn í
fallegu melódísku stefin frá hörpunni.
Aukalagið, Karnival í Feneyjum, tók
hana aftur úr misréttinu til baka í fiðr-
ildaflug hörpustrengjanna. Hugar-
angrið tók þó aftur yfir áður en hún
vissi. Þetta hlýtur að vera bull. Ef ein-
hver vélsmiðja borgar Björgu eft-
irlaun fær hún hundrað þúsund króna
… hvað var það, frítekjumark … en ef
ég fæ sömu upphæð, líka í eftirlaun en
frá lífeyrissjóði, lækka þeir ellilaunin
mín um 45 þúsund krónur! Ég fatta
þetta ekki. Jóna rankaði við sér á ný
þegar salurinn byrjaði að klappa. Æ
… ég verð að hlusta á þetta aftur
heima í sarpinum á RÚV.
Þegar Ófullgerða sinfónían eftir
Schubert byrjaði hvarf Jóna inn í unað
tónverksins og varð ekki hugsað til
óréttlætis frítekjumarksins og áhrifa
þeirrar ógeðfelldu sinfóníu Trygg-
ingastofnunar fyrr en næsta dag. Þá
fékk hún aftur óbragð í munninn eins
og sagt er við tilhugsunina um það
sem þær Björg og Fjóla höfðu upplýst
hana um fyrir tónleikana.
Tómas Láruson
Velvakandi Svarað í síma 569-1100 frá kl. 10-12.
Ógeðfelld sinfónía
Tryggingastofnunar
Tómas Láruson
Í kynningu er núna
1. leggur borgarlínu.
Verkefnið hefur verið
unnið af hópi sér-
fræðinga eftir að
sveitafélögin á höf-
uðborgarsvæðinu
skrifuðu undir sam-
göngusáttmála sem
innifelur ýmsar mik-
ilvægar samgöngu-
bætur ásamt útfærslu
að borgarlínu.
Þær tillögur sem lagðar eru
fram fela í sér miklar breytingar á
umferð og umhverfi Kópavogs og
Reykjavíkur. Ég vil hvetja alla til
að kynna sér þessar tillögur vel og
árétta hér með afstöðu bæj-
arstjórnar Kópavogs um að hér er
um frumdrög að ræða sem skuld-
bindur okkur ekki til annars en
umræðu við íbúa, þegar höfum við
haldið tvo upplýsingafundi með
íbúum.
Ég hef verið hugsi eins og aðrir
yfir hversu vel muni takast að
fjölga farþegum í strætó og seinna
meir í borgarlínu. Það er ljóst að
Íslendingar eru mikil bílaþjóð en
höfum við þó undanfarið tekið upp
ýmsa aðra ferðamáta eins og raf-
skutlur og hjól sem auðvelt er að
tengja góðum almennings-
samgöngum. Í samgöngu-
sáttmálanum er skýrt tekið fram
að markmiðið sé að „stuðla að
auknum lífsgæðum með uppbygg-
ingu skilvirkra, hagkvæmra,
öruggra og umhverfisvænna sam-
gönguinnviða“. Sérstaklega er tek-
ið fram í samkomulaginu að „eitt
helsta markmiðið með flýti- og
umferðargjöldum sé að létta um-
ferð á háannatímum“. Þar kemur
einnig fram að „innviðir allra sam-
göngumáta eigi að byggjast jafnt
upp“.
Það er mikilvægt að við höfum
góðar almenningssamgöngur, því
ekki vilja allir eða geta átt bíl.
Farþegafjöldinn er hins vegar
áhyggjuefni þegar hann er settur í
samhengi við kostnað kerfisins.
Borgarlínuverkefnið er lagt fram
og samþykkt til þess að gera al-
menningssamgöngur að ákjósan-
legum ferðamáta. Því betra sem
kerfið er, því fleiri farþegar og
þar er lykilatriði að mínu mati for-
gangsstýring ljósa og eitthvað af
sérrýmum fyrir vagn-
ana. Hins vegar er
það ekkert leynd-
armál að Strætó bs.
er nú þegar í rekstr-
arvanda vegna fækk-
unar farþega sökum
Covid-faraldursins.
Nú eru ræddar, og
hafa verið fram-
kvæmdar að hluta í
stjórn Strætó, hag-
ræðingartillögur sem
fela í sér skerta þjón-
ustu um leið og stefnt
er á að standa við
framkvæmdaáætlun samgöngu-
sáttmálans vegna borgarlínu.
Þetta felur auðvitað í sér ákveðna
mótsögn eins og staðan er í dag.
Ríkið leggur til um 900 milljónir
árlega til reksturs strætó, sveit-
arfélögin, skv. ársreikningi 2019,
3,8 milljarða og eru fargjöld rétt
ríflega tveir milljarðar. Áskoranir
í rekstrinum í dag eru því þó
nokkrar og enn er beðið svara frá
ríkinu um aukinn stuðning vegna
fjargjaldataps sem varð vegna
sóttvarna.
Það hefur lítið farið fyrir um-
ræðu um rekstur borgarlínukerf-
isins. Það var því ákveðið áfall að
heyra þingmann á opnum fundi í
Valhöll segja að enginn áhugi sé á
þingi fyrir að koma að rekstr-
inum. Því í mínum huga er það
lykilatriði að svo verði, því ekki
geta fargjöldin né framlög sveit-
arfélaganna dugað til reksturs
vagnakerfis sem inniheldur mun
tíðari ferðir en þekkjast í dag
ásamt nýjum borgarlínuvögnum. Í
því samhengi virtist það samt
ekki flækjast mikið fyrir þingi að
niðurgreiða innanlandsflug fyrir
landbyggðina, hvað með 64% þjóð-
arinnar sem vilja mögulega geta
notað Strætó sem valkost?
Ég hef samt sem áður, þrátt
fyrir þessa bölsýni, fulla trú á að
okkur takist að fjölga farþegum
með betra strætókerfi. Sveit-
arfélögin skipuleggja nú byggðir
sem flestar miða við færri bíla per
heimili í ljósi þess að bæta á al-
menningssamgöngur. Þétting
byggðar er háð því að vel takist
til að byggja upp betri strætó og
því er nauðsynlegt að vanda til
verka.
Yfir samgöngusáttmálanum hef-
ur verið skipuð stjórn og fram-
kvæmdastjóri undir nafninu Betri
samgöngur. Verkefni þeirra er
viðamikið og ljóst að á ýmsum
álitaefnum þarf að taka, s.s. upp-
byggingu samgönguinnviða, og
hrinda þeim í framkvæmd. Sá 1.
leggur sem nefndur var hér í upp-
hafi er aðeins tillaga að útfærslu
og mikilvægt að stjórnin og fram-
kvæmdastjóri velti fyrir sér hag-
kvæmni hennar í samhengi við
aðrar tillögur sem hafa verið
ræddar, m.a. BRT-light, annað
væri óábyrgt.
Það er einnig mikilvægt að
árétta að í sáttmálanum er talað
um að ljúka loks Arnarnesveg-
inum. Sú útfærsla sem er lögð
fram af Vegagerðinni er ásætt-
anleg, en framkvæmdahraðinn er
háður hversu vel gengur Reykja-
víkurmegin að samþykkja aðal- og
deiliskipulagsbreytingar. Ég leyfi
mér að vona að það gangi vel, en
hins vegar hefur stefna meirihlut-
ans í Reykjavík oft valdið mér
vonbrigðum þegar kemur að
framkvæmdum til að létta á bíla-
umferð. Hins vegar má þá nefna í
því samhengi að ef sveitarfélög
standa ekki við framkvæmdaáætl-
un samgöngusáttmálans um að
byggja jafnt upp innviði allra
samgangna má draga þá ályktun
að samgöngusáttmálinn sé í heild
sinni í uppnámi og þá mögulega
geti reynt á endurskoðunarákvæði
sáttmálans.
Að lokum er rétt að velta því
upp hvort við séum búin að sjá
endanlega fyrir okkur hverjir og
hvernig helstu ferðamátar Íslend-
inga verði á næstu áratugum. Má
þá nefna sérstaklega létta sjálf-
keyrandi rafmagnsbíla og deili-
bílakerfi. Covid, fjarvinna og
–nám og störf án staðsetningar
hafa einnig sýnt fram á að hægt
er að draga úr umferðarálagi á
háannatíma án þess að umturna
vegakerfinu og hugmyndum um
almenningssamgöngur.
Samgöngusáttmáli
Eftir Karen
Elísabetu
Halldórsdóttur
» Fyrir liggja hagræð-
ingartillögur í
Strætó sem fela í sér
skerta þjónustu sem
fela auðvitað í sér
ákveðna mótsögn við
borgarlínuverkefnið.
Karen Elísabet
Halldórsdóttir
Höfundur er bæjarfulltrúi og
stjórnarmaður í Strætó bs.