Morgunblaðið - 20.03.2021, Side 48

Steinþór Guðbjartsson
steinthor@mbl.is
Bjartur á Bjöllunni hefur lagt sitt af
mörkum til að bregðast við áhrifum
kórónuveirufaraldursins með reglu-
legum hnyttnum skemmtiþáttum í
ólæstri dagskrá á síðu sinni á fésbók-
inni undanfarna mánuði. Í nýjasta
þættinum kynnir hann Bjöggu til
sögunnar og saman bjarga þau budd-
unni með eftirminnilegum hætti.
„Hann er í góðum málum núna,“ seg-
ir maðurinn á bak við Bjart, húsa-
smíðameistarinn Ólafur Sæmunds-
son, verkefnastjóri TVT og
byggingarstjóri Íslandshótels í
Lækjargötu í Reykjavík, en Sólveig
Magnúsdóttir er í hlutverki Bjöggu.
Í fyrrahaust fór Ólafur ásamt
tengdasyni sínum norður á Sauðár-
krók og keyptu þeir Volkswagen-
bjöllu, árgerð 1967. Fluttu þeir bjöll-
una á vagni sem þeir drógu suður.
Ólafur fylgdist með umferðinni á eftir
þeim og sagði tengdasyninum hvað
eftir annað að hann þyrfti að víkja því
einhver væri að reyna að komast
fram úr. „Gamli karlinn í bílnum fyrir
aftan lét mig ekki í friði, kom til mín
öllum stundum og var stöðugt í koll-
inum, og svo fór að ég byrjaði að
leggja honum orð í munn, ýmsa frasa
og misskilning, sem ég heyrði hér og
þar,“ segir hann um tilurð Bjarts.
„Ég hef lengi haft gaman af því að
segja örsögur og grínsögur til þess að
létta andrúmsloftið, hef þá gjarnan
notað orðfæri líðandi stundar í helstu
málum sem grunn.“
Upphaflega voru þættirnir hugs-
aðir til að létta lund landsmanna í
veirufaraldrinum. „Yfir 60.000 manns
horfðu á fyrsta þáttinn og það gaf
mér byr undir báða vængi,“ segir
Ólafur. Þá var hávær umræða um að
ökuskírteini væru komin í símann og
Bjartur var fljótur að tileinka sér
tæknina; varð sér úti um gamlan,
svartan Ericsson-borðsíma, þar sem
hann kom fyrir skírteinum og pen-
ingum, og þegar lögreglan bað hann
um ökuskírteinið tók hann fram tæk-
ið og dró skírteinið úr því. „Síðan hef-
ur hann dröslast með símann í öllum
þáttunum, því hann borgar allt með
símanum. Fyrir jólin uppfærði hann
svo hlunkinn, festi gamla litla
myndavél á hann, því allir eru með
myndavél í símanum.“
Grímuskylda í um 40 ár
Gríma Elva Ársælsdóttir, eigin-
kona Ólafs, benti honum eitt sinn á er
þau voru á akstri heim á leið, að hann
gæfi ekki stefnuljós. Það varð til þess
að Bjartur gaf lögregluþjóni að gefnu
tilefni stefnuljós í einum þættinum.
„Þið eruð allir eins, þessir ungu
menn, haldið að maður geti gefið og
gefið,“ hermir hann eftir Bjarti. „Ég
skal bara gefa þér þetta stefnuljós.“
Ólafur er frá Patreksfirði og ólst
þar upp. Hann byrjaði ungur að
herma eftir körlunum í þorpinu og
stundum þjóðþekktum persónum,
segir að það hafi verið hálfgerð
þjóðaríþrótt þar eins og víða annars-
staðar. Ekkert sjónvarp hafi verið á
fimmtudögum og þá hafi frændur
gjarnan komið í heimsókn til föður
síns og sagt sögur með tilheyrandi
látbragði. „Þótt þeir væru bara tveir
var eins og allir þorpsbúar væru
samankomnir og Barðstrendingar
líka, því þeir hermdu eftir öllum og
bjuggu til sögur. Þetta var eins og
besti skopleikur hverju sinni og ég
féll fyrir þessu formi.“
Með árunum hefur það æxlast svo
að Ólafur er oft beðinn um að vera
veislustjóri og uppistandari. Meðal
annars var hann með uppistand sem
hluta viðamikillar dagskrár fyrir
1.600 manns í Hörpu og fékk atriði
hans mikið lof gesta. Eitt sinn var
hann með tölu á samkomu þar sem
Pálmi Gestsson leikari var staddur,
en hann hafði þá verið tilnefndur til
Edduverðlauna, sem voru afhent
sama kvöld. „Ég vakti athygli á því
en benti jafnframt á að sjálfur hefði
ég fengið Grímuverðlaunin fyrir
mörgum áratugum en það var þegar
elskulegur tengdafaðir minn gaf mér
dóttur sína, hana Grímu mína. Þegar
rætt hefur verið um andlitsgrímur í
faraldrinum hef ég líka bent á að mín
Grímuskylda hafi byrjað fyrir tæp-
lega 40 árum.“
Bjartur er, eins og Ólafur, mikill
stuðningsmaður Sjálfstæðisflokksins
og trúr stefnunni. „Í akstri tekur
Bjartur helst ekki vinstri beygju og
svið eru uppáhaldsmatur hans en
hann borðar bara hægri kjammann,
því hann er bestur,“ segir Ólafur og
líkir eftir Bjarti. „Þetta er góður karl,
stundum aðeins pirraður, en hann vill
vera sjálfstæður framsýnn alþýðu-
maður.“
Bjartur á Bjöllunni með
ráð undir hverju rifi
- Skemmtiþættir Ólafs Sæmundssonar á netinu létta lund
Í góðum málum Bjartur á Bjöllunni og Bjagga bjarga buddunni.
LAUGARDAGUR 20. MARS 79. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
ÍÞRÓTTIR MENNING
Íslenska kvennalandsliðið fór ekki vel af stað í undan-
keppni HM 2021 í Skopje í Norður-Makedóníu í gær, en
liðið tapaði sínum fyrsta leik gegn Norður-Makedóníu
með sjö marka mun í A1 Arena. Steinunn Björnsdóttir,
fyrirliði liðsins, meiddist á hné og er afar ólíklegt að
hún spili fleiri leiki í undankeppninni í Skopje. Ísland
mætir Grikklandi í dag og Litháen á sunnudaginn og
þarf sigur í báðum leikjum til þess að komast áfram í
umspil um laust sæti á HM 2021 sem fer fram í Katar í
desember. »41
Tap í fyrsta leik íslenska kvenna-
landsliðsins í undankeppni HM
Fimmtu og síðustu tónleikar Kammermúsíkklúbbsins á
þessum vetri verða í Norðurljósum Hörpu á morgun,
sunnudag, kl. 16. Á efnisskránni eru píanótríó í d-moll
eftir Mendelssohn og píanótríó nr. 2 í C-dúr eftir
Brahms. Flytjendur eru Auður Hafsteinsdóttir á fiðlu,
Bryndís Halla Gylfadóttir á selló og Mathias Halvorsen
á píanó. Tónleikarnir eru helgaðir minningu Guðmundar
W. Vilhjálmssonar (1928–2020) sem stofnaði Kammer-
músíkklúbbinn 1957 ásamt Magnúsi Magnússyni eðlis-
fræðingi og fleirum, með fulltingi Björns Ólafssonar
fiðluleikara og Árna Kristjánssonar píanóleikara.
Leika tvö píanótríó í Norðurljósum