Fréttablaðið - 08.09.2021, Blaðsíða 2

Sólarlagsins notið við Gróttu
FAXAFEN 11, 108 REYKJAVÍK, S: 534-0534
WWW.PARTYBUDIN.IS
Allt fyrir veisluna á einum stað
Skraut, borðbúnaður, búningar og tækjaleiga
Tuttugu þúsundasti íbúi
Reykjanesbæjar kom í
heiminn fyrir rúmum
mánuði. Hann er barnabarn
forseta bæjarstjórnar, Guð-
brands Einarssonar, sem
gekk af fundi vegna símtals
um fæðinguna enda lá litla
drengnum á í heiminn.
benediktboas@frettabladid.is
SAMFÉLAG „Ég fékk hringingu inn á
bæjarráðsfund frá dóttir minni og
fór fram þar sem mér bárust þessar
gleðifregnir. Þegar ég kom aftur inn
baðst ég afsökunar á að hafa yfir-
gefið fundinn en sagði frá því að ég
hefði verið að eignast barnabarn.
Þá sagði Kjartan bæjarstjóri við mig
að drengurinn gæti verið númer 20
þúsund,“ segir Guðbrandur Einars-
son, forseti bæjarstjórnar Reykja-
nesbæjar, en hann eignaðist þriðja
barnabarn sitt 4. ágúst í sumar.
Þau Sigríður dóttir hans og Sigur-
bergur Bjarnason eignuðust dreng
sem greinilega er framtíðar keppn-
ismaður, því honum lá á að koma í
heiminn til að ná að verða tuttugu-
þúsundasti íbúi Reykjanesbæjar.
Kjartan Már Kjartansson bæjar-
stjóri hóaði í sitt fólk og lét það telja
íbúa bæjarins og kom í ljós að litli
guttinn var svo sannarlega íbúi
númer 20 þúsund. Kjartan hafði
nýlega skrifað færslu um að það
styttist óðf luga í þennan merka
íbúa. Hann tók einmitt einnig á
móti íbúa númer 15 þúsund árið
2014. Á síðustu sjö árum hefur
íbúum í Reykjanesbæ fjölgað um
33 prósent.
Ekki er að sjá að neitt sé að draga
úr fjölguninni því síðan litli prins-
inn hennar Sigríðar kom í heiminn
hafa yfir 100 börn fæðst í bænum.
Geri aðrir betur.
„Það er fullt af fólki að f lytja til
okkar. Þó að við höfum upp-
lifað sveif lur vegna Covid þar sem
atvinnuleysi fór mest í 25 prósent
þá sér fólk að hér eru tækifæri til
framtíðar. Við getum auðvitað sagt
að við séum sveitarfélag í sókn,“
segir stoltur afinn í ákveðnum
kosningaham.
Sigríður sjálf viðurkennir að það
sé svolítið skemmtilegt að eiga
tuttuguþúsundasta íbúa bæjarins.
Drengurinn hafi f lýtt sér svolítið í
heiminn en braggist vel eftir nokk-
urra daga veru á sjúkrahúsi. Hún
er þjónustufulltrúi hjá bænum og
Sigurbergur vinnur á bókasafni
í Stapaskóla. Sá litli var akkúrat
orðinn svangur þegar Fréttablaðið
náði tali af henni og hafði hátt til
að fá sína mjólk. Viðtal við hana
verður því að bíða betri tíma. n
Merkisdrengur sem fæddist
á miðjum bæjarráðsfundi
Foreldrarnir Sigurbergur og Sigríður ásamt litla drengnum þeirra og bæjar-
stjóranum, Kjartani Má Kjartanssyni. MYND/VÍKURFRÉTTIR
Guðbrandur Ein-
arsson, forseti
bæjarstjórnar
Reykjanesbæjar.
Reykjavíkurborg 133.262
Kópavogur 38.332
Hafnarfjörður 29.687
Reykjanesbær 19.676
Akureyrarbær 19.219
Garðabær 17.693
Mosfellsbær 12.589
Árborg 10.452
Akraneskaupstaður 7.697
Fjarðabyggð 5.079
Fjölmennustu sveitarfélögin
hjorvaro@frettabladid.is
NÁTTÚRA Þróun hlaupsins í Skaftá
bendir til þess að hámarksrennslið
nú verði minna en í síðustu hlaup-
um, árin 2015 og 2018. Hlaupið
hefur ekki enn leitt til lokunar á
þjóðvegi 1.
„Hlaupið hefur náð hámarki við
Sveinstind og nú bíðum við bara
róleg eftir því að það geri slíkt hið
sama við Eldvatn.
Það er fremur rólegur og stöðugur
kraftur í þessu og við teljum að það
verði ekki mikið tjón á mannvirkj-
um þó það sé ekki hægt að fullyrða
neitt um það á þessum tímapunkti,“
segir Björn Ingi Jónsson, verkefna-
stjóri almannavarna á Suðurlandi.
„Það hefur gengið vel að koma fé
í öruggt skjól og þá höfum við ekki
enn þurft að loka þjóðvegi 1. Eins og
sakir standa er ekkert sem bendir
til þess að við þurfum að loka þjóð-
veginum næsta sólarhringinn í það
minnsta,“ sagði Björn Ingi í gær-
kvöldi.
Búist er við að hlaupið muni vara
lengur en síðustu hlaup og þar að
auki gæti orðið meiri útbreiðsla á
hlaupvatni í byggð. n
Ekki útlit fyrir mikið tjón í hlaupinu
Skaftárhlaup er í fullum gangi.
FRÉTTABLAÐIÐ/VALLI
birnadrofn@frettabladid.is
KOSNIGAR Einungis 7,6 prósent karla
myndu kjósa Vinstri græn ef gengið
yrði til kosninga í dag. Um 24 prósent
karla myndu kjósa Sjálfstæðisflokk-
inn og 12,7 prósent Framsóknar-
flokkinn.
Þetta kemur fram í nýrri könnun
sem framkvæmd var af Prósent dag-
ana 2. til 7. september. Svarhlutfall
könnunarinnar var 51 prósent.
Tuttugu prósent kvenna sem gert
höfðu upp hug sinn þegar könnunin
var lögð fyrir sögðust myndu kjósa
Sjálfstæðisflokkinn ef gengið yrði til
kosninga í dag. Þær konur sem ekki
höfðu gert upp hug sinn eru líkleg-
astar til að kjósa Vinstri græn, eða
21,8 prósent.
Rúmlega 22 prósent allra þeirra
sem svöruðu könnuninni myndu
kjósa Sjálfstæðisflokkinn ef gengið
yrði til kosninga í dag. Tæplega 15
prósent svarenda sögðust kjósa
Vinstri græn og 13 prósent Pírata.
Gengið verður til alþingiskosninga
þann 25. september næstkomandi. n
Fáir karlar myndu
kjósa Vinstri græn
Gengið verður til alþingiskosninga
25. september. FRÉTTABLAÐIÐ/EYÞÓR
Það var einstaklega fallegt um að litast í höfuðborginni í gær þegar kærkomin veðurblíða lék við borgarbúa. Þessi maður naut þess að horfa á sólarlagið og
Gróttuvita á Seltjarnarnesi í gærkvöldi þegar ljósmyndara Fréttablaðsins bar að garði. Í dag má búast við ágætis veðri á höfuðborgarsvæðinu og jafnvel gæti
sólin brotist fram úr skýjunum. FRÉTTABLAÐIÐ/EYÞÓR
2 Fréttir 8. september 2021 MIÐVIKUDAGURFRÉTTABLAÐIÐ