Fréttablaðið - 08.09.2021, Blaðsíða 10

n Skotsilfur
Vatnagörðum 14 104 Reykjavík
litrof@litrof.is 563 6000
Sterkari saman
í sátt við umhverfið
Sjónmælingar eru okkar fag
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Almenn umræða er nú um þróun
vaxta enda hefur það vakið athygli
hversu mikið vextir hafa lækkað,
samhliða því að aðgengi og áhugi
almennings á óverðtryggðum
íbúða lánum hefur aukist umtals-
vert. Núna þegar hagkerfið jafnar
sig á bakslaginu sem fylgdi sam-
komu- og ferðatakmörkunum
vegna Covid-faraldursins þá er
vaxtastefna Seðlabankans að snú-
ast og vaxtahækkunarferli hafið.
Óhjákvæmilega hefur það áhrif á
vexti á nýjum útlánum en einn-
ig á lán með breytilegum vöxtum.
Virkni vaxtahækkana er því meiri
en áður á greiðslubyrði og er það
jákvæð þróun að vaxtastefna veki
almenna athygli.
Taylor, verðbólga og hagvöxtur
Vaxtaákvarðanir Seðlabanka þurfa
að vera gagnsæjar og samkvæmt
lögum á Seðlabankinn að halda
verðbólgu í skefjum eða í 2,5%
árlegum takti. Samkvæmt svo-
nefndri Taylor-jöfnu ákvarða tvær
meginbreytur skammtímavexti
það er verðbólguvæntingar ásamt
framleiðsluspennu eða -slaka í
hagkerfinu. Tvær aðrar breytur eru
mat á jafnvægisvöxtum og svo sjálft
verðbólgumarkmiðið.
Í hnotskurn eru það því verðbólga
og umsvifin í hagkerfinu sem hafa
mestu áhrifin á vaxtaákvarðanir.
Hér má hafa í huga að horft er til
verðbólgu fram í tímann; það skipt-
ir ekki öllu máli hver verðbólgan er í
dag ef væntingar eru til þess að hún
náist í markmið. Það má því búast
við því að minna atvinnuleysi, meiri
hagvöxtur og há verðbólga sé líklegt
til að valda vaxtahækkunum. Og
síðan öfugt ef atvinnuleysi er mikið,
hagvöxtur lítill og verðbólga lág að
þá sé það tilefni til vaxtalækkana.
Gagnsæi og framsýn leiðsögn
Það er því ákveðið gagnsæi í vaxta-
ákvörðunarferlinu sem byggir í
grunninn á tölum um spennu eða
slaka í hagkerfinu og verðbólguhorf-
um. Framsýn leiðsögn Seðlabankans
og trúverðugleiki virðast vera í nokk-
uð góðum skorðum. Það sést af því
að Seðlabankinn hefur nú í tvígang
hækkað vexti um 0,25% og skulda-
bréfamarkaðurinn sveif last ekki
mikið í kjölfarið. Vaxtaákvörðun
Seðlabankans á ekki að vera óvænt
tíðindi, enda er hann einfaldlega að
bregðast við aðstæðum í hagkerfinu
og væntingum. Líklegt er að vextir
verði hækkaðir áfram á þessu ári í
hóflegum skrefum og í framhaldinu
er útlit fyrir frekari vaxtahækkanir
eftir því sem slakanum í hagkerfinu
vindur niður, atvinnuleysi minnkar
og verðbólga hjaðnar. Skuldabréfa-
markaðurinn verðleggur áframhald-
andi vaxtahækkanir og framvirkir
vextir sýna væntingar um stýrivexti
í jafnvægisstigi eftir 2-3 ár. Hins
vegar erum við ekki að fara í gamla
far hávaxtastefnunnar og ef vel tekst
til, þá verða vextir hér á landi varan-
lega lægri til framtíðar. n
Framsýn leiðsögn Seðlabankans
Valdimar
Ármann
forstöðumaður
Eignastýringar
Arctica Finance.
A nd r i Guð -
m u n d s s o n
fyrrverandi fram-
k v æ m d a s t j ó r i
f y r ir t æk ja r áð -
gjafar hjá Fossum
mörkuðum, hefur
ráðið sig til að
sinna viðskipta-
þróun hjá hátæknigróðurhúsinu Vaxa
sem stundar lóðréttan landbúnað.
Fyrirtækið horfir til tækifæra á Íslandi
og erlendis. Andri á 15 prósenta hlut í
Vaxa en stærsti hluthafinn er félag á
vegum Björgólfs Thors Björgólfssonar,
Andra Sveinssonar og Birgis Más
Ragnarssonar með 40 prósenta hlut.
Andri verður Fossum mörkuðum
áfram innan handar sem ráðgjafi en
hann var ef til vill atkvæðamestur í
útgáfu grænna skuldabréfa á Íslandi.
Andri hefur starfað hjá Fossum
mörkuðum í sjö ár, fyrst á vettvangi
stjórnar en var um árabil með skrif-
stofu í Stokkhólmi. n
Andri til Vaxa
Novator og General Catalyst
komu gagnaverinu Verne
Glob al á fót á Reykjanesi.
Undirbúningur að rekstr-
inum hófst árið 2007 en SF VI,
sem er að mestu fjármagn-
aður af lífeyrissjóðum, kom í
hluthafahópinn árið 2014.
helgivifill@frettabladid.is
SF VI, sem er að mestu fjármagnað
af lífeyrissjóðum, fékk um tíu millj-
arða króna í sinn hlut þegar gagna-
verið Verne Global sem er á Reykja-
nesi var selt fyrir um 40,5 milljarða
króna til innviðasjóðsins Digital 9
Infrastructure sem stýrt er af Triple
Point. Þetta segir Arnar Ragnars-
son, forstöðumaður sérhæfðra
fjárfestinga hjá Stefni, í samtali við
Markaðinn.
Hann upplýsir að SF VI hafi
lagt gagnaverinu til um 52 millj-
ónir Bandaríkjadala frá árinu 2014.
Það er jafnvirði um 6,6 milljarða
króna í dag. „Uppbygging gagna-
vera er kostnaðarsöm og tekur
tíma. Það þarf að bæta við tækja-
búnaði og stækka húsnæðið eftir
því sem umsvifin aukast. SF IV
hefur reglulega tekið þátt í hluta-
fjáraukningum Verne Global til að
styðja við vegferðina. Verne Global
er gott dæmi um samstarf íslenskra
stofnanafjárfesta og framtakssjóða
við uppbyggingu í atvinnulífinu,“
segir Arnar.
Fram hefur komið í Markaðnum
að hugmyndin að rekstri alþjóðlegs
gagnavers á Íslandi hafi sprottið
upp innan veggja tölvuleikjafyrir-
tækisins CCP, þar sem Novator og
General Catalyst voru hluthafar.
Starfsmenn fjárfestingafélaganna
tóku höndum saman og komu á
fót Verne Global. Undirbúningur
að rekstrinum hófst árið 2007 en
fjármálahrunið 2008 gerði það að
verkum að uppbyggingin fór ekki
á fullt skrið fyrr en árið 2011 þegar
hafist var handa við að reisa fyrsta
áfanga gagnaversins. Starfsemin
hófst í ársbyrjun 2012.
Arnar segir að SF VI hafi fjárfest í
uppbyggingu gagnaversins því sjóð-
stjórar framtakssjóða Stefnis hafi
talið að Ísland væri hentugur staður
til að reka gagnaver. „Hér er græn
orka og loftslagið er hentugt til að
kæla tölvubúnaðinn sem dregur úr
rekstrarkostnaði. Að auki var stjórn-
endateymið öflugt með reynslu af
uppbyggingu gagnavera í Banda-
ríkjunum og hluthafahópurinn var
með mikla reynslu úr tækniheim-
inum og gat miðlað af reynslu sinni,“
segir hann.
Að hans sögn hefur stjórnendum
Verne Global tekist vel til við að
auka veltu fyrirtækisins. Þeir hafi
ekki treyst á viðskiptavini sem
sinni námugrefti á rafmyntum á
borð við Bitcoin sem sé áhættusamt
í eðli sínu heldur lagt höfuðáherslu á
stórfyrirtæki. Vöxturinn hafi verið
mikilvægur af tveimur ástæðum:
Annars vegar til að skapa stærðar-
hagkvæmni og hins vegar til að
vekja athygli á fyrirtækinu á meðal
stærri gagnavera og fjárfesta sem
kynnu að hafa áhuga á að yfirtaka
reksturinn. Enda þurfi ríkulegt fjár-
magn til að standa straum af vexti
fyrirtækisins á næstu árum.
„Gagnaversfyrirtæki reka oft
nokkur gagnaver enda kalla stórir
viðskiptavinir eftir því að geta dreift
gögnum sínum niður á nokkra
staði,“ segir Arnar.
Verne Global var fyrsta tæknifjár-
festing sem sjóður á vegum Stefnis
tók þátt í. Eina eign SF VI var Verne
Global en framtakssjóðurinn SÍA
II, sem stýrt er af Stefni, leiðir fjár-
festinguna og á um 19 prósent í
félaginu. Aðrir hluthafar SF VI eru
lífeyrissjóðir en SÍA II er aukin-
heldur að mestu í eigu lífeyrissjóða.
„Hugmyndin með fjárfestingunni
á Verne Global var meðal annars
að auka áhættudreifingu á meðal
eigna sjóðsins en hann hafði á þeim
tíma fjárfest umtalsvert á neytenda-
markaði hér á landi,“ segir Arnar. n
Lífeyrissjóðir fengu tíu milljarða
króna við söluna á Verne Global
Uppbygging getur tekið langan tíma
Aðspurður hver lærdómurinn af fyrstu tæknifjárfestingunni hafi
verið segir Arnar að það geti tekið langan tíma að byggja upp fyrir-
tæki, sér í lagi í nýrri atvinnugrein og ekki megi vanmeta mikilvægi
sölu og markaðsstarfs. Þá skiptir lykilmáli að hafa öflugt stjórn-
endateymi og hluthafa sem séu reiðubúnir að styðja við reksturinn.
„Hér er græn
orka og lofts-
lagið er hentugt
til að kæla
tölvubúnaðinn
sem dregur úr
rekstrarkostn-
aði,“ segir Arnar
Ragnarsson,
forstöðumaður
sérhæfðra
fjárfestinga hjá
Stefni.
K r i s t j a n a
Milla Snorra-
dóttir hef u r
verið ráðin fram-
k væmd a st jór i
mannauðs hjá
Nordic Visitor og
Terra Nova. Milla
er með meistara-
gráðu í verkefna-
stjórnun (MPM) og B.Sc. í iðjuþjálf-
unarfræðum. Áður starfaði hún sem
mannauðsstjóri Borgarleikhússins,
þar áður sem mannauðs- og rekstrar-
stjóri Heilbrigðisstofnunar Vestfjarða
og þá var hún einnig mannauðsstjóri
hjá Nordic Visitor til loka árs 2018.
Eins og fram kom í umfjöllun Mark-
aðarins í sumar verða ferðaskrifstof-
urnar Nordic Visitor, Iceland Travel
og Terra Nova þriðja stærsta ferða-
þjónustufyrirtæki landsins, þegar
kaup Nordic Visitor á Iceland Travel
ganga í gegn. n
Milla aftur til
Nordic Visitor
MARKAÐURINN FRÉTTABLAÐIÐ 8. september 2021 MIÐVIKUDAGUR