Morgunblaðið - 30.03.2021, Page 32

Mörkin 6 - 108 Rvk.
s:781-5100
Opið: Mán-fös: 11-18
lau: 11-15
LURDES
BERGADA
VOR 202 1
Sýningarstjórinn Mónica Bello hefur verið ráðin sem
sýningarstjóri íslenska skálans í Feneyjum árið 2022.
Hún mun starfa með myndlistarmanninum Sigurði
Guðjónssyni, fulltrúa Íslands á Feneyjatvíæringnum, að
því er fram kemur í tilkynningu frá Kynningarmiðstöð
íslenskrar myndlistar. Bello hefur frá árinu 2015 gegnt
stöðu sýningarstjóra og listræns stjórnanda hjá CERN,
evrópsku kjarnorkurannsóknarstofnuninni í Genf, og í
störfum sínum sem sýningarstjóri hefur hún beint
sjónum að tækni- og vísindamenningu nútímans og því
hvernig listamenn kveikja nýjar spurningar um upp-
götvanir sem koma fram á sjónarsviðið, svo sem um
hlutverk vísinda og nýja þekkingu á skynjun veru-
leikans, segir í tilkynningunni.
Sigurður starfar með Mónicu Bello
ÞRIÐJUDAGUR 30. MARS 89. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Íslenska karlalandsliðið í knattspyrnu mætir Liechten-
stein í undankeppni HM 2022 í Vaduz á morgun. Ís-
lenska liðið hefur tapað fyrstu tveimur leikjum sínum í
undankeppninni til þessa, gegn Þýskalandi í Duisburg
og Armeníu í Jereven, og þarf því nauðsynlega á sigri
að halda á morgun. „Eftir þessa tvo ósigra gegn Þýska-
landi og Armeníu er ljóst að íslenska liðið má ekki mis-
stíga sig í leiknum í Liechtenstein,“ sagði Helgi Kol-
viðsson, fyrrverandi landsliðsþjálfari Liechtenstein og
aðstoðarþjálfari Íslands á árunum 2016 til 2018. »26
Íslenska karlalandsliðið má ekki
misstíga sig gegn Liechtenstein
ÍÞRÓTTIR MENNING
Steinþór Guðbjartsson
steinthor@mbl.is
Handverksfólk leynist víða og í
Kópavogi situr Hrefna Aradóttir
önnum kafin við að tálga ferming-
arstyttur og búa til skúlptúra auk
þess sem hún er á námskeiði hjá
þýska brúðugerðarmeistaranum
Bernd Ogrodnik.
„Ég er að læra að að tálga og skera
út strengjabrúður og alla vega brúð-
ur,“ segir Hrefna, en verk hennar má
sjá á Facebook og Instagram
(HrefnaA-handverk). Eftir að hafa
verið á grunnnámskeiði í haust og út-
skrifast í nóvember hafi Bernd boðið
upp á framhaldsnám í ár, þar sem
unnið sé í ýmsum verkefnum í mánuð
og næsti mánuður sé síðan notaður til
þess að vinna upp það sem ekki hafi
náðst að gera í fyrra mánuði. „Þetta
er frábært nám, sem veitir innsýn í
tækni og aðferðir, tól og tæki, alveg
magnað.“
Hrefna fæddist og ólst upp í Nes-
kaupstað. Árið 1998 fór hún með
systur sinni í heimsókn til Hákonar
Aðalsteinssonar, móðurbróður þeirra
fyrir austan. Þar féll hún fyrir litlum,
útskornum búálfum, sem héngu á bit-
um í loftinu, og tónninn var sleginn.
Í fótspor afans
„Föðurafi minn, Bergþór Hávarðs-
son, var mikill hagleiksmaður, tálgaði
ýmislegt eins og skútur, mynda-
ramma, rokka, box og fleira og fyrstu
fimm árin mín fylgdist ég með honum
vinna,“ segir hún. Hún hafi alist upp
við það að hægt væri að tálga allt úr
hvaða spýtu sem væri, að hægt væri
að skapa eitthvað úr hverju sem væri.
„Þegar ég sé eitthvað spennandi er
ég viss um að ég geti gert það líka,“
segir hún um fyrstu viðbrögðin við
þessu norska handverki heima hjá
Hákoni. Síðan hafi hún spurt systur
sína hvort hún væri ekki með vasa-
hníf á sér; þær gætu náð sér í greinar
í Hallormsstaðaskógi og byrjað að
tálga. „Mér tókst ekki að tálga sam-
bærilega álfa en úr urðu jólasveinar,
sem ég þróaði síðan, málaði og
breytti og bætti.“
Í kjölfarið hafi hún farið á nám-
skeið, þar sem hún hafi meðal annars
lært ýmislegt um vöruþróun. Þar
með hafi hún verið komin inn hjá
Handverki og hönnun og byrjað að
selja framleiðsluna, m.a. hjá Máli og
menningu, í Rammagerðinni og víð-
ar. Samfara því hafi hún tekið þátt í
samsýningum heima og erlendis,
bætt við sig fleiri námskeiðum og svo
koll af kolli. „Ég er stöðugt að afla
mér meiri þekkingar til þess að geta
gert betur.“
Jólasveinarnir urðu að fermingar-
styttum. „Vissulega þarf að rækta
hæfileikana en fyrst ég gat tálgað
jólasveina fannst mér að ég gæti líka
gert fólk. Ég einsetti mér strax að
vinna eftir myndum af krökkunum og
hef gert það, líki eftir fötunum sem
þeir eru í, hvernig þeir standa og svo
framvegis. Hver stytta er því einstök,
hönnuð fyrir ákveðið barn. Í stórum
dráttum hef ég verið í jólasveinunum
frá sumri og fram í desember og síð-
an í fermingarstyttum fram á vor.“
Samhliða þessu búi hún til skúlptúra,
steypi undirstöðuna og festi tré-
skúlptúr með járnpinna í steypuna.
Þegar Hrefna byrjaði að tálga fí-
gúrur bjó hún á Blönduósi og var þar
í hálfu starfi. Árið 2013 flutti fjöl-
skyldan suður, en þar fékk hún ekki
hlutastarf og gat ekki sinnt hand-
verkinu með fullri vinnu. „Ég vann
yfir mig, var ekki ánægð með það og
einsetti mér að fara að vinna í mínum
málum, byrja aftur að tálga og skapa
og gera það sem mér líður vel með og
gerir mig glaða. Það er það sem ég er
að gera.“
Sköpun og lífsgleði
- Hrefna tálgar styttur og býr til skúlptúra - „Þegar ég sé
eitthvað spennandi er ég viss um að ég geti gert það líka“
Morgunblaðið/Arnþór Birkisson
Í Kópavogi Hrefna Aradóttir hefur nóg að gera í sköpuninni.
Hver með sínu lagi Stytturnar og fígúrurnar eru mismunandi.