Morgunblaðið - Sunnudagur - 14.03.2021, Síða 4

FRÉTTIR VIKUNNAR
4 MORGUNBLAÐIÐ SUNNUDAGUR 14.3. 2021
Óttast var að mögulegt hóp-smit væri í uppsiglingu eft-ir að tveir greindust með
pláguna utan sóttkvíar, annar þeirra
starfsmaður dag- og göngudeildar
Landspítalans, sem fór á píanó-
tónleika í Hörpu á föstudag þrátt
fyrir að hafa orðið einkenna var. Sem
enginn virtist kippa sér upp við.
Ekki hefur komið fram hvers vegna
heilbrigðisstarfsmaðurinn hafði ekki
verið bólusettur, en samkvænt reglu-
gerð er hann í 2. flokki bólusetn-
ingar, á undan öldruðum sem þó hafa
verið bólusettir í miklum mæli. Þór-
ólfur Guðnason sóttvarnalæknir
varpaði engu ljósi á það af hverju
ekki væri farið að reglugerðinni.
Jarðórói á Reykjanesskaga hélt
áfram og þjóðin hélt áfram að bíða
eftir eldgosi, sem þó hefur enn ekki
látið á sér kræla (þegar þetta er ritað
á föstudagseftirmiðdegi).
Forsætisnefnd Alþimgis ræddi
mögulegan trúnaðarbrest í stjórn-
skipunar- og eftirlitsnefnd eftir að
Jón Þór Ólafsson, formaður nefnd-
arinnar, og Andrés Ingi Jónsson,
báðir þingmenn Pírata, töldu vitnis-
burð lögreglustjórans á höfuðborg-
arsvæðinu gefa tilefni til frekari
rannsóknar á máli, sem hún hafði
opinberlega sagt að ekki væri grund-
völlur til.
Þolinmæði foreldra í Fossvogsskóla
gagnvart borgaryfirvöldum virtist
vera á þrotum, en skólinn er heilsu-
spillandi vegna þrálátrar myglu.
Þrátt fyrir að koma fram á myndum
herskara almannatengla ráðhússins
með borðaskæri og gjafabréf handa
fasteignaspekúlöntum vannst Degi
B. Eggertssyni borgarstjóra aldrei
tími til þess að svara símtölum fjöl-
miðla um málið.
Áhugafólk um samgöngur fyrir alla
kynnti breytingartillögur við borg-
arlínuna, sem gerir ráð fyrir mun
minni kostnaði og raski vegna henn-
ar. Er engu líkara en það átti sig ekki
á að einmitt kostnaðurinn og raskið
eru meginmarkmið borgaryfirvalda.
Kyrrsetningu á Boeing MAX-
flugvélum var aflétt og hyggst Ice-
landair taka þær í gagnið senn. Svo
er að sjá hvort farþegar vilji þiggja
far með þeim.
Alþjóðlegur baráttudagur kvenna
var haldinn víða um heim, en allt það
misrétti féll þó í skuggann af yfirvof-
andi viðtali Opruh Winfrey við her-
togahjónin af Sussex, sem telja sig
jaðarsett í tveggja milljarða króna
útlegðarskýli sínu í Kaliforníu.
. . .
Loks náðist í borgarfulltrúa (borgar-
stjóri er enn ófundinn) vegna mygl-
unnar í Fossvogsskóla, þegar Skúli
Helgason, formaður Skólaráðs, opn-
aði sig loksins um málið og kynnti að
setja ætti á laggirnar hóp um málið.
Mestu skipti þó að héðan í frá yrði
gott samstarf við foreldra og starfs-
menn skólans. Myglan og veiku
börnin auðvitað aukaatriði.
Samræmdum prófum í 9. bekk
þurfti að fresta vegna bilunar í tölvu-
búnaði, enda græjurnar víst jafn-
gamlar þeim sem reyndu að þreyta
prófin. Þetta er sama dótið og bilaði
2018 og hefur margverið bent á að
myndi bila aftur, en engin fjárveiting
fengist. Áður en vikan var öll gafst
menntamálaráðherra upp og aflýsti
samræmdum prófum.
. . .
Lagt er til að öryggissvæði ratsjár-
stöðvarinnar á Gunnólfsvíkurfjalli
verði stækkað til mikilla muna vegna
hugsanlegrar stórskipahafnar í
Finnafirði.
Sjö þúsund manns voru bólusett í
vikunni og jukust vonir um að úr
tæki að rætast, ekki þó síður þar sem
bóluefni Janssen (Johnson & John-
son) öðlaðist bráðamarkaðsleyfi, en
íslensk stjórnvöld hafa pantað
ógrynni af því, þótt eitthvað sé óljós-
ara um afhendingu.
Mjög þétt smáskjálftavirkni hófst
við Fagradalsfjall og héldu menn
áfram að bollaleggja eldgos, sem
samt lét á sér standa.
. . .
„Gera þarf ráð fyrir gosi“ gól forsíðu-
fyrirsögn Morgunblaðsins og birgðu
landsmenn sig upp af kóki, appelsíni
og tóniki af því tilefni. Og eins gott,
því við nánari lestur fréttarinnar
kom fram að fræðimenn töldu að
eldgos kynni að verða nær fyrir-
varalaust og alls óvíst hvort menn
næðu út í sjoppu.
Íslandspóstur útilokar ekki útboð á
bréfaútburði, ekkert mæli gegn því,
sem vafalaust er rétt en vekur enn
spurninguna til hvers fyrirtækið sé
eiginlega.
Meira en helmingur háskólamennt-
aðra ríkisstarfsmanna segist af-
kastameiri í fjarvinnu heima hjá sér,
en á móti komi að einmanaleikinn sé
mikill. Þá vilja þeir fá rétt til þess að
aftengjast í kjarasamninga.
Atvinnuleysi mjakaðist örlítið niður,
í fyrsta sinn frá því í maí í fyrra. Hins
vegar fjölgaði áfram í hópi langtíma-
atvinnulausra. Atvinnuleysi í land-
inu öllu mældist í fyrri mánuði 11,4%
á landinu öllu og er höfuðborgar-
svæðið alveg í því meðaltali. Suður-
nes skáru sig hins vegar algerlega úr
með 24% atvinnuleysi.
Starfsfólk Skattsins sagði mikið ann-
ríki hjá sér vegna framtalsskila, en
fresturinn rann út á föstudagskvöld
til þess að menn freistuðust ekki til
þess að nota rúman tíma um helgina
til þess. Óljóst er í hverju annríkið á
Skattinum felst þar sem skilin eru
öll meira og minna rafræn, svo
mannshöndin þarf þar hvergi að
koma nálægt nema til þess að seilast
í vasa skattgreiðenda.
Seltjarnarnes þykist nú vera stór-
borg og hefur ráðið sér stöðumæla-
vörð. Vonast er til þess að á næstu
árum verði einnig settur upp stöðu-
mælir.
. . .
Breiðafjarðarferjan Baldur bilaði á
siglingu og þurftu farþegar og skip-
verjar að hírast í skipinu yfir nótt
meðan hafrannsóknaskipið Árni
Friðriksson dró það til Stykkis-
hólms.
Notkun á bóluefni AstraZeneca var
stöðvuð tímabundið vegna ótta Dana
og Þórólfs Guðnasonar sótt-
varnalæknis við að það kynni að
tengjast blóðtöppum. Hvorki Lyfja-
stofnun Íslands né Lyfjastofnun
Evrópu var sama sinnis, en hvorug
hafði uppburð í sér til þess að and-
mæla einvaldinum.
Notkun hins snjalla, eftirminnilega
og þjála heitis Air Iceland Connect
var hætt í vikunni og verða vélar
þess eftirleiðis aðeins merktar Ice-
landair. Vonir standa til þess að nota
megi styttri flugvélar fyrir vikið.
Sem kunnugt er hefur heimsfarald-
urinn dregið töluvert úr umferð eyj-
arskeggja, auk þess sem landið hefur
verið meira og minna laust við er-
lenda ökumenn undanfarið ár. Slys-
um og óhöppum í umferðinni fækk-
aði enda verulega í fyrra og hafa
raunar ekki færri slasast í umferð-
inni síðan 1992.
Ríkisstjórnin fylltist örlæti og lagði
fram 215 milljónir króna til þess að
örva atvinnulíf á Seyðisfirði, sem
enn er í sárum eftir aurskriðurnar í
fyrra.
Stjórn Íslandspósts greindi hástöf-
um frá því að fyrrverandi forstjóri
hefði lækkað gjaldskrá án samráðs
við stjórnina. Um leið var hvíslað að
sama stjórn hefði hækkað launin við
sjálfa sig. Afkoma fyrirtækisins er
hins vegar trúnaðarmál.
Borgarstjórinn
sem hvarf
Hinn myglaði Fossvogs-
skóli, þar sem heilbrigði
barna er stefnt í hættu
sakir fálætis borgaryfir-
valda. Eins og sjá má
á myndinni er borgar-
stjóri hvergi nærri.
Morgunblaðið/Eggert
7.3.-11.3.
Andrés Magnússon
andres@mbl.is
Forgangssvið við úthlutun í ár eru:
Efling starfs- og tæknináms í framhaldsfræðslu.
Þróun starfstengds tungumálastuðnings í framhaldsfræðslu.
Stafræn og/eða græn hæfniuppbygging í framhaldsfræðslu.
Við mat á umsóknum er m.a. litið til þess hvernig þær falla að markmiðum 2. greinar laga
nr. 27/2010 um framhaldsfræðslu, faglega þekkingu og reynslu umsækjanda af að vinna
verkefni sem sótt er um styrk til.
Að auki þurfa umsóknir að uppfylla eftirfarandi skilyrði:
Vera vandaðar og skýrt fram settar.
Skýr tenging við markhóp laga um framhaldsfræðslu.
Mæti sýnilegri þörf fyrir úrræði í framhaldsfræðslu.
Hafi skýr skilgreind markmið og skilgreinda verkefnastjórn.
Hafi skýra kostnaðar-, verk- og tímaáætlun.
Skili hagnýtri afurð og verði vel kynnt.
Verkefnin skulu vera opin öllum fræðsluaðilum, mega ekki gera kröfu um umtalsverðan eða
íþyngjandi kostnað, eða flókna sérfræðiþekkingu fyrir þá sem nýta sér afurðina.
Eingöngu er tekið við umsóknum á rafrænu formi. Umsóknareyðublað, lög um framhaldsfræðslu
nr. 27/2010 og nánari upplýsingar um vinnuferli og viðmið vegna styrkumsóknar er að finna
á vef Fræðslumiðstöðvar atvinnulífsins, www.frae.is
Umsóknarfrestur er frá 15. mars og til 19. apríl.
Auglýst er eftir umsóknum um styrki úr Fræðslusjóði
til nýsköpunar- og þróunarverkefna.
Styrkir