Morgunblaðið - 30.03.2021, Qupperneq 10

10 FRÉTTIRInnlent
MORGUNBLAÐIÐ ÞRIÐJUDAGUR 30. MARS 2021
vottun reynsla
ára
ábyrgð
gæði
miðstöðvarofnar
Vagnhöfða 11 - 110 Reykjavík - sími 577 5177 - ofnasmidja.is
Eigum úrval af
miðstöðvar- og handklæðaofnum
hafðu það notalegt
Stefán E. Stefánsson
Andrés Magnússon
Þann 28. janúar 2016 barst Mark
Keatley símtal frá Héraðsdómi
Reykjavíkur. Erindið var að Keatley
bæri vitni í máli Björgólfs Thors
Björgólfssonar gegn Róberti Wess-
man. Keatley var fjármálastjóri Act-
avis á árunum 2005 til 2012, m.a. á
þeim tíma er Róbert var forstjóri
sama fyrirtækis.
Nokkrum klukkustundum eftir að
hann bar vitni í málinu reyndi Róbert
Wessman tvívegis að ná sambandi við
hann í síma en Keatley svaraði ekki. Í
kjölfarið hófst atburðarás sem ekki
hefur verið upplýst um fyrr en nú,
hálfum áratug síðar, þegar Halldór
Kristmannsson, einn nánasti sam-
starfsmaður Róberts til 18 ára hefur
stigið fram og lýst því sem kalla má
alvarlegar brotalamir í samskiptum
sínum og annarra við hann á síðustu
árum.
Svaraði ekki símtölum
Þótt Keatley hafi ekki rætt við Ró-
bert þann 28. janúar kom sá síðar-
nefndi afstöðu sinni gagnvart þeim
fyrrnefnda kirfilega til skila í fjölda
smáskilaboða sem hann sendi í síma
hans en einnig í síma Claudio Al-
brecht, viðskiptafélaga Keatleys og
fyrrum forstjóra Actavis Group.
Í skilaboðunum til Keatleys lætur
Róbert móðan mása og sakar hann
um að hafa sagt ósatt, eiðsvarinn fyr-
ir dómi auk þess sem hann sakar
hann um önnur óheilindi í sinn garð.
Þá blandar hann fjölskyldu Keatleys
inn í málið og heitir því að „eyði-
leggja“ (e. destroy) hann og hana um
leið.
Bendir hann sérstaklega á að
meint ósannindi Keatleys hafi kostað
sig milljónir dollara og að hann muni
„fara á eftir honum“ vegna þess.
Fyrri hrina skilaboðanna stóð yfir
milli 17:23 og 17:59 þann 28. janúar.
Seinni hrinan stóð svo yfir aðfaranótt
29. janúar milli 04:06 og 4:38. Þá sendi
hann einnig tvenn skilaboð í hádeginu
þann sama dag á sömu mínútunni.
Annars vegar með orðunum
„Fucker“ og hins vegar „Say hi to yo-
ur wife“.Virðast Keatley og Albrecht
hafa brugðist skjótt við loftárásum
samstarfsmannsins fyrrverandi.
Þannig barst Róberti bréf þann 2.
febrúar, um þremur sólarhringum
eftir skeytasendingarnar, frá bresku
lögmannsstofunni Grosvenor Law
þar sem fyrrnefnd skilaboð eru tíund-
uð. Er þar bent á að framganga hans
varði jafnt við hegningarlög í Bret-
landi og á Íslandi og geti varðað fang-
elsisrefsingu. Kallar stofan eftir því
að Róbert bregðist skjótt við og biðj-
ist afsökunar á framgöngu sinni auk
þess sem hann er krafinn um að láta
af öllum samskiptum við mennina tvo.
Áskilur lögmannsstofan sér einnig
rétt til þess, í umboði skjólstæðinga
sinna, að gera yfirvöldum viðvart um
framgöngu Róberts og einnig þess að
krefjast skaðabóta. Gaf stofan Ró-
berti 24 klukkustundir til þess að
bregðast við málaleitaninni.
Fleirum gert viðvart
Grosvenor Law lét ekki þar við
sitja heldur gerði sama dag stjórn
Alvogen og nokkrum af helstu fjár-
festum fyrirtækisins viðvart um
framgöngu Róberts. Sýna bréf sem
Morgunblaðið hefur undir höndum að
þannig hafi forsvarsmönnum fjárfest-
ingarfélaganna CVC Capital Part-
ners Ltd. og Temasek International
Ltd. verið gert viðvart í þessu skyni.
Virðist hinn skammi frestur sem
lögmannsstofan veitti Róberti hafa
hreyft málum fljótt. Þann 3. febrúar
bárust lögmannsstofunni a.m.k. tvö
bréf. Annars vegar frá Róberti sjálf-
um og hins vegar frá Alvogen, sem
undirritað var af Árna Harðarsyni,
lögfræðingi og helsta samstarfs-
manni Róberts.
Í fyrrnefnda bréfinu biðst Róbert
skilyrðislaust afsökunar á fram-
göngu sinni. Þá heitir hann því að
hafa í engu tilliti samband við Keat-
ley og Albrecht, hvorki gegnum
síma, með textaskilaboðum né
nokkrum öðrum hætti. Segist hann í
lok bréfsins vona að þau viðbrögð sín
leiði til þess að málið teljist til lykta
leitt milli aðila.
Í síðarnefnda bréfinu þakkar Árni
lögmannsstofunni fyrir að hafa vak-
ið athygli fyrirtækisins á málinu og
að það sé litið alvarlegum augum á
vettvangi þess. Þá staðfestir hann að
fyrirtækið eða fulltrúar þess eigi í
samtölum við Róbert vegna þess.
Hins vegar sé það skilningur þess að
þótt Róbert sé forstjóri fyrirtækis-
ins sé það álit þess að málið varði
hann persónulega og sé það því hans
að bregðast við þeirri stöðu sem upp
er komin. Bendir Árni í kjölfarið á að
fyrirtækið hafi vitneskju um að lög-
mannsstofunni muni berast bréf frá
Róberti, þ.e. bréfið sem hér að ofan
er minnst á.
Baðst afsökunar á hótunum
- Róbert Wessman lét fúkyrðum og hótunum rigna yfir tvo fyrrum samstarfsmenn í janúar 2016
- Mennirnir tveir höfðu borið vitni í dómsmáli sem Björgólfur Thor Björgólfsson höfðaði gegn Róberti
Morgunblaðið/Kristinn
Meðan allt lék í lyndi Í ágúst 2008 hætti Róbert Wessman skyndilega störf-
um sem forstjóri Actavis þar sem Björgólfur var meðal stærstu hluthafa.
Róbert hafði verið forstjóri Actavis frá árinu 2002 og Delta frá 1999.
Claudio AlbrechtMark Keatley
Átök Róberts Wessmans og Björg-
ólfs Thors Björgólfssonar teygja sig
langt aftur en upp úr sauð í ágúst
2008 með þeim hætti að ekki hefur
gróið heilt á milli síðan.
Forsaga málsins var sú að árið
2007 náði félags Björólfs ráðandi
hlut í Actavist, félaginu sem Róbert
stýrði. Var það skráð af markaði hér
á landi. Voru samskipti þeirra nokk-
uð brokkgeng í kjölfarið. Hið sama
átti við um samskipti Róberts við
Sigurð Óla Ólafsson aðstoðarfor-
stjóra Actavis sem komið hafði til
starfa hjá fyrirtækinu árið 2003.
Í ágústmánuði sló í brýnu milli
Sigurðar Óla og Róberts sem varð
til þess að sá síðarnefndi sagði að-
stoðarforstjóranum upp störfum
símleiðis. Bárust þau tíðindi Björg-
ólfi Thor til eyrna sem var allt ann-
að en sáttur við ákvörðunina og
sagði Róberti upp störfum en réð
Sigurð Óla sem forstjóra í stað
hans. Á yfirborðinu var látið sem
brotthvarf Ró-
berts úr stóli
forstjóra hefði
gerst í fullri
sátt og fór nýi
forstjórinn
fögrum orðum
um búið sem
hann tók við af
manninum sem
hafði rekið
hann nokkru
áður. Þá var Róbert látinn verma
sæti í stjórn Actavis í nokkra mán-
uði í kjölfar þess að honum var
sparkað og var því beinlínis flaggað
nokkuð til þess að undirstrika þá
miklu sátt sem átti að ríkja milli
manna.
Þrátt fyrir það var mjög grunnt á
hinu góða og hafa deilur Róberts og
Björgólfs oftar en einu sinni ratað í
dómsal, en það var einmitt eitt slíkt
sem leiddi til hinna óheppilegu
skeytasendinga í janúar 2016.
Fauk í og fauk í kjölfarið
KOM TIL UPPGJÖRS Á SÍÐARI HLUTA ÁRS 2008
Sigurður Óli
Ólafsson
Andrés Magnússon
andres@mbl.is
Róbert Wessman, forstjóri Alvogen,
hefur ekki veitt viðtöl frá því Morg-
unblaðið greindi í gær frá ásökunum
Halldórs Kristmannssonar, eins
nánasta samstarfsmanns hans til
tveggja áratuga, á hendur honum.
Þar var hann m.a. sakaður um of-
stopa gagnvart samstarfsfólki, að
hafa slegið tvo undirmenn, sent
tveimur vitnum í dómsmáli svívirði-
legar hótanir og lagt á ráðin um
rógsherferðir.
Róbert sendi hins vegar frá sér
stutta yfirlýsingu í gær, þar sem
hann vísaði til niðurstöðu rann-
sóknar á vegum stjórnar fyrir-
tækisins á umkvörtunum Halldórs,
þar sem hann hafi verið hreinsaður.
Ásakanirnar segir Róbert vera
gerðar í fjárhagslegum tilgangi,
enda hafi Halldór haft uppi fjár-
kröfur. Halldór neitar því og segist
aðeins hafa áskilið sér kröfu á Ró-
bert, en afsalað sér öllu slíku á
hendur fyrirtækinu.
Róbert sagði í yfirlýsingunni, að
ásakanirnar hefðu valdið sér mikl-
um vonbrigðum, „enda vegið að
starfsheiðri mínum og persónu“. Þá
lýsir hann eftirsjá hvað varðar
brotthvarf Halldórs: „Mér þykir
mjög miður að samstarfi okkar
Halldórs til 18 ára hafi lokið með
þessum hætti.“
Lára Ómarsdóttir, upplýsinga-
fulltrúi Alvogen, segir í samtali við
Morgunblaðið að Róbert veiti ekki
viðtöl að sinni að ráði lögfræðinga.
Sér mikið eftir hótunum
Meðal þess sem mesta athygli
hefur vakið í umkvörtunum Hall-
dórs eru skeytasendingar Róberts
til þeirra Mark Keatly og Claudio
Albrecht, tveggja fyrrum samstarfs-
manna hjá Actavis, snemma árs
2016. Þeir voru vitni í skaðabótamáli
Björgólfs Thors Björgólfssonar á
hendur Róberti sem þá var í dómi.
Í skeytunum hafði Róbert í hót-
unum við þá með þeim hætti að þeir
óttuðust um öryggi sitt og fjöl-
skyldna sinna, líkt og lesa má um
hér að ofan.
Lára segir ekki deilt um þær
skeytasendingar, sem hafi verið
mjög óviðeigandi, Róbert hafi áttað
sig á því skjótt á eftir að þau hefðu
verið mikil mistök, send í bræði,
sem hann iðraðist innilega og hefði
beðist afsökunar á. Ekkert slíkt
hefði átt sér stað aftur. Hún tók
jafnframt fram, að þeirri afsök-
unarbeiðni hefðu engar fjárbætur
fylgt.
Eftirsjá efst í huga
Róberts Wessmans
- Harmar samstarfslok og hótanir