Fréttablaðið - 18.06.2021, Blaðsíða 36

AUGLÝSINGADEILDIR – AUGLÝSINGASTJÓRI: Gústaf Bjarnason gustaf@torg.is, ALMENNAR AUGLÝSINGAR: SÍMI 550 5050:
Auður Húnfjörð audur@frettabladid.is, Hjördís Zoëga hjordis@frettabladid.is, Hlynur Þór Steingrímsson hlynur@frettabladid.is , Reynir Elís Þorvaldsson reynir@frettabladid.is,
Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson
jonivar@frettabladid.is, Ruth Bergsdóttir ruth@frettabladid.is FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056:
Hrannar Helgason hrannar@frettabladid.is, TÍMAMÓTA- OG ÞJÓNUSTUAUGLÝSINGAR SÍMI 550-5055: Arna Rut Kristinsdóttir arnarut@frettabladid.is
Siggi Stormur segir sumarið
byrja illa. Síðan má búast við
bongóblíðu eftir miðjan júlí
og fram í ágúst, sérstaklega
fyrir norðan.
arib@frettabladid.is
„Seinni hluti sumarsins verður
góður og Norðurlandið kemur mjög
vel inn, sérstaklega eftir miðjan
júlí,“ segir Sigurður Þ. Ragnarsson
veðurfræðingur, best þekktur sem
Siggi Stormur. Fréttablaðið fékk
hann til að fara yfir veðrið í sumar
þar sem fjölmargir Íslendingar
koma til með að ferðast innanlands.
Siggi viðurkennir að sumarið hafi
byrjað illa. „Byrjunin á þessu sumri
hefur gjörsamlega mislukkast. Enda
þótt það séu fordæmi fyrir því að
það snjói í byggð eftir miðjan júní
þá sker þetta sumar sig mjög mikið
úr miðað við sumrin á undan sem
hafa verið prýðisgóð,“ segir Siggi.
Kalt sumar fram í miðjan júlí
Spár hans eru ekki gripnar úr lausu
lofti, þvert á móti byggi þær á fjöl-
mörgum langtímaspám frá veður-
stofum beggja vegna Atlantshafsins.
„Það eru reiknaðar svokallaðar tíð-
arfarsspár, sem ná yfir mánuð eða
þrjá mánuði, þær eru ekki mjög full-
komnar þó að þær hafi tekið mikl-
um framförum frá því fyrir sautján
árum þegar ég fór að fylgjast með
þeim vandlega. Þær gáfu til kynna
að byrjunin á þessu sumri yrði í
kaldari kantinum. Þessar sömu spár
gera ráð fyrir nokkuð köldu sumri
alveg fram í miðjan júlí.“
Spárnar gera ráð fyrir að veðrið
verði gott um allt land eftir miðjan
júlí og fram í ágúst. „Þetta er ekki
fullkomið reiknikerfi en þær gefa
tilefni til að ætla að veðrið muni
batna. Tíðarfarsspár frá Bandaríkj-
unum eru jákvæðari en þær evr-
ópsku, þær benda til að júlí verði í
meðallagi. Það kom leiðindakafli
með mikilli úrkomu í lok júlí í fyrra
sem stóð fram í ágúst, það má búast
við að það verði einhverjar sveiflur
í ár.“
Bongó fyrir norðan
„Þegar horft er inn í ágúst þá eru
horfur á að það verði gott veður,
sérstaklega á Norðurlandi. Bæði
verður hann hlýrri en í meðalári og
þurrari. Ef þú leggur þetta saman
þá eru góðar líkur á að bongóblíða
verði á Norðurlandi og Austurlandi
í lok júlí og fram í ágúst. Það verður
töff sumarveður þar sem menn geta
leyft sér að kæla sig í kaldri á eða
henda sér út í Eyvindará eins og
menn gera gjarnan á Egilsstöðum.“
Siggi segir að það sé erfitt að spá
fyrir um einstaka helgar, sérstak-
lega verslunarmannahelgina. „Það
er ekkert hægt að fullyrða neitt um
það. Það geta komið tuttugu góðir
dagar, svo nokkrir leiðinlegir sem
hitta beint á verslunarmannahelg-
ina.“
Veðursæld fyrir austan
Siggi segir að sumir staðir séu
veðursælli en aðrir. „Það er tilfellið.
Almennt er mikil veðursæld á slétt-
lendinu í uppsveitum Suðurlands,
þar er gott skjól fyrir norðanáttinni.
Það er líka veðursæld í Húsafelli,
það kemur þó fyrir að það sé skýjað
þar á meðan það er bjart utar í Borg-
arfirði. Ásbyrgi að sjálfsögðu. Það
er veðursæld á Akureyri, vandinn
þar er að þegar hafgola leitar inn og
breytist í þoku þá snarkólnar,“ segir
Siggi. „Þessi veðursældarsvæði eru
frekar fyrir norðan og austan, sólin
þar er oftast í suðlægum áttum. Þá fá
þeir hlýja sól úr suðri og heita vinda
af fjöllum.“ ■
Spáir að sumarið muni
koma eftir miðjan júlí
Sigurður Þ. Ragnarsson veðurfræðingur. FRÉTTABLAÐIÐ/ERNIR
Það er fimm metra hátt fall ofan í Eyvindará. Siggi Stormur segir að það viðri vel til stökks eftir miðjan júlí.
FRÉTTABLAÐIÐ/HEIÐA
ÞRIÐJUDAGA
KL. 20.00
MATUR OG HEIMILI
MEÐ SJÖFN ÞÓRÐAR
Lifandi þáttur um matargerð
í bland við innanhússarkitektúr,
hönnun og fjölbreyttan lífsstíl.
Þátturinn er á dagskrá alla
þriðjudaga kl. 19.00
Seinni hluti sumarsins
verður góður og Norð-
urlandið kemur mjög
vel inn, sérstaklega
eftir miðjan júlí,
22 Lífið 18. júní 2021 FÖSTUDAGURFRÉTTABLAÐIÐ