Fréttablaðið - 20.07.2021, Qupperneq 36

Í náinni fortíð þótti sjálf­
sagt mál að skreppa í banka
til þess að sinna fjármálum,
millifæra og telja smámynt.
Þá var líka hlustað á vasa­
diskó og horft á vídeóspólur
sem safna nú ryki á ösku­
haugum sögunnar þar sem
áður ómissandi hlutir hrann­
ast nú upp sem aldrei fyrr.
benediktboas@frettabladid.is
toti@frettabladid.is
Þeim fer fækkandi sem eiga daufar
minningar um að hafa tekið ljós­
myndir með þar til gerðum vélum
á filmur sem síðan þurfti að fara
með í framköllun. Þetta fólk getur
einnig státað sig af því að kunna á
skífusíma og að hafa átt mikilvæg
símtöl í svokölluðum heimasíma
sem var landlínutengdur.
Þessi þarfaþing fortíðarinnar eru
nú í frjálsu falli í gleymskunnar dá
ásamt myndböndum, gjaldkera­
stimplum og kassettum. Úrelding
áður nauðsynlegra hluta hefur
aldrei verið jafn hröð og meira að
segja einkaverslun ríkisins með
áfengi, ÁTVR, virðist vera á sömu
leið ásamt eftirtöldum hlutum sem
eru komnir á válista. n
Ómissandi hlutir
á öskuhaugum
sögunnar
Línuleg dagskrá
Er einna líklegust til þess að geta haft taumhald á nú­
tímatruntunni. Henni hafa verið sýnd ófá banatilræði
á síðustu árum en hún úreldist varla fyrr en síðasti
áskrifandi Morgunblaðsins endar á minningargreina­
síðum þess. Lífdagar línulögunarinnar lifa á fram­
lengingu íþróttaviðburða sem verða alltaf línulaga
auk þess sem krafa fólks um að fá fréttirnar sínar á
sínum fasta tíma (þótt þær séu í raun endursýning
af vefmiðlum) er ótrúlega rótgróin. Síðan verða
sjálfsagt alltaf til ríkismiðlar, rótfastir í 20. öldinni og
bólusettir fyrir öllum tækninýjungum, svo lengi sem
ríkiskassarnir tæmast ekki.
Afruglarinn
Myndlyklar og afruglarar hljóta að hafna á sömu
endastöð og myndbandstækin. Það er að verða svo­
lítið gamalt trix að þurfa að leigja sérstök tæki og tól
til þess að hafa aðgang að sjónvarpsefni þannig að
eftir nokkur ár mun skrýtnum snúrum snarfækka á
hverju heimili.
Bókin
Vissulega er varasamt að spá bókinni dauða þar sem
hún hefur staðið allar árásir og ógnir af sér hingað til
og heldur enn velli. Þeim sem hafa prófað lesbretti
og hljóðbækur fjölgar hins vegar stöðugt og að sama
skapi fækkar þeim sem nenna að fletta gamaldags
bókum.
Snúrur
Snúrur hvers konar eru óþolandi drasl og réttdræpar
hvar sem í þær næst fyrir allar sínar flækjur, rembi­
hnúta og slys í heimahúsum. Sameiginlegt takmark
gervalls uppfinningamannkyns hlýtur að vera að
fækka þeim. Enda eru allir að reyna fela þær hvort
sem er. Ljótar, leiðinlegar og það bara hlýtur að koma
allsherjar þráðlaus lausn innan tíðar.
Tölvumúsin
Hlýtur að enda í gleraugum þar sem augnatillit tekur
við af hinum óstöðuga og villuráfandi bendli. Tölvu­
músin réttlætir helst tilveru sína í tölvuleikjum en
hlýtur að verða úthýst af skrifborðum og skrifstofum
eftir nokkur ár.
Peningaseðlar
Covid gerði endanlega út af við peningaseðilinn. Hver
vill taka við notuðum seðli í dag? Ekki þú. Einungis
svarta hagkerfið þarf á sínum seðlum að halda og þar
sem það er hvergi á förum hlýtur það að neyðast til
þess að uppfæra sig í stafrænar lausnir.
Bankastarfsmaðurinn
Hinn hefðbundni bankastarfsmaður er að deyja út.
Bankarnir hafa núorðið takmarkaðan áhuga á að fá
fólk inn á gafl með einfaldar fyrirspurnir. Nokkrum úti­
búum er þó haldið gangandi fyrir þau sem þvermóast
við að læra á heimabanka og skilja ekki öpp, stafræn
smáforrit sem eru ígildi bankaútibúa í snjalltækjum.
Eftir að þetta fólk hverfur yfir móðuna miklu eiga litlu
börnin eftir að hlæja að því að einu sinni hafi verið til
fólk sem starfaði í bönkum við að aðstoða fólk.
Heimasíminn
Þetta byltingarkennda samskiptatól er í raun þegar
útdautt og sennilega einfaldasta mál í heimi að aka
því lóðbeint á ruslahaug sögunnar þar sem heima­
síminn lifir hvergi nema ef til vill í furðusögum fyrir
börn og barnabörn um að símanúmerið hafi verið ein
stutt og tvær langar. Eða að það hafi verið tækni­
bylting þegar öll símanúmer urðu sjö stafir og takkar
tóku við af skífunni.
Beinskiptir bílar
Gamla góða kúplingin er krúttkynslóðinni í raun þegar ofviða og hlýtur
að víkja á næstunni, jafnvel á undan bensínbílnum sem þó er við það að
bræða úr sér og umhverfinu. Hver kaupir sér beinskiptan bíl eftir tíu ár?
Það verður ekkert eðlilega fyndið að segja litlum gröllurum frá því að
einu sinni hafi verið til bílar með þremur pedölum, svokallaðir bein­
skiptir. Er ekki tími til kominn að tengja?
Undirbúningsstyrkir
Styrkir til sýningaverkefna
Útgáfu-, rannsóknastyrkir
og aðrir styrkir
M
yn
dl
is
ta
rs
jó
ðu
r
Veittir verða styrkir allt að 3.000.000 kr.
Umsóknafrestur er til kl. 16:00 þann 23. ágúst 2021
Upplýsingar um myndlistarsjóð,
umsóknareyðublað, úthlutunar­
reglur og leiðbeiningar má finna
á vefsíðu myndlistarsjóðs,
myndlistarsjodur.is
Úthlutað verður í september­
mánuði. Um er að ræða seinni
úthlutun úr sjóðnum árið 2021.
Umsóknarfrestur
í myndlistarsjóð
rennur út
23. ágúst
Þessi þarfaþing fortíð-
arinnar eru nú í frjálsu
falli í gleymskunnar dá
ásamt myndböndum,
gjaldkera stimplum og
kassettum.
16 Lífið 20. júlí 2021 ÞRIÐJUDAGURFRÉTTABLAÐIÐLÍFIÐ FRÉTTABLAÐIÐ 20. júlí 2021 ÞRIÐJUDAGUR