Ásgarður : blað starfsmanna ríkis og bæja - 14.02.1967, Blaðsíða 5
ásgarour
Utgefandi: Bandalag starfsmanna ríkis og bœja. - Ritnefnd: Haraldur Steinþórsson (óbm.), Bjarni Sigurðsson, Björn Bjarman, Guðjón
B. Baldvinsson, Svavar Helgason, Valborg Bentsdóttir. - Afgreiðsla: Brœðraborgarstíg 9 Símar 13009 og 22877. - Ritstjórnarfulltrúi:
Sigurjón Jóhannsson. - Auglýsingar: Júlíus Pólsson. - Kópa og útlit: Auglýsingastofan Gísli B. Björnsson. - Alþýðuprentsmiðjan h.f.
B.S.R.B. 25 ÁRA
Bandalag starfsmanna ríkis og bæja á 25 ára afmæli 14. febrúar 1967.
Mörg af þeim félögum og samböndum, sem standa aS samtökunum, eru
eldri en heildarsamtökin, sum þeirra meira en helmingi eldri og eiga sér
merka sögu áður en bandalagiS var stofnað. En forgöngumenn aS stofnun
B.S.R.B. voru þeirrar skoSunar, aS samband allra félaga opinberra starfs-
manna mundi hafa sterkarí aðstöSu í kjarabaráttunni en hvert þeirra um sig.
Það sannaSist einnig fljótt, að brautrySjendurnir höfðu rétt fyrir sér.
Þegar á fyrstu árum samtakanna náSu þau miklum árangri í starfi, og þar
var auðvitað þýðingarmest, að stjórnarvöld ríkis og bæjarfélaga viSurkenndu
B.S.R.B. þegar sem forustuaðila í málefnum opinberra starfsmanna. StSan
hefur starf bandalagsins haldiS áfram um áldarfjórSungs skeið, og auð-
vitað hafa skiptst á skin og skúrir í starfi þessara félagssamtaka eins og
annarra. Þau hafa unnið marga sigra og góða, en einnig stundum hlotið
að bíða lægra hlut. Ef litið er á starf samtakanna í áldarfjórðung, tel ég
mega fullyrða, að árangur af því hafi orðið mikill og merkur.
En eðli málsins samkvæmt verða stefnumál slíkra samtaka ekki leyst t
eitt skipti fyrir öll, ný viðhorf skapast, starfið heldur áfram og óleyst verk-
efni bíða sífellt komandi daga. Þannig höfum við ekki enn náð fullum
samningsrétti, eins og frá upphafi hefur verið stefnt að. Samt var þeim
áfanga náð 1962, að samið er nú um launin, þótt við verðum að una Kjara-
dómi. Viðræður standa yfir um lagfæringu á kjarasamningálögunum. Sjálf
kjarábaráttan heldur áfram. Næstu tvö árin verður reynt að koma launa-
kerfinu á fastari grundvöll. Jafnframt verða launin að hækka til samræmis
við verðlag og önnur laun í landinu. Skipidagsmál samtákanna eru í endur-
skoðun. Bandalagið er ráðið í því að koma sér upp eigin húsi í náinni
framtíð og unnið verður að því á næstu árum að hrinda í framkvæmd
áformum um byggingu orlofsheimila fyrir opinbera starfsmenn. Mörg
önnur verkefni, stór og smá, bíða úrlausnar hjá samtökunum.
Á undangengnum aldarfjórðungi hafa mörg verkefni verið leyst af
bandalaginu og fjölmargir lagt þar hönd á plóginn, og þeim öllum þökk-
um við af heilum hug.
Ef okkur auðnast að auka enn starfið og samstöðuna um málefni sam-
takanna, getum við verið bjartsýn um framvindu mála.
Kristján Thorlacius.
LANDSL
íKASAFS
272537
fSLANDS
ASGARÐUR
5