Morgunblaðið - Sunnudagur - 14.03.2021, Qupperneq 22

22 MORGUNBLAÐIÐ SUNNUDAGUR 14.3. 2021
LISTIR
New York. AFP. | Yfirlitssýning á
verkum listamannsins KAWS var
opnuð í Brooklyn-safninu í New
York í lok febrúar og gefur þar að
líta þekktar fígúrur hans. Ein-
stakt sköpunarverk listamannsins
hefur farið víða, en þetta er fyrsta
stóra yfirlitssýningin á 25 ára ferli
hans.
Sýningin ber yfirskriftina
„KAWS: What Party“ og er þar rak-
ið listrænt ferðalag Brians Donnel-
lys eins og KAWS heitir réttu nafni
frá því hann var götulistamaður,
sem í upphafi mundaði sprautubrús-
ann á lestir í Jersey City, til þess að
verða málari og myndhöggvari. Á
henni má finna andhetjur hans,
Companion og Chum, eða Förunaut
og Félaga, með sín sérstöku andlit,
sem KAWS sótti innblástur í til höf-
uðkúpa á fánum sjóræningja.
Líkami Förunauts minnir á Mikka
mús og Félaga hefur verið líkt við
Michelinmanninn úr vörumerki
dekkjaframleiðandans.
Donnelly er nýorðinn 46 ára.
Hann veitti AFP ekki viðtal um sýn-
inguna og hefur ekki látið mikið uppi
um hugsunina að baki verkum sín-
um.
KAWS var í upphafi gagnrýndur í
listheiminum fyrir að vera yfirborðs-
kenndur, en ávann sér fljótt hylli,
þar á meðal í hópi fræga fólksins, áð-
ur en hann náði til almennings.
KAWS fann fyrst fótfestu í Asíu,
einkum í Japan, áður en nafn hans
varð áberandi á Vesturlöndum. Með-
al þeirra sem keypt hafa verk hans
eru tónlistarframleiðandinn Pharrell
Williams og rapparinn Jay-Z.
Í apríl árið 2019 seldist verk hans
„Kaws-albúmið“ þar sem persónur
úr þættinum um Simpson-
fjölskylduna höfðu verið settar á
plötuumslag Bítlanna, „Sgt. Pep-
per’s Lonely Hearts Club Band“,
fyrir 14,7 milljónir dollara (1,9 millj-
arða króna) í Hong Kong.
Sýningin stendur til 5. september.
Þessarar fígúrur, sem minna á Mikka mús, koma iðulega fyrir í verkum KAWS.
Á veggnum eru afskornar hendur, sem einnig minna á Disney-músina.
Sýningargestur gengur fram hjá þremur verkum eftir listamanninn KAWS þar
sem bregður fyrir kunnuglegum hvirflum persóna úr Simpson-fjölskyldunni.
Í New York
stendur nú yfir
sýning á verkum
listamannsins
KAWS. Málverkið
á myndinni seldist
á 1,9 milljarða
króna í hittifyrra.
AFP
Úr lestum New
Jersey í listasalina
Yfirlitssýning á verkum listamannsins KAWS stendur nú yfir í
New York. Hann þykir þurrka út mörkin milli varnings og
listar og sækja að því leyti í arfleifð Andys Warhols.
Öryggisvörður virðist fyrir sér höggmynd eftir listamanninn KAWS, sem réttu
nafni heitir Brian Donnelly, á yfirlitssýningunni í Brooklyn-safninu.
Höfuðkúpulíki með X-um í augna stað hafa verið sett inn á auglýsingar í þess-
um verkum listamannsins KAWS á yfirlitssýningunni í New York.
SÉRBLAÐ
NÁNARI UPPLÝSINGAR GEFUR:
Katrín Theódórsdóttir
Sími 569 1105 kata@mbl.is
PÖNTUN AUGLÝSINGA:
Til mánudagsins 22. mars
Páskablað
Morgunblaðsins
kemur út föstudaginn
26. mars
Girnilegar uppskriftir af veislumat
og öðrumgómsætum réttum
ásamt páskaskreytingum,
páskaeggjum, ferðalögum
og fleira.