Fréttablaðið - 23.07.2021, Side 2

Minningin lifir
SMÁRATORGI | KRINGLAN | GLERÁRTORGI | LINDESIGN.IS
LOKADAGAR
ÚTSÖLU
ENN MEIRI
VERÐLÆKKUN
Lítið lát er á heimsóknum
lúxussnekkja til Íslands. Þessa
dagana er skip rússnesks
auðjöfurs í Reykjavíkurhöfn.
Skipið er sagt vera hlaðið
leikföngum á borð við kafbát
og þyrlu. Það fæst keypt fyrir
jafnvirði tíu milljarða króna.
odduraevar@frettabladid.is
SIGLINGAR Skemmti- og ævintýra-
skip rússneska milljarðamærings-
ins Vladimírs Strzhalkovskí er nú
í Reykjavíkurhöfn. Lúxussnekkjan
sem metin er á tíu milljarða króna
er til sölu og heitir Ragnar.
Ragnar var smíðaður árið 2012 í
Hollandi og er snekkjan nefnd í höf-
uðið á víkingnum Ragnari loðbrók
sem fékk skip frá konungnum föður
sínum og lagðist í víking. Nafngiftin
er til marks um það að hér er um
ævintýraskip að ræða.
Tólf gestir geta verið um borð
í Ragnari hverju sinni og skip-
inu fylgir sautján manna áhöfn.
Rekstrarkostnaður snekkjunnar á
ári hverju er sagður vera á bilinu 629
milljónir til milljarður króna.
Í ævintýrasnekkjunni er að sjálf-
sögðu þyrlupallur og sundlaug. Þá
fylgir sérútbúinn torfærubíll skip-
inu og líkamsræktarsalur er um
borð í hinu 68 metra langa fleyi.
„Ragnar var smíðaður til að taka
gesti út úr þægindarammanum og
inn í ókortlagðan heim snæviþaktra
fjallstinda, óblíðra sífrera og kol-
svartra hafdjúpa sem iða af sjávar-
lífi,“ segir um skipið á á vefnum
superyachttimes.com.
Innanstokks bera innréttingar
keim af áhugamálum Strzhal-
kovskís. „Eigandinn er gríðarlega
áhugasamur um miðaldaorrustur
og -vopn,“ segir á superyachttimes.
com.
Ragnar getur brotist í gegn um
heimskautaís og hefur af l til að
takast á við öll veður,“ segir á burg-
essy achts.com. Gestir munu þurfa
að minnsta kosti viku til að reyna
öll leikföngin um borð, þar með
talda Airbus EC145-þyrlu og þriggja
manna kafbát,“ segir enn fremur á
burgessyachts.com þar sem fleyið
hefur verið boðið til sölu.
Auðævi Vladimírs Strzhalkovskí,
eiganda Ragnars, eru metin á 400
milljónir Bandaríkjadollara eða því
sem nemur 50 milljörðum íslenskra
króna.
Hinn 67 ára Strzhalkovskí er
hagfræðimenntaður frá Lenín-
grad háskólanum í St. Pétursborg
í Rússlandi. Hann starfaði innan
stjórnsýslunnar í heimalandi sínu,
meðal annars innan leyniþjónust-
unnar KBG, þar sem hann komst
í kynni við Vladímír Pútín, síðar
forseta Rússlands. Strzhalkovskí
auðgaðist meðal annars á 100 millj-
óna dala starfslokasamningi hjá
málmfyrirtækinu Norilsk Nickel
árið 2011.
Fyrir áhugasama er myndasyrpa
af þessu forvitnilega skipi á vef
Fréttablaðsins, frettabladid.is, í dag.
Virðast sumar myndanna jafnvel
teknar við Íslandsstrendur og gætu
lesendur spreytt sig og kannað hvort
þeir þekkja landslagið í bakgrunni
myndanna. n
Ævintýraskip til sölu á tíu
milljarða í Reykjavíkurhöfn
Ævintýraskipið Ragnar getur brotist í gegnum ís og siglt í öllum veðrum með
tólf farþega og sautján manna áhöfn. FRÉTTABLAÐIÐ/EYÞÓR
Ragnar var smíðaður
til að taka gesti út úr
þægindarammanum
og inn í ókortlagðan
heim snæviþaktra
fjallstinda, óblíðra
sífrera og kolsvartra
hafdjúpa sem iða af
sjávarlífi.
superyachttimes.com
Minningarathöfn fór fram í gær fyrir þá sem létust í hryðjuverkaárásinni í Noregi fyrir tíu árum. Meðal þeirra sem minntust fórnarlambanna var forseti Ís-
lands. Ungir jafnaðarmenn stóðu fyrir friðargöngu að minningarlundi í Vatnsmýri. Alls létust 77 í árásinni, þar af 55 undir tvítugu. FRÉTTABLAÐIÐ/VALLI
VESTMANNAEYJAR „Það er ekkert
búið að gefa neitt út en það óhætt
að segja að maður bíði með öndina
í hálsinum eftir frekari fregnum.
Það verður áhugavert að fylgjast
með vendingum þessa máls í dag.“
Þetta segir Bergvin Oddsson, annar
eigandi 900 Grillhúss í Vestmanna-
eyjum, aðspurður um óvissuna sem
ríkir um hvort Þjóðhátíð í Vest-
mannaeyjum fari fram þetta árið í
ljósi þess að von er á hertum aðgerð-
um stjórnvalda vegna nýrrar bylgju
kóróna veiru smita.
Ríkisstjórn ræðir í dag nýjar til-
lögur Þórólfs Guðnasonar sóttvarna-
læknis, viku fyrir stærstu ferðahelgi
ársins. Óhætt er að segja að íbúar
Vestmannaeyja fylgist spenntir með
frekari tíðindum eftir að Þjóðhátíð
var blásin af á síðasta ári. Um er að
ræða gríðarlega mikilvæga tekju-
lind fyrir ÍBV en um leið veitinga-
rekstur á svæðinu. „Það er ekkert víst
að öll fyrirtækin í Vestmannaeyjum
þrauki af annað ár án Þjóðhátíðar.
Þessi helgi er yfirleitt að skila tutt-
ugu til þrjátíu prósentum af heildar-
tekjum ársins hjá veitingastöðunum
og yfirleitt aldrei undir fimmtán pró-
sentum,“ segir Bergvin og ályktar að
aflýsing myndi verða samfélaginu í
Vestmannaeyjum dýr. „Það eru líka
margir íbúar sem hafa aukatekjur
af hátíðinni, ýmist með því að leigja
út húsnæði eða sem vinna á hátíð-
inni.“ n
Stór hluti af árstekjunum þessa helgi
Bergvin Oddsson,
annar eigandi 900
Grillhúss.
kristinnpall@frettabladid.is
COVID -19 Viðbúnaðarstig Land-
spítalans hefur verið fært á hættu-
stig. Tveir liggja á smitsjúkdómadeild 
með Covid-19. Þá er 301 einstakling-
ur í eftirliti á Covid-göngudeildinni,
þar af 25 börn. Tíu sjúklingar eru í
sérstöku eftirliti með tilliti til inn-
lagnar og eru alls fimm starfsmenn 
spítalans í einangrun og 225 í vinnu-
sóttkví.
„Í ljósi þess að faraldurinn er í
veldisvexti, verkefni Covid-göngu-
deildar aukast daglega í samræmi
við það, f leiri sjúklingar í eftir-
liti eru veikir, fjöldi starfsfólks er í
sóttkví vegna útsetninga og nýlegrar
komu erlendis frá, mönnun er með
minnsta móti vegna sumarleyfa auk
þess sem mikil óvissa ríkir um þróun
faraldursins, innlagnatíðni og alvar-
leika veikinda, hafa farsóttanefnd og
viðbragðsstjórn Landspítala ákveðið
að setja spítalann á hættustig,“ segir í
tilkynningu. n
Landspítalinn
yfir á hættustig
Í gær var óbólusettur einstaklingur
lagður inn á smitsjúkdómadeildina.
2 Fréttir 23. júlí 2021 FÖSTUDAGURFRÉTTABLAÐIÐ